Gwefan llywodraeth y DU

Pethau a allai fynd o chwith

Efallai y byddwch yn teimlo bod pethau wedi mynd o chwith os:

• yw'r wybodaeth ar eich hysbysiad dyfarniad yn anghywir
• nad yw'r manylion personol ar eich hysbysiad dyfarniad yn adlewyrchu eich amgylchiadau presennol
• nid yw faint o arian yr ydych wedi'i gael yn cyd-fynd â'r taliadau a ddangosir ar eich hysbysiad dyfarniad
• yw eich taliadau wedi dod i ben yn annisgwyl

Eich hysbysiad dyfarniad

Pan fydd y Swyddfa Credyd Treth yn talu i chi am y tro cyntaf, neu'n newid eich taliadau credyd treth presennol, byddant yn anfon hysbysiad dyfarniad atoch. Bydd hwn yn dweud wrthych faint o arian a gewch ar sail y wybodaeth a roesoch iddynt.

Mae'n bwysig eich bod yn darllen yr hysbysiad dyfarniad pan fyddwch yn cael un. Defnyddiwch y rhestr wirio a ddarperir i ddweud wrth y Swyddfa Credyd Treth os oes unrhyw beth yn anghywir, ar goll neu'n anghyflawn, neu os nad ydych yn deall rhywbeth. Gallwch wneud hyn drwy ffonio'r Llinell Gymorth Credyd Treth ar 0845 300 3900 neu'r ffôn testun 0845 300 3909. Dylech wneud hyn o fewn mis ers ei gael.

Os byddwch yn rhoi gwybod i’r Swyddfa Credyd Treth bod camgymeriad ar eich hysbysiad dyfarniad, byddant yn ei gywiro ac yn anfon un newydd atoch.

• Gweld eich hysbysiad dyfarniad credydau treth

Eich taliadau

Mae'n bwysig edrych faint o arian sy'n mynd i mewn i'ch cyfrif banc. Bydd eich hysbysiad dyfarniad yn dangos eich taliad cyntaf, yn ogystal â'r swm a delir bob wythnos neu bob pedair wythnos. Os bydd taliad nad yw'n cyfateb i'r swm ar eich hysbysiad dyfarniad ffoniwch y Llinell Gymorth Credyd Treth cyn gynted â phosibl ar 0845 300 3900 neu'r ffôn testun 0845 300 3909.

Bydd y Swyddfa Credyd Treth yn edrych i weld a ydynt wedi cyfrifo eich dyfarniad yn gywir ar sail y wybodaeth a roesoch iddynt. Os bydd eich taliadau wedi dod i ben yn llwyr, efallai mai'r rheswm am hyn yw:

• bod eich plentyn wedi cyrraedd 16 oed ond nad ydych wedi dweud wrth y Swyddfa Credyd Treth eu bod yn aros mewn addysg neu hyfforddiant
• eich bod wedi newid eich cyfrif banc ond nad ydych wedi dweud wrth y Swyddfa Credyd Treth
• nad ydych wedi adnewyddu eich credydau treth

I gael help er mwyn deall pam fod eich taliadau wedi dod i ben, ffoniwch y Llinell Gymorth Credyd Treth ar 0845 300 3900 neu'r ffôn testun 0845 300 3909.

• Rhesymau pam y gallai eich credydau treth fod wedi gostwng neu ddod i ben Opens new window

• Y gost o gysylltu â rhifau ffôn 08 a 03

Eich manylion personol

Bydd Swyddfa Credyd Treth yn cyfrifo faint o arian i'w roi i chi o'r hyn yr ydych yn ddweud wrthynt am eich incwm a'ch amgylchiadau teuluol, felly mae'n bwysig iawn eich bod yn rhoi gwybod iddynt am unrhyw newidiadau ar unwaith.

Mae rhai newidiadau y mae'n rhaid i chi ddweud wrth y Swyddfa Credyd Treth amdanynt o fewn mis. Bydd y rhestr wirio a ddaeth gyda'ch hysbysiad dyfarniad yn dweud wrthych ba rai. Mae hefyd yn syniad da rhoi gwybod i’r Swyddfa Credyd Treth am unrhyw newidiadau eraill ar unwaith er mwyn osgoi cael gordaliad.

Gallwch roi gwybod i’r Swyddfa Credyd Treth am unrhyw newidiadau mewn amgylchiadau drwy ffonio'r Llinell Gymorth Credyd Treth ar 0845 300 3900 neu'r ffôn testun 0845 300 3909.

Pan fyddwch yn cysylltu â’r Swyddfa Credyd Treth, byddant yn cofnodi'r hyn yr ydych wedi'i ddweud wrthynt ac yn anfon hysbysiad dyfarniad newydd atoch o fewn 30 diwrnod.

• Credydau treth: pryd a sut i roi gwybod am newidiadau

Cymorth arall fydd ei angen arnoch efallai

Efallai y bydd angen cymorth gan y Swyddfa Credyd Treth arnoch os:

• nad ydych yn fodlon gyda’i phenderfyniad am ordaliad
• na allwch fforddio ad-dalu gordaliad
• ei bod wedi gofyn i chi dalu dirwy
• ydynt yn cynnal ymholiad i'ch dyfarniad
• nad ydych yn fodlon gyda'i gwasanaeth

Gordaliadau

Os nad ydych yn cytuno y dylech dalu gordaliad yn ôl, mae gennych yr hawl i wrthwynebu ein penderfyniad.

Os na allwch fforddio ad-dalu gordaliad ffoniwch y Llinell Gymorth Taliad Credyd Treth ar 0845 302 1429

• Sut i wrthwynebu gordaliad credydau treth Opens new window

• Cael gwybod beth i'w wneud os ydych yn cael anhawster ad-dalu gordaliad Opens new window

Cosbau

Gall y Swyddfa Credyd Treth roi cosb i chi os:

• nad ydych wedi dweud wrthynt am newid yn eich amgylchiadau pan ddylech fod wedi gwneud hynny
• ydych wedi rhoi'r wybodaeth anghywir iddynt am eich cais am gredydau treth
• nad ydych yn rhoi'r wybodaeth neu'r dystiolaeth y maent yn ofyn amdani

Mae gennych hawl i apelio yn erbyn unrhyw gosb.

• Cosbau credydau treth Opens new window

Archwiliadau credyd treth

Os bydd y Swyddfa Credyd Treth yn penderfynu edrych ar eich dyfarniad yn ystod ymholiad, byddant yn ysgrifennu atoch yn egluro beth fydd yn digwydd.

Byddant hefyd:

• yn gofyn am ragor o wybodaeth i'n helpu i ddeall eich amgylchiadau
• yn edrych ar eich dyfarniad neu gais yn llawn
• yn egluro eich hawliau

Os ydych yn poeni am hyn neu os nad oes gennych yr holl wybodaeth yr ydym wedi gofyn amdani, ffoniwch y Llinell Gymorth Credyd Treth ar 0845 300 3900 neu'r ffôn testun 0845 300 3909. 

• Archwiliadau credyd treth Opens new window

Apeliadau credydau treth

Gallwch apelio yn erbyn penderfyniad:

• os byddwch yn credu bod penderfyniad yn anghywir
• pan na fydd eich dyfarniad yn ystyried newid mewn amgylchiadau
• os yw eich dyfarniad yn llai neu wedi dod i ben
• os nad ydych yn cytuno gyda hysbysiad cosb
• os codwyd llog arnoch

Mae bob amser yn werth siarad â’r Swyddfa Credyd Treth am y broblem cyn i chi apelio. Felly cysylltwch â nhw gyntaf i weld a allant ddatrys pethau. Ffoniwch y Llinell Gymorth Credydau Treth ar 0845 300 3900 neu'r ffôn testun 0845 300 3909.

• Apelio yn erbyn penderfyniad ar gredyd treth Opens new window

Sut mae cwyno

Os nad ydych yn fodlon â gwasanaeth y Swyddfa Credyd Treth cysylltwch â nhw cyn gynted â phosibl. Bydd y Swyddfa Credyd Treth yn ceisio datrys pethau cyn gynted â phosibl.

Os ydych yn anfodlon o hyd, gofynnwch i'ch cwyn gael ei throsglwyddo i'r Rheolwr Cwynion.

• Credydau treth - sut mae cwyno Opens new window

Cymorth annibynnol

Os hoffech gael cymorth a chyngor gallech siarad â sefydliad fel Cyngor ar Bopeth neu Cyngor Cyfreithiol Cymunedol. Gallwch ofyn iddynt siarad â’r Swyddfa Credyd Treth ar eich rhan.

Ond ni all y Swyddfa Credyd Treth siarad â neb heb eich caniatâd. Os byddwch yn gofyn i rywun weithredu ar eich rhan, ysgrifennwch at y Swyddfa Credyd Treth a dweud wrthynt:

• enw a chyfeiriad yr unigolyn
• cyfeiriad a manylion cyswllt y sefydliad sy'n gweithredu ar eich rhan

Gallwch ysgrifennu at y Swyddfa Credyd Treth yn:
Tax Credit Office
Preston
PR1 0SB

• Cysylltu â'r Swyddfa Cyngor Ar Bopeth Opens new window

• Cysylltu â'r Cyngor Cyfreithiol Cymunedol Opens new window

Mwy o ddolenni defnyddiol

• Credydau treth - hawliau a chyfrifoldebau Opens new window

• Taflen Cyllid a Thollau EM 'Beth fydd yn digwydd os byddwn wedi talu gormod o gredyd treth i chi?' (dogfen PDF, 97K) Opens new window

• Cymorth gyda ffeiliau PDF