Gwefan llywodraeth y DU

Yswiriant cyfnod

Dyma’r math symlaf a rhataf o yswiriant bywyd, ac fe’i gelwir yn yswiriant cyfnod am eich bod yn dewis am faint rydych chi’n cael eich gwarchod, er enghraifft 10, 15 neu 20 mlynedd (y cyfnod).

Bydd rhaid i chi farw o fewn y cyfnod rydych wedi cytuno arno er mwyn i yswiriant cyfnod dalu’r arian. Os byddwch chi’n byw’n hwy na’r cyfnod, chewch chi ddim byd. Fel cwpl, gallwch gael yr yswiriant cyfnod yn enwau’r ddau ohonoch hefyd, gyda’r polisi’n talu’r arian os bydd un ohonoch yn marw yn ystod y cyfnod.

Yswiriant gydol oes

Bydd yswiriant gydol oes yn talu swm y cytunwyd arno pan fyddwch chi’n marw.

• Yswiriant bywyd – mwy gan y Gwasanaeth Cynghori Ariannol Opens new window

Sut i siopa am yswiriant bywyd

P'un ai yswiriant bywyd sy'n ymwneud â buddsoddi ynteu yswiriant cyfnod rydych chi’n ei brynu, mae'n werth siopa o gwmpas. Dyma rai pwyntiau allweddol i'w hystyried:

• addasrwydd ar gyfer eich anghenion
• costau
• adenillion (yswiriant sy'n ymwneud â buddsoddi)
• risg (yswiriant sy'n ymwneud â buddsoddi)
• hyblygrwydd (beth sy'n digwydd os byddwch yn methu taliad neu'n dymuno canslo'r yswiriant neu ei newid?)
• termau (amodau neu gyfyngiadau)

Mae'n bosib y bydd ffactorau eraill i'w hystyried hefyd, gan ddibynnu ar y math o yswiriant rydych yn ei brynu.

Dogfennau i'ch helpu i siopa o gwmpas

Caiff cwmnïau neu froceriaid sy'n gwerthu yswiriant bywyd eu rheoleiddio gan yr Awdurdod Gwasanaethau Ariannol. Dan reolau’r Awdurdod Gwasanaethau Ariannol, bydd rhaid iddynt roi gwybodaeth allweddol am y polisïau i chi sy’n nodi’r ffeithiau allweddol am y cynnyrch er mwyn eich helpu i siopa o gwmpas.

• Prynu yswiriant – mwy o wybodaeth gan y Gwasanaeth Cynghori Ariannol Opens new window

Sut mae canfod a yw cwmni wedi'i awdurdodi gan yr Awdurdod Gwasanaethau Ariannol

Gallwch ganfod a yw cwmni neu unigolyn wedi'i awdurdodi gan yr Awdurdod Gwasanaethau Ariannol drwy ddefnyddio gwasanaeth 'Check our Register' ar-lein yr Awdurdod.

• Defnyddio gwasanaeth 'Check our register' ar-lein yr Awdurdod Gwasanaethau Ariannol Opens new window

Y gwahaniaeth rhwng gwybodaeth a chyngor

Gallwch brynu yswiriant ar ôl cael cyngor, neu'n seiliedig ar wybodaeth yn unig ar ôl chwilio o gwmpas. Darllenwch ein herthygl berthnasol er mwyn deall beth yw'r gwahaniaeth rhwng prynu gyda chyngor a phrynu heb gyngor, a'r manteision a’r anfanteision sy'n gysylltiedig â hynny.

• Cael cyngor am gynnyrch yswiriant

Mwy o ddolenni defnyddiol

• Y prif ffyrdd o gynilo neu fuddsoddi eich arian

• Adolygu eich sefyllfa ariannol bresennol

• Cael gwybod mwy am wneud cwyn Opens new window