Gwefan llywodraeth y DU

Budd-daliadau a chymorth ariannol i fyfyrwyr

Os ydych chi'n dilyn cwrs addysg uwch, gallwch wneud cais am gyllid myfyrwyr i'ch helpu i dalu am eich astudiaethau.

Fel arfer, ni all myfyrwyr amser llawn hawlio budd-daliadau ar sail incwm hefyd - ond weithiau gall myfyrwyr rhan-amser a grwpiau penodol o fyfyrwyr amser llawn fod yn gymwys.

Fodd bynnag, gall y rheolau ynghylch bod yn gymwys fod yn gymhleth, a'ch amgylchiadau personol chi fydd yn penderfynu a allwch chi gael budd-daliadau ar sail incwm ai peidio.

Felly, hyd yn oed os ydych chi'n perthyn i grŵp sy'n gymwys i gael budd-daliadau ar sail incwm, nid yw hyn o reidrwydd yn golygu y cewch chi nhw - efallai bydd yr incwm a gewch chi drwy gyllid myfyrwyr yn rhy uchel.

Ble i fynd i gael cyngor

Os ydych chi eisoes yn hawlio budd-daliadau ar sail incwm ac yn dymuno dechrau ar gwrs addysg uwch, dylech ofyn i'ch swyddfa Canolfan Byd Gwaith leol a/neu'ch awdurdod lleol sut y bydd hyn yn effeithio ar eich budd-daliadau.

• Cysylltu â’r Canolfan Byd Gwaith Opens new window
• Dod o hyd i'ch cyngor lleol
• Newidiadau sy'n effeithio ar eich budd-dal

Os ydych yn y brifysgol neu goleg yn barod, bydd cynghorwr myfyriwr yn gallu eich helpu i weithio allan os ydych yn gymwys am unrhyw fudd-daliadau.

Pwy all hawlio budd-daliadau ar sail incwm fel myfyriwr?

Myfyrwyr amser llawn

Er nad yw'r rhan fwyaf o fyfyrwyr amser llawn yn gallu hawlio budd-daliadau, mae'n bosibl y gall grwpiau penodol hawlio.

Ceir rhestr lawn o'r rheolau yn y rheoliadau ar gyfer Cymhorthdal Incwm a Budd-dal Tai. Ond, fel canllaw cyffredinol, gallwch hawlio budd-daliadau ar sail incwm dan yr amgylchiadau canlynol:

• os ydych chi'n rhiant unigol
• os oes gennych chi bartner sydd hefyd yn fyfyriwr - ac mae un neu'r ddau ohonoch yn gyfrifol am blentyn
• os oes gennych anabledd, a'ch bod yn gymwys i gael y Premiwm Anabledd neu'r Premiwm Anabledd Difrifol

Ac mae grwpiau penodol eraill o bosibl yn gymwys - er enghraifft, pobl sydd wedi cael eu hystyried yn analluog i weithio am gyfnod di-dor o 28 wythnos o leiaf.

Bydd eich awdurdod lleol yn gallu cadarnhau a ydych chi'n perthyn i grŵp sy'n debygol o fod yn gymwys ai peidio.

Os oes gennych bartner nad yw'n fyfyriwr, ond yn gymwys i gael unrhyw un o'r budd-daliadau sy'n gysylltiedig ag incwm, caiff eich partner wneud cais ar ran y ddau ohonoch.

• Dod o hyd i'ch cyngor lleol

Myfyrwyr rhan-amser

Gall myfyrwyr rhan-amser mewn addysg uwch hefyd wneud cais am fudd-daliadau ar sail incwm os ydynt ar incwm isel ac yn bodloni'r amodau i fod â hawl i gael y budd-dal perthnasol. Nid oes yn rhaid iddynt berthyn i un o'r grwpiau penodol a restrir yn y rheoliadau ar gyfer Cymhorthdal Incwm neu Fudd-dal Tai.

Pa fudd-daliadau ar sail incwm allwch chi eu hawlio?

Os ydych chi'n perthyn i un o'r grwpiau a ddisgrifir uchod, eich amgylchiadau personol chi fydd yn penderfynu a allwch chi gael budd-daliadau ar sail incwm ai peidio - bydd hyn yn cynnwys eich incwm a faint sydd gennych mewn cynilion.

Dyma rai o'r budd-daliadau ar sail incwm y gallech eu hawlio:

• Cymhorthdal Incwm
• Budd-dal Tai neu Lwfans Tai Lleol
• Budd-dal y Dreth Gyngor

I gael gwybod mwy, dilynwch y dolenni isod.

• Cymhorthdal Incwm
• Budd-dal Tai
• Lwfans Tai Lleol
• Budd-dal Treth Gyngor

Pa Fenthyciadau Myfyrwyr a grantiau sy'n cyfri fel incwm?

Wrth i chi gyfrifo a ydych chi'n gymwys i gael budd-daliadau ar sail incwm a chithau'n fyfyriwr, bydd rhai mathau o gyllid myfyrwyr yn cyfrif fel incwm.

I gael gwybod mwy, dilynwch y ddolen isod.

• Pa Fenthyciadau Myfyrwyr a grantiau sy'n cyfri fel incwm?

Lwfans Ceisio Gwaith

• Lwfans Ceisio Gwaith
• Adran cyflogaeth

Budd-dal Analluogrwydd

Y mae hwn ar gael i bobl nad ydynt yn gallu gweithio o ganlyniad i anabledd neu salwch. Os ydych yn hawlio Budd-dal Analluogrwydd eisoes, mae'n bosib i chi barhau i'w dderbyn fel myfyriwr.

Gall eich Swyddog Anabledd neu Swyddog Gwasanaethau Myfyrwyr eich coleg neu'ch prifysgol roi cyngor i chi. Gellir cael mwy o wybodaeth hefyd gan Skill (Y Biwro Cenedlaethol i Fyfyrwyr ag Anableddau).

• Budd-dal Analluogrwydd (adran pobl anabl)
• Myfyrwyr anabl a budd-daliadau: gwybodaeth gan Skill Opens new window

Other help

• Sut i gysylltu â Chyllid a Thollau EM

Y dreth gyngor a myfyrwyr amser llawn

Mae'n bosibl y caiff myfyrwyr amser llawn eu heithrio rhag talu'r Dreth Gyngor, neu gallant fod yn gymwys i gael gostyngiad yn eu bil Treth Gyngor. Holwch eich awdurdod lleol sut i hawlio, yna gofynnwch i'ch coleg neu'ch prifysgol gyflwyno tystiolaeth o'ch statws myfyriwr amser llawn.

• Gostyngiadau ar y Dreth Gyngor, eithriadau a chymorth ariannol (adran cartref a chymuned)

Mwy o help i rieni unigol

I gael gwybod mwy am gymorth ariannol i rieni unigol, megis Cynhaliaeth Cynnal Plant, gweler y dudalen 'Rhieni unigol' yn yr adran rhieni.

• Unig rieni (adran rhieni)

Mwy am gyllid myfyrwyr

Gallwch gael gwybod mwy am y cymorth sydd ar gael drwy gyllid myfyrwyr - gan gynnwys grantiau, a (i fyfyrwyr amser llawn) Benthyciadau Myfyrwyr a bwrsarïau - drwy ddilyn y ddolen isod sy'n berthnasol i chi.

• Cyllid ar gyfer myfyrwyr amser llawn - dechrau arni (adran addysg a dysgu)
• Cyllid myfyrwyr: myfyrwyr rhan-amser (adran addysg a dysgu)
• Cyllid ar ôl eich blwyddyn gyntaf (adran addysg a dysgu)