Gwefan llywodraeth y DU

Sut mae HP yn wahanol i gredyd arferol

Cytundebau HP

Trefniadau credyd arferol

Bydd gwaith papur eich cytundeb yn dweud wrthych pa fath o gytundeb sydd gennych.

• Mwy am hur bwrcas gan y Swyddfa Masnachu Teg (ffeil PDF, 60K) (yn agor ffenestr newydd)
• Cymorth gyda ffeiliau PDF

Mynd ar ei hôl hi gyda thaliadau HP

Os byddwch chi'n mynd ar ei hôl hi gyda'ch taliadau HP, gall credydwr ofyn i chi ddychwelyd eich nwyddau. Fodd bynnag, os ydych wedi talu mwy na thraean cyfanswm y ddyled, rhaid iddyn nhw fynd drwy'r Llysoedd Sirol gyntaf (neu Lysoedd y Siryf yn yr Alban).

Os ydych chi wedi talu llai na thraean eich dyled, dim ond gorchymyn llys fydd ei angen ar gredydwr i symud nwyddau o'ch eiddo. Ond nid oes rhaid iddyn nhw wneud hyn os ydyn nhw mewn man cyhoeddus. Er enghraifft, os oes gennych gytundeb Hur Bwrcas ar eich car, gall credydwr ei symud oddi ar y stryd heb orchymyn llys.

Os bydd eich credydwr yn mynd â chi i'r llys

Mae'r llysoedd yno i'ch helpu chi a'r credydwr. Os gallwch ad-dalu'r ddyled mewn rhandaliadau rhesymol, mae'n bosib y bydd y llys yn gadael i chi gadw'ch nwyddau.

Os ydych wedi talu mwy na thraean eich dyled

Yn y cyswllt hwn, fe all credydwr geisio cael 'Gorchymyn Dychwelyd' gan y llys sy'n eich gorfodi i ddychwelyd eich nwyddau. Fodd bynnag, rhaid cynnal gwrandawiad llys gyntaf (yn eich Llys Sirol lleol, mae'n debyg).

Cyn y gwrandawiad, mae'r llys yn anfon 'Ffurflen Hawlio' atoch, sy'n rhoi'r cyfle i chi ddychwelyd y nwyddau eich hun. Byddan nhw hefyd yn anfon 'ffurflen addef' atoch sy'n rhoi cyfle i chi:

Rhaid i chi anfon y ffurflen addef yn ôl i'r llys o fewn 14 diwrnod. Yna, bydd y llys yn sgwrsio gyda'r credydwr i weld a fydd yn barod i dderbyn eich telerau. Os bydd, caiff y gwrandawiad ei ganslo; os na fydd, neu os na fyddwch chi'n anfon y ffurflen yn ôl, bydd y gwrandawiad yn mynd yn ei flaen.

Yna, bydd y llys yn penderfynu a ddylid gorfodi'r gorchymyn Dychwelyd ynteu ei 'ohirio' (gan olygu y caiff ei orfodi os methwch chi daliad arall yn ddiweddarach). Os caniateir i chi gadw'r nwyddau, bydd y llys yn pennu eich taliadau misol newydd.

Os na fyddwch chi'n bresennol yn y gwrandawiad, fel arfer bydd y barnwr yn caniatáu'r Gorchymyn Dychwelyd

• Hawliadau a Dyfarniadau Llys Sirol
• Ymateb i hawliad Llys Sirol

Os ydych wedi talu llai na thraean eich dyled

Yn yr achos hwn, dyma'r dewis fydd gennych:

• Gwybodaeth am Orchmynion Amser gan y National Debtline (yn agor ffenestr newydd)

Terfynu'r cytundeb HP eich hun

Dan rai amodau, mae'n fwy realistig terfynu'r cytundeb - yn enwedig os na allwch chi wneud taliadau rhesymol.

Pryd y cewch chi derfynu cytundeb HP?

Cewch derfynu cytundeb HP defnyddiwr (h.y. nid cytundeb rhwng busnesau) unrhyw bryd cyn gwneud y taliad terfynol. (Bydd pob taliad ar wahân i'r olaf un ar gyfer rhent; ac fe rennir y taliad terfynol rhwng y rhent a swm penodol i brynu'r nwyddau.)

Sut mae terfynu cytundeb HP?

fel arfer, cewch wneud hyn drwy roi'r nwyddau yn ôl. Fodd bynnag, mae'n bosib y bydd credydwyr yn gofyn am hyd at hanner cyfanswm y cytundeb gwreiddiol (wedi tynnu'r swm rydych chi eisoes wedi'i dalu) - waeth pryd y byddwch chi'n terfynu'r cytundeb. Hefyd, bydd rhaid i chi dalu'r ôlddyledion ac am unrhyw ddifrod (megis traul anghyffredin ar y dodrefn).

Bydd gwaith papur eich cytundeb yn nodi unrhyw amodau arbennig sydd gan y credydwr ar gyfer terfynu cytundeb.

• Cael gwybod am derfynu cytundeb HP (yn agor ffenestr newydd)

Unwaith i'r nwyddau gael eu dychwelyd

Os oes dal arnoch chi arian i'r credydwr ar ôl dychwelyd y nwyddau, dylech drin hyn fel dyled gyffredin. Os anghytunwch chi â'r swm, rhaid i chi ysgrifennu at y credydwr ar unwaith.

Os bydd y credydwr yn mynd â'r ddyled i'r llys, fe gewch Ffurflen Hawlio a chyfle i gyflwyno'ch dadl (fel sy'n wir gydag unrhyw ddyled arall).

• Cael gwybod mwy am ddelio â phroblemau dyled
• Gwybodaeth am sut i flaenoriaethu eich dyledion
• Cael gwybod mwy am Ddyfarniadau'r Llys Sirol (CCJs)

Ble i gael cyngor

Cyrff annibynnol yw llawer o gyrff cynghori, megis y rhai a restrir yma, ac ni fyddant yn codi tâl am roi cyngor. Mynnwch gyngor annibynnol am ddim bob tro cyn defnyddio gwasanaeth masnachol.

National Debtline

Mae'r National Debtline yn cynnig cymorth cyfrinachol ac annibynnol am ddim dros y ffôn i bobl yng Nghymru, Lloegr a'r Alban. Gallwch ffonio'u llinell gymorth a llwytho taflenni ffeithiau am ddim oddi ar eu gwefan.

• Ymweld â gwefan y National Debtline (yn agor ffenestr newydd)
• Cysylltu â'r National Debtline (yn agor ffenestr newydd)

Gwasanaeth Cwnsela Credyd Defnyddwyr (CCCS)

Mae gan y CCCS linell gymorth hefyd sy'n cynnig cyngor annibynnol a diduedd am ddim i bobl sydd â phroblemau gyda dyled:

• Ymweld â gwefan y CCCS (yn agor ffenestr newydd)
• Mwy am y CCCS (yn agor ffenestr newydd)

Canolfan Cyngor ar Bopeth (CAB)

Mae eich canolfan CAB leol yn darparu gwybodaeth a chyngor am ddim am broblemau cyfreithiol, ariannol a phroblemau eraill. Mae cyfeiriad eich swyddfa leol yn y llyfr ffôn neu ar eu gwefan.

• Dod o hyd i'ch CAB lleol (yn agor ffenestr newydd)
• Mwy am gael cyngor gan CAB (yn agor ffenestr newydd)

Mwy o ddolenni defnyddiol

• Sut mae delio â dyled hur bwrcas (cyfraith Lloegr) (yn agor ffenestr newydd)
• Sut mae delio â dyled hur bwrcas (cyfraith yr Alban) (yn agor ffenestr newydd)