Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Pensiynau a chynllunio ar gyfer ymddeol

Dros 50

Deall Pensiwn ychwanegol y Wladwriaeth

Telir Pensiwn ychwanegol y Wladwriaeth, neu Ail Bensiwn y Wladwriaeth, ar ben Pensiwn sylfaenol y Wladwriaeth

Newidiadau diweddar i Bensiwn ychwanegol y Wladwriaeth

Tan Ebrill 2002, yr enw ar Bensiwn ychwanegol y Wladwriaeth ar gyfer gweithwyr oedd y Cynllun Pensiwn ar sail Enillion (SERPS). Roedd maint eich pensiwn SERPS yn seiliedig ar gyfuniad o gyfanswm eich cyfraniadau Yswiriant Gwladol, a faint yr oeddech yn ei ennill.

Ym mis Ebrill 2002, diwygiwyd SERPS ac yn awr fe'i gelwir yn Ail Bensiwn y Wladwriaeth. Mae’n rhoi Pensiwn ychwanegol y Wladwriaeth mwy hael i bobl sy'n ennill cyflogau isel neu ganolig, a rhai gofalwyr penodol a phobl gydag anabledd neu salwch tymor hir.

Erbyn tua 2030 neu’n fuan ar ôl hynny, bydd Ail Bensiwn y Wladwriaeth yn dod yn syml, taliadau ychwanegol cyfraddau gwastad wythnosol i Bensiwn y Wladwriaeth sylfaenol.

Sut mae'r newid i Ail Bensiwn y Wladwriaeth yn effeithio ar bensiynau SERPS

Mae unrhyw hawl sydd gennych o dan SERPS wedi'i ddiogelu - ac felly os oeddech wedi cronni hawl i ail bensiwn cyn Ebrill 2002 byddwch yn ei gadw, pa un a ydych wedi cyrraedd oed ymddeol neu beidio yn barod.

Etifeddu'r pensiwn ychwanegol gan y partner priod neu'r partner sifil

Ail Bensiwn y Wladwriaeth

Dim ond uchafswm o 50 y cant o Ail Bensiwn y Wladwriaeth partner priod neu bartner sifil y gall gweddw neu bartner sifil sydd wedi goroesi ei etifeddu.

SERPS

Os ydych wedi cyfrannu at SERPS mae canran uchaf eich pensiwn SERPS y gallai eich gweddw neu bartner sifil sydd wedi'ch goroesi ei etifeddu ar raddfa symudol, yn dibynnu ar pryd y cawsoch eich geni a'ch oed ymddeol.

Mae'r canrannau'n amrywio o 50 y cant ar gyfer dynion a aned ar neu ar ôl 6 Hydref 1945 neu ferched a aned ar neu ar ôl 6 Gorffennaf 1950, hyd at 100 y cant ar gyfer dynion a aned ar neu cyn 5 Hydref 1937 neu ferched a aned ar neu cyn 5 Hydref 1942.

Gallwch weld uchafswm canrannau pensiynau SERPS ar gyfer gweddwon neu bartneriaid sifil sydd wedi goroesi yn llyfryn y Gwasanaeth Pensiwn 'Inheritance of SERPS'.

Sut mae Ail Bensiwn y Wladwriaeth yn helpu pobl anabl a gofalwyr

Os ydych yn ofalwr, ar incwm isel neu gydag anableddau hirdymor, gallwch yn awr fanteisio ar Bensiwn-ychwanegol-y-Wladwriaeth gwell.

Os nad ydych yn gweithio neu os ydych yn ennill llai na'r terfyn enillion isaf blynyddol ar gyfer Yswiriant Gwladol (£4,680 yn 2008-2009), gallwch barhau i gronni hawl i'r pensiwn hwn os ydych:

  • yn gofalu am blentyn chwech oed neu lai, a chi yw'r person sy'n hawlio Budd-dal Plant ac yn ei gael
  • yn gofalu am rywun sy'n wael neu'n anabl, a'ch bod yn gymwys ar gyfer y cynllun Diogelwch Cyfrifoldebau Cartref
  • â hawl i'r Lwfans Gofalwr (hyd yn oed pan nad ydych yn ei gael oherwydd eich bod yn cael budd-dal sy'n talu mwy)

Sut i hawlio Pensiwn ychwanegol y Wladwriaeth

Cyfrifir eich hawl i Bensiwn ychwanegol y Wladwriaeth (naill ai drwy SERPS neu Ail Bensiwn y Wladwriaeth) pan fyddwch yn hawlio Pensiwn sylfaenol y Wladwriaeth.

Fel arfer bydd y Gwasanaeth Pensiwn yn anfon y ffurflenni perthnasol atoch ac yn eich gwahodd i wneud cais oddeutu bedwar mis cyn ichi gyrraedd oed Pensiwn y Wladwriaeth. 65 yw'r oed i ddynion a 60 yw’r oed ar gyfer merched a anwyd ar neu cyn 5 Ebrill 1950. Bydd oedran Pensiwn y Wladwriaeth i ferched a anwyd ar neu ar ôl 6 Ebrill 1950 yn cynyddu o 60 i 65 rhwng 2010 a 2020. Bydd oed Pensiwn y Wladwriaeth yn cynyddu i ddynion a merched o 65 i 68 oed rhwng 2024 a 2046.

Os na dderbyniwch lythyr yn eich gwahodd i hawlio'ch pensiwn, ffoniwch y Gwasanaeth Pensiwn ar 0845 300 1084. Mae'r llinellau ar agor rhwng 8.00 am a 8.00 pm o ddydd Llun i ddydd Gwener (heb gynnwys gwyliau banc) a rhwng 9.00 am ac 1.00 pm ar ddydd Sadwrn.

Contractio allan - yr effaith ar Bensiwn ychwanegol y Wladwriaeth

Wrth gontractio allan, rydych yn dewis talu cyfraniadau Yswiriant Gwladol llai oherwydd eich bod wedi ymuno â chynllun pensiwn galwedigaethol. O ganlyniad, ni fydd gennych hawl fel arfer i Ail Bensiwn y Wladwriaeth yn llawn oherwydd daw eich pensiwn ychwanegol o gynllun eich cyflogwr. Ond fel arfer bydd gennych hawl i Bensiwn ychwanegol y Wladwriaeth llai.

Os oes gennych bensiwn cyfranddeiliaid neu bensiwn personol gallwch barhau i gontractio allan os dymunwch, ond yn hytrach na thalu cyfraniadau Yswiriant Gwladol llai, bydd Cyllid a Thollau EM yn talu ad-daliad blynyddol i chi ar eich cyfraniadau yn syth i'ch pensiwn personol. Os dewiswch beidio â chontractio allan, ni fyddwch yn derbyn yr ad-daliad hwn, ond byddwch yn parhau i gronni eich hawl i Ail Bensiwn y Wladwriaeth.

Mwy o ddolenni defnyddiol

Gallwch ysgrifennu at y Gwasanaeth Pensiwn yn:

Blwch Post 1005
Newcastle upon Tyne
NE98 1WZ
Ffôn: 0845 606 0265
Ffacs: 0191 218 6061

Mae'r swyddfeydd ar agor rhwng 8.00 am a 8.00 pm o ddydd Llun i ddydd Gwener.

Yn yr adran hon...

Allweddumynediad llywodraeth y DU