Gwefan llywodraeth y DU

Eich enillion

Bydd benthycwyr yn cynnig benthyca swm i chi a fydd yn seiliedig ar eich enillion. Fel arfer byddant am weld prawf o'ch incwm a byddant hefyd yn edrych ar eich gwariant rheolaidd.

• Mwy am feintiau benthyciadau nodweddiadol gan yr Awdurdod Gwasanaethau Ariannol (FSA) Opens new window

Beth allwch chi ei fforddio?

Mae'n bwysig rhoi gymaint ag y bo modd o fanylion i'ch benthyciwr am eich enillion a'ch gwariant er mwyn i chi gael cynnig morgais y gallwch ei fforddio. Hefyd, bydd angen i chi gofio cyllidebu ar gyfer costau untro prynu eiddo - megis ffioedd gweinyddu a chyfreithwyr a Threth Stamp.

Mae gan wefan yr Awdurdod Gwasanaethau Ariannol ystod o gyfrifianellau hawdd eu defnyddio i'ch helpu i gyfrifo beth y gallwch ei fforddio a chost fisol debygol morgais.

• Gwirio eich incwm misol a'ch gwariant misol gyda chyfrifiannell cyllidebu'r FSA Opens new window
• Cyfrifo cost debygol eich ad-daliadau morgais Opens new window
• Cyfrifo effaith codiad yn y gyfradd llog ar eich morgais Opens new window

Eich eiddo

Gwerth yr eiddo

Bydd eich benthyciwr yn trefnu i brisio'r eiddo i weld beth yw ei werth. Bydd y rhan fwyaf o fenthycwyr yn cynnig hyd at 90 neu hyd yn oed 95 y cant o'r prisiad, os ydynt yn meddwl y gallwch ei fforddio. Dyma'r gyfradd LTV (benthyciad yn ôl gwerth - loan to value). (Os oes gennych enillion digon uchel neu warantwr efallai y byddant yn cynnig 100 y cant neu fwy hyd yn oed. Ond efallai y bydd y cyfraddau llog yn uwch).

Mathau arbennig o eiddo

Mae rhai benthycwyr yn cyfyngu ar y swm y byddant yn ei fenthyca ar rai mathau o eiddo, er enghraifft tai gyda fframwaith coed. Mae'n werth holi o gwmpas i weld beth sydd ar gael gan wahanol gwmnïau.

• Mwy am sut i siopa o gwmpas am forgais Opens new window

Eich hanes credyd

Bydd eich benthyciwr yn archwilio'ch hanes credyd ac yn gofyn i fenthycwyr blaenorol neu landlordiaid am eirdaon. Os dengys eich record eich bod wedi cael anhawster gyda benthyciadau neu daliadau rhent yn y gorffennol, efallai y bydd yn effeithio ar faint y gallwch ei fenthyg.

Peidiwch â digalonni os bydd benthyciwr yn gwrthod rhoi morgais i chi neu'n cynnig bargen ddrud - mae'n werth siopa o gwmpas o hyd.

• Mwy am hanes credyd gwael a morgeisi gan yr Awdurdod Gwasanaethau Ariannol Opens new window
• Canllaw'r FSA i system graddio credyd Opens new window

Morgeisi hunandystiolaeth

Oni allwch brofi eich incwm (efallai oherwydd eich bod yn hunangyflogedig a heb ddigon o gyfrifon) efallai y gallwch gael morgais 'hunandystiolaeth'. Gallwch ddysgu mwy am y mathau hyn o forgais ar wefan yr Awdurdod Gwasanaethau Ariannol.

Mwy o ddolenni defnyddiol

• 'The World of Mortgages Laid Bare' gan yr FSA Opens new window
• Budgeting for your mortgage Opens new window
• Prynu a gwerthu'ch cartref (adran cartref a chymuned)
• Prynwyr am y tro cyntaf (adran cartref a chymuned)