Gwefan llywodraeth y DU

Gwneud cais am gredydau treth - y gwaith papur y bydd ei angen

Wrth wneud cais am gredydau treth, gofynnir i chi am wybodaeth amdanoch chi'ch hun (neu'r sawl rydych chi'n gwneud cais drosto/i) ac am eich incwm. Os ydych chi'n gwpwl, bydd rhaid i chi roi manylion am eich partner hefyd.

Gwybodaeth am y flwyddyn dreth ddiwethaf fydd ei hangen (mae blwyddyn dreth yn dechrau ar 6 Ebrill mewn un flwyddyn ac yn gorffen ar 5 Ebrill y flwyddyn wedyn). Felly, os gwnewch chi gais am gredydau treth ar gyfer blwyddyn dreth 2008-2009, rhaid i chi roi gwybodaeth am flwyddyn dreth 2007-2008.

Er mwyn gwneud eich cais, bydd angen i chi gael y wybodaeth ganlynol wrth law:

• os oeddech chi'n gyflogedig, eich P60 (a gawsoch chi ar ddiwedd y flwyddyn dreth gan eich cyflogwr) neu'ch papurau cyflog
• eich rhif Yswiriant Gwladol (NI) - bydd hwn ar eich papur cyflog ar eich P60 neu ar lythyrau gan Gyllid a Thollau EM neu'r Adran gwaith a Phensiynau
• os oeddech chi'n hunangyflogedig, manylion eich incwm a'ch Cyfeirnod Treth Unigryw (UTR) - edrychwch ar eich ffurflen dreth Hunan Asesu, eich datganiadau a'ch dogfennau am eich treth, neu lythyrau gan Gyllid a Thollau EM.
• manylion unrhyw fudd-daliadau a gewch chi, megis Lwfans Ceisio Gwaith, Cymhorthdal Incwm, Lwfans Gofalwyr a Budd-dal Analluogrwydd.
• rhif cyfeirnod eich Budd-dal Plant - bydd hwn i'w weld ar lythyrau am Fudd-dal Plant, ar eich datganiadau banc os telir Budd-dal Plant yn syth i'ch cyfrif neu yn eich llyfr Budd-dal Plant.
• manylion taliadau gofal plant os ydych chi'n defnyddio gofalwr cymeradwy
• rhif eich cyfrif banc neu gyfrif cymdeithas adeiladu, cod didoli, neu'r rhif cyfeirnod
• manylion unrhyw incwm arall, megis cynilion, pensiynau neu incwm o rent

Dros y ffôn a thrwy'r post

Gallwch:

• hawlio Credyd Treth Plant neu Gredyd Treth Gwaith drwy'r post
• rhoi gwybod am newid mewn amgylchiadau dros y ffôn neu drwy'r post
• adnewyddu eich credydau treth dros y ffôn neu drwy'r post (unwaith yr anfonir y ffurflen i chi yn ystod Ebrill neu Mai)

Gallwch archebu pecyn hawlio dros y ffôn drwy ffonio un o'r llinellau cymorth canlynol.

Ffoniwch 0845 300 3900, ffôn testun 0845 300 3909.

Mae'r llinellau ar agor o ddydd Llun i ddydd Gwener rhwng 8.00 am a 8.00 pm yn cynnwys penwythnosau (ac eithrio dydd Nadolig, dydd San Steffan, dydd Calan a Sul y Pasg).

Ar ôl i chi wneud eich cais cychwynnol, gallwch ffonio'r llinell gymorth i ddweud am unrhyw newid yn eich amgylchiadau ond bydd angen i chi adnewyddu'ch cais trwy lythyr.

• Dod o hyd i Ganolfan Ymholiadau agosaf adran Cyllid a Thollau EM Opens new window
• Cysylltu â'ch Canolfan Byd Gwaith leol Opens new window

Mwy o ddolenni defnyddiol

• Cyflogaeth - cyfleoedd gwaith, cyfweliadau, hyfforddi a mwy (adran cyflogaeth)
• Cyflogaeth - cyngor arbenigol, cynlluniau gwaith, hyfforddiant a mwy (adran pobl anabl)
• Llwytho a phrintio taflennu ffeithiau HMRC credydau treth Opens new window