Gwefan llywodraeth y DU

Archwiliadau credyd treth - beth sy'n digwydd

Mae'n bosib i unrhyw un sy'n cael credydau treth gael archwilio'u hawliad. Mae'n bosib y bydd Cyllid a Thollau EM yn archwilio'ch dyfarniad credyd treth er mwyn sicrhau eich bod yn cael y swm iawn ar sail eich incwm a'ch amgylchiadau. Er mwyn archwilio'ch credyd, fel arfer, byddan nhw'n gofyn am gopïau o bethau fel:

Mae'n bosib hefyd y bydd Cyllid a Thollau EM yn gofyn i bobl eraill, megis eich cyflogwr neu'ch darparwr gofal plant, am wybodaeth am eich incwm neu'ch costau.

Yr hyn y mae'n rhaid i chi ei wneud

Mae'n well rhoi'r holl wybodaeth mae Cyllid a Thollau EM yn gofyn amdani cyn gynted ag y gallwch chi. Os na wnewch chi hynny, mae'n bosib y gostyngir eich taliadau credyd treth, neu y byddan nhw'n dod i ben yn llwyr.

Mae'n ddoeth hefyd i chi gydweithredu gymaint ag y bo modd pan fydd eich credyd treth yn cael ei archwilio - os na wnewch chi hynny, mae'n bosib y cewch chi'ch cosbi'n ariannol.

Os oes gennych unrhyw gwestiwn am yr archwiliad, ffoniwch y swyddfa sy'n gwneud y gwaith.

• Darllen mwy am gosbau credydau treth gan Gyllid a Thollau EM Opens new window

Gofyn i rywun eich helpu

Os ydych chi'n poeni am archwiliad credyd treth, gofynnwch i rywun am help. Mae help a chyngor am ddim ar gael gan y Ganolfan Cyngor ar Bopeth, neu gan Taxaid (elusen sy'n helpu pobl â phroblemau treth os na allan nhw fforddio talu am gyngor) neu gan y Gwasanaeth Cyfreithiol Cymunedol.

Neu gofynnwch i ffrind neu gynghorydd proffesiynol am help.

Bydd angen yr un wybodaeth sydd ei hangen ar Gyllid a Thollau EM ar bwy bynnag fydd yn eich helpu.

• Cysylltu â'ch CAB agosaf Opens new window
• Help a chyngor gan Taxaid Opens new window
• Cael cyngor gan y Gwasanaeth Cyfreithiol Cymunedol Opens new window

Os ydych chi'n cael gormod o gredyd treth neu rhy ychydig

Os bydd archwiliad credyd treth yn dangos eich bod yn cael gormod o gredyd treth, neu nad oes gennych yr hawl i gael credydau treth, mae'n bosib y bydd Cyllid a Thollau EM yn penderfynu gostwng neu atal eich taliadau ac fe all fod rhaid i chi ad-dalu unrhyw arian gawsoch chi a chithau heb hawl iddo.

Os ydych chi'n cael gormod oherwydd eich bod yn ddiofal neu'n anonest wrth wneud cais am gredydau treth, mae'n bosib y bydd rhaid i chi dalu cosb ariannol hefyd. (Edrychwch ar 'Pryd mae'n rhaid talu cosb? " isod.)

Os nad ydych chi'n cael digon o gredyd treth, mae'n bosib y cynyddir eich taliadau.

Eich hawliau yn ystod archwiliad credyd treth

Os bydd eich dyfarniad credyd treth yn cael ei archwilio, dyma'ch hawliau:

• Apelio yn erbyn penderfyniad credyd treth
• Llwytho ffurflen apelio am gredydau treth oddi ar y we (dogfen PDF, 36k) Opens new window
• Sut i gwyno wrth Gyllid a Thollau EM
• Cymorth gyda ffeiliau PDF

Pryd mae'n rhaid talu cosb?

Dim ond dan yr amodau canlynol y ceir rhoi cosb ariannol i chi am hawlio gormod o gredyd treth:

• eich bod wedi rhoi'r wybodaeth anghywir yn ddiofal
• eich bod wedi methu rhoi manylion llawn am eich incwm
• eich bod wedi methu hysbysu'r adran am newid amgylchiadau a fyddai'n effeithio ar eich dyfarniad credyd treth

Gall Cyllid a Thollau EM roi cosb o hyd at £300 i chi os na fyddwch chi'n eu hysbysu am newid yn eich amgylchiadau. Ac mae cosb ariannol hyd at £3,000 ar gyfer pob hawliad os nad ydych wedi dweud y gwir neu os ydych chi wedi bod yn ddiofal wrth roi gwybodaeth.

• Newidiadau y mae'n rhaid i chi ddweud wrth yr adran amdanynt os ydych chi'n derbyn credydau treth

Os cewch chi gosb ariannol

Bwriad y cosbau yw:

Os rhoddir cosb ariannol i chi, bydd Cyllid a Thollau EM yn ystyried:

Gallwch apelio yn erbyn unrhyw gosb ariannol ac yn erbyn y swm a roddir i chi yn eich credyd treth

• Mwy am gosbau credydau treth Opens new window
• Apelio yn erbyn penderfyniad credyd treth

Mwy o ddolenni defnyddiol

• Hawl i Gredyd Treth Gwaith
• Rheoli dyled
• Cymorth gyda ffeiliau PDF