Gwefan llywodraeth y DU

Beth yw cyngor ariannol?

Pan fyddwch yn cael cyngor ariannol, bydd yr ymgynghorydd ariannol yn edrych ar eich anghenion a'ch amgylchiadau unigol ac yn argymell cynnyrch ariannol a fydd yn eu diwallu. Mae hyn yn aml yn golygu cyfarfod wyneb-yn-wyneb, ond gallwch gael cyngor mewn ffyrdd eraill, er enghraifft dros y ffôn, e-bost neu drwy'r post.

Os prynwch heb gyngor, nid oes gennych gymaint o warchodaeth â phetaech yn prynu gyda chyngor.

• Mwy am gael cyngor ariannol Opens new window

Beth mae cyngor ariannol yn ei olygu?

Yr Awdurdod Gwasanaethau Ariannol sy'n rheoleiddio'r cyngor ariannol ar gyfer y rhan fwyaf o fuddsoddiadau, morgeisi ac yswiriant cyffredinol neu yswiriant gwarchod taliadau. I weld y manylion, dilynwch y dolenni isod. Os byddwch yn cael cyngor anaddas am y cynhyrchion hyn, mae trefn gwyno ffurfiol ar gael a threfn ar gyfer unioni'r sefyllfa.

• Sut i gwyno os cewch chi gyngor gwael Opens new window

Sut i ganfod a yw cwmni wedi'i awdurdodi

Gallwch ganfod a yw cwmni neu unigolyn wedi'u hawdurdodi i roi cyngor drwy ddefnyddio Cofrestr ar-lein yr Awdurdod Gwasanaethau Ariannol.

•  Defnyddio Cofrestr ar-lein yr Awdurdod Gwasanaethau Ariannol Opens new window

Ymgynghorwyr ariannol a'r wybodaeth a ddarparant

Mae rhai ymgynghorwyr yn arbenigo mewn un maes, megis yswiriant, buddsoddiadau neu forgeisi, tra bo eraill yn delio gyda sawl maes.

Dogfennau 'Ffeithiau allweddol' yn disgrifio'r gwasanaeth a chostau

Dan reolau'r Awdurdod Gwasanaethau Ariannol, rhaid i ymgynghorwyr ariannol roi dwy ddogfen 'Ffeithiau allweddol' i chi: 'Ynghylch ein gwasanaeth' ac 'Ynghylch cost ein gwasanaeth'. Mae'r rhain yn esbonio'r math o wasanaeth y maent yn ei gynnig (gwybodaeth neu gyngor), cynnyrch o blith pwy y maent yn ei gynnig (y farchnad gyfan, ystod gyfyngedig neu un darparwr yn unig) a sut y codir am y gwasanaeth (ffioedd a/neu gomisiwn).

Dim ond os yw ymgynghorydd ariannol yn argymell cynnyrch o'r farchnad gyfan y gall ddweud ei fod yn cynnig cyngor annibynnol a chynnig yr opsiwn i chi dalu ffi yn hytrach na chomisiwn.

Bydd ymgynghorwyr morgais ac ymgynghorwyr yswiriant yn rhoi dogfennau ‘Ffeithiau allweddol’ i chi hefyd.

Dogfennau 'Nodweddion allweddol' yn disgrifio cynnyrch

Os yw ymgynghorydd yn argymell cynnyrch lle byddwch yn buddsoddi, rhaid iddo/i hefyd roi dogfen 'nodweddion allweddol' i chi cyn i chi brynu. Bydd y ddogfen hon yn esbonio nodweddion allweddol, telerau, costau a pheryglon y cynnyrch mewn fformat safonol i'ch helpu chi i ddeall y cynnyrch a'i gymharu â chynnyrch eraill.

• Mwy ar ddogfennau nodweddion allweddol yng nghanllaw i gyngor ariannol yr Awdurdod Gwasanaethau Ariannol Opens new window
• Defnyddio gwasanaeth archwiliad iechyd yr Awdurdod Gwasanaethau Ariannol Opens new window

Sut i ddod o hyd i ymgynghorydd ariannol

Mae ymgynghorwyr ariannol wedi'u rhestru mewn llyfrau ffôn a thudalennau busnes, ac ar y rhyngrwyd. Gallwch hefyd ofyn i ffrindiau am argymhellion personol.

Mae gan y rhan fwyaf o fanciau a chymdeithasau adeiladu ymgynghorwyr ariannol hefyd. Cofiwch eu bod yn aml wedi eu clymu i werthu cynnyrch eu cwmni, neu ystod gyfyngedig o gynnyrch eraill.

Mwy o ddolenni defnyddiol

• Gwefan ‘Moneymadeclear’ yr Awdurdod Gwasanaethau Ariannol Opens new window
• Y prif ffyrdd o gynilo neu fuddsoddi eich arian
• Mathau o bensiynau
• Treth ar arbedion a buddsoddiadau
• Arian a threth ar ôl ymddeol (adran dros 50)