Gwefan llywodraeth y DU

Y ddau brif fath o gynllun pensiwn cwmni

Cynllun cyflog terfynol (neu gynllun 'buddion diffiniedig')

Mae'r swm a gewch yn seiliedig ar eich cyflog a nifer y blynyddoedd yr ydych wedi bod yn y cynllun.

Cynllun pwrcasu arian (neu gynllun 'cyfraniadau diffiniedig')

Mae'r swm a gewch yn seiliedig ar faint yr ydych chi a'ch cyflogwr wedi'i gyfrannu a'r llog, neu'r twf, sydd wedi'i ennill.

Adeg ymddeol, defnyddir yr arian yr ydych wedi'i gronni yn eich cronfa i ddarparu'ch pensiwn, yn aml trwy brynu blwydd-dal (buddsoddiad gan gwmni yswiriant sy'n gwarantu talu incwm rheolaidd ichi am oes).

• Mwy ynghylch pensiynau cwmni ar wefan Gwasanaeth Cynogor am Bensiynau Opens new window

Os byddwch yn marw cyn ymddeol - cynlluniau cyflog terfynol

Mae'r hyn sy'n digwydd i'ch cronfa bensiwn yn dibynnu ar y canlynol:

Aelodau gweithredol

Yn dibynnu ar reolau'ch cynllun, mae'n bosibl bod nifer o fuddion yn daladwy, yn cynnwys:

Dyma'r buddion mwyaf y gallech eu cael, ac mae llawer o gynlluniau'n talu symiau llai, felly mae'n syniad da cael gwybod gan weinyddwr eich cynllun beth yn union mae'ch cynllun yn ei ddarparu. Mae'r rhan fwyaf o gynlluniau'n darparu buddion i'ch partner priod neu bartner sifil, ond os oes gennych bartner a heb fod yn briod nac mewn partneriaeth sifil dan y gyfraith, efallai na fydd eich cynllun yn eu cydnabod.

Aelodau gohiriedig

Os ydych yn aelod gohiriedig, yn aml mae gan eich dibynyddion lai o hawliau i fuddion na phetaech yn aelod gweithredol, ond eto mae hyn yn dibynnu ar reolau'ch cynllun.

Weithiau bydd eich dibynyddion ond yn cael yn ôl y cyfraniadau yr ydych wedi'u talu, heb log. Ond os yw'r cynllun yn darparu buddion yn lle Ail Bensiwn y Wladwriaeth a chithau'n briod neu mewn partneriaeth sifil, rhaid iddo ddarparu incwm i'ch partner priod neu bartner sifil.

Mae rhai cynlluniau'n fwy hael ac yn talu hyd at ddwy ran o dair o'ch pensiwn i'ch partner priod neu bartner sifil.

• Cael gwybod mwy ynghylch budd-daliadau marwolaeth Opens new window

Os byddwch yn marw cyn ymddeol - cynlluniau pwrcasu arian

Gyda chynlluniau pwrcasu arian, mae'r rheolau fel arfer yr un fath pa un a ydych yn aelod gweithredol neu'n aelod gohiriedig.

Bydd eich cronfa bensiwn yn cael ei had-dalu i'r buddiolwr yr ydych wedi'i ddewis neu i'ch ystad. Os yw'r cynllun wedi'i gontractio allan o Ail Bensiwn y Wladwriaeth, fel arfer bydd rhywfaint o'r budd yn cael ei ddefnyddio i ddarparu incwm i'ch partner priod neu bartner sifil.

Yn aml darperir budd ar ffurf taliad unswm hefyd drwy yswiriant, ond mae'r cynlluniau'n amrywio'n fawr ac mae'n syniad da holi gweinyddwr eich cynllun i ganfod beth yn unig y mae'ch cynllun chi'n ei ddarparu.

Ffurflenni 'Mynegi dymuniad'

Pan fyddwch yn ymuno â chynllun cwmni, mae'n debyg y gofynnir ichi lenwi ffurflen 'mynegi dymuniad'. Mae'r ffurflen hon yn nodi i bwy yr hoffech i unrhyw fuddion taliad unswm gael eu talu.

Ymddiriedolwyr eich cynllun fel arfer fydd yn gwneud y penderfyniad terfynol ynghylch pwy sy'n derbyn eich buddion taliad unswm. Byddant fel arfer yn gwneud yr hyn yr ydych wedi'i nodi ar eich ffurflen, ac felly mae'n bwysig ei diwygio os bydd eich amgylchiadau'n newid.

Os ydych yn marw ar ôl ichi ymddeol

Mae gan y rhan fwyaf o bensiynau gyfnod gwarant o bum (neu, yn llai cyffredin, ddeg) mlynedd. Os byddwch yn marw o fewn y cyfnod hwnnw, telir balans y cyfnod gwarant, weithiau fel taliad unswm, i'r person yr ydych wedi'i enwebu neu i'ch ystad.

Efallai y bydd pensiwn yn daladwy i'ch partner priod neu bartner sifil, fel arfer am weddill eu hoes. Mae rhai cynlluniau'n darparu pensiynau i bartneriaid nad ydynt yn briod neu heb fod mewn partneriaeth sifil, ond nid yw pob un yn gwneud hynny, ac felly mae'n bwysig canfod beth y mae'ch cynllun yn ei ddarparu.

Cynlluniau cyflog terfynol

Bydd rheolau'ch cynllun yn dweud wrthych a oes pensiwn ar gyfer eich partner ac os oes, faint. Yn y rhan fwyaf achosion, oddeutu hanner yw'r swm, ond gall fod gymaint â dwy ran o dair.

Cynlluniau pwrcasu arian

Os defnyddir eich cronfa i brynu blwydd-dal, gallwch fel arfer ddewis faint o bensiwn fydd yn daladwy i'ch partner os byddwch yn marw - hyd at uchafswm o ddwy ran o dair o uchafswm y pensiwn y byddai'r cynllun wedi gallu'i ddarparu i chi.

Ble i gael help a chyngor

Ymddiriedolwyr

Mae gan ymddiriedolwyr eich cynllun ddyletswydd i ofalu am fuddiannau'r aelodau neu, os bydd aelod yn marw, buddiannau'u dibynyddion, felly dylent hwy, neu weinyddwr y cynllun, allu ateb unrhyw gwestiynau sydd gennych.

Ymgynghorydd Ariannol Annibynnol

Gallech siarad ag ymgynghorydd ariannol annibynnol i gael cyngor annibynnol. Efallai y bydd yn rhaid talu ffi, felly mae'n werth holi ymlaen llaw.

• Dewis a defnyddio ymgynghorydd pensiynau
• Find an independent financial adviser Opens new window

Y Gwasanaeth Cyngor am Bensiynau

Os nad ydych yn fodlon gyda chyngor yr ymddiriedolwyr, neu os oes gennych guyn, gall y Gwasanaeth Cyngor am Bensiynau ddarparu arweiniad annibynnol.

• Y Gwasanaeth Cyngor am Bensiynau Opens new window

Yr Ombwdsmon Pensiynau

Gall yr Ombwdsmon Pensiynau ymchwilio i gwynion am y ffordd y rheolir cynlluniau pensiwn, neu i anghydfodau am benderfyniadau ymddiriedolwyr.

• Cael gwybod ynghylch y broses Ombwdsmon Pensiynau Opens new window

Y Rheolydd Pensiynau

Os ydych yn poeni ynghylch y ffordd mae cynllun pensiwn eich cwmni'n cael ei reoli, gallwch gysylltu â'r Rheolydd Pensiynau.

.

• Cael gwybod ynghylch y Rheolydd Pensiynau Opens new window

I gael rhagor o wybodaeth, ffoniwch 0870 6063636 (llinellau cymorth ar agor rhwng 9.00 am a 5.30 pm o ddydd Llun i ddydd Gwener).

Mwy o ddolenni defnyddiol

• Gwybodaeth gan yr FSA ar sut i adolygu eich cynilion ymddeol (dogfen PDF, 367K) Opens new window
• Cymorth gyda ffeiliau PDF
• Cael gwybod ynghylch pensiynau o’r Gwasanaeth Pensiwn Opens new window