Gwefan llywodraeth y DU

Sut mae gostyngiad treth ar bensiynau personol yn gweithio

Am bob punt yr ydych yn ei chyfrannu i'ch cynllun, mae'r darparwr pensiwn yn hawlio treth yn ôl gan y llywodraeth ar y gyfradd sylfaenol o 20 y cant. Yn ymarferol, golyga hyn am bob £80 yr ydych yn ei dalu i mewn i'ch pensiwn, yr ydych yn cael £100 yn eich cronfa bensiwn.

Os ydych yn talu treth ar y gyfradd uwch

Os ydych yn talu treth ar y gyfradd uwch o 40 y cant, byddwch yn dal i gael gostyngiad treth o 40 cant ar unrhyw arian yr ydych yn ei roi yn eich pensiwn. Ond mae'r ffordd y rhoddir yr arian yn ôl ichi'n wahanol:

• hawlir y 20 y cant cyntaf oddi wrth Gyllid a Thollau EM gan eich cynllun pensiwn yn yr un ffordd ag ar gyfer trethdalwr ar y gyfradd is
• chi wedyn fydd yn gyfrifol am hawlio'r 20 y cant arall yn ôl pan fyddwch yn llenwi'r ffurflen dreth flynyddol, neu, er enghraifft, trwy yrru llythyr at y Swyddfa Dreth yn ei hawlio

• ‘Pensiynau Personol – eich canllaw’ (dogfen PDF, 126K) Opens new window
• Cymorth gyda ffeiliau PDF

All pobl nad ydynt yn talu treth gael gostyngiad treth?

Os nad ydych yn talu treth, allwch chi ddim talu mwy na £2,880 gyda gostyngiad treth i mewn y flwyddyn. Ond byddwch yn dal i gael gostyngiad treth ar y gyfradd sylfaenol (20 y cant). Mewn geiriau eraill, bydd y llywodraeth yn ychwanegu at eich cyfraniad i'w wneud yn £3,600.

• Mwy am incwm isel a phensiynau Opens new window

Terfynau i'r gostyngiad treth ar bensiwn

Gallwch gynilo faint a fynnoch mewn unrhyw nifer o bensiynau a chael gostyngiad treth ar gyfraniadau o hyd at 100 y cant o'ch enillion bob blwyddyn, yn amodol ar ‘lwfans blynyddol' uchaf.

Ar gyfer blwyddyn dreth 2008-2009 bydd hyn yn £235,000. (Bydd rhaid talu treth ar gynilion dros y lwfans blynyddol a 'lwfans oes' ar wahân.) I gael gwybod mwy, darllenwch am reolau pensiwn newydd o fis Ebrill 2006.

• Rheolau pensiwn o fis Ebrill 2006

Manteision treth eraill

Mae mwy o fanteision treth i gael cynllun pensiwn:

Twf y gronfa bensiwn

Bydd eich cronfa bensiwn yn buddsoddi'r arian yr ydych yn ei gynilo (gan gynnwys swm y gostyngiad treth) yn eich pensiwn. Efallai y bydd twf eich cronfa bensiwn yn ddi-dreth.

Treth Enillion Cyfalaf

Gelwir unrhyw gynnydd yng ngwerth asedau'r cynllun rhwng yr hyn a roddwch i mewn a beth fydd eu gwerth ar y diwedd yn enillion cyfalaf ac maent yn ddi-dreth.

Codi arian fel taliad unswm ymddeol

Pan ddechreuwch gymryd eich buddion efallai y gallwch dynnu hyd at chwarter gwerth eich cronfa bensiwn personol neu gyfranddeiliaid fel taliad unswm di-dreth. Gall darparwr eich pensiwn ddweud wrthych a fyddwch yn gallu gwneud hyn neu beidio.

• Yr opsiynau pan fyddwch yn cymryd eich pensiwn personol

Beth os ydwyf am roi arian ym mhensiwn personol rhywun arall?

Gallwch roi arian ym mhensiwn personol rhywun arall - er enghraifft, eich gŵr, gwraig, partner sifil, plant neu eich wyrion. Ychwanegir gostyngiad treth ato yn ôl y gyfradd sylfaenol, ond ni fydd hyn yn effeithio ar eich bil treth chi. Os nad oes ganddynt incwm, gallwch dalu hyd at £2,880 y flwyddyn (sy'n tyfu i £3,600 gyda'r gostyngiad treth).

Er enghraifft, petaech yn rhoi £80 yng nghynllun pensiwn partner priod neu bartner sifil, byddai'r llywodraeth yn rhoi £20, ac felly byddai'r pot pensiwn yn codi i £100. Byddai eich treth chi yn aros yr un fath.

• Trosglwyddo arian i'ch plant a'ch wyrion
• Treth Etifeddu

Mwy o ddolenni defnyddiol

• Deall Pensiwn sylfaenol y Wladwriaeth
• Dewis a defnyddio ymgynghorydd ariannol