Gwefan llywodraeth y DU

Ydych chi'n gymwys?

I hawlio Credyd Treth Gwaith, rhaid i chi fod yn 25 oed neu'n hŷn ac fel arfer yn gweithio o leiaf 30 awr yr wythnos.

Mae’r rheolau yn wahanol os ydych chi’n perthyn i un o’r grwpiau canlynol:

• pobl anabl – os oes gennych anabledd sy'n eich rhoi dan anfantais wrth geisio cael swydd rhaid i chi fod yn 16 oed neu’n hŷn ac yn gweithio 16 awr yr wythnos neu fwy
• pobl dros 50 – os ydych chi’n 50 oed neu'n hŷn ac yn dychwelyd i waith ar ôl cyfnod ar fudd-dal rhaid i chi weithio 16 awr yr wythnos neu fwy
• rhieni – os ydych chi’n gyfrifol am blentyn rhaid i chi fod yn 16 oed neu'n hŷn ac yn gweithio 16 awr yr wythnos neu fwy

Seilir credydau treth ar incwm ac amgylchiadau eich cartref, felly rhaid i chi roi gwybodaeth i Gyllid a Thollau EM am:

• eich incwm yn y flwyddyn dreth diwethaf a nifer yr oriau y byddwch chi'n arfer eu gweithio bob wythnos
• incwm eich partner neu'ch partner sifil yn y flwyddyn dreth diwethaf (os oes gennych un) a nifer yr oriau y byddant yn arfer eu gweithio bob wythnos
• unrhyw fudd-daliadau yr ydych yn eu cael
• nifer y plant sydd yn eich teulu a'u hoedran
• faint y byddwch yn ei wario ar ofal plant bob wythnos (h.y. cofrestredig neu gymeradwy)

• Defnyddiwch yr holiadur arlein credydau treth i weld os ydych yn gymwys Opens new window

Faint o arian allech chi ei gael?

Bydd faint gewch chi'n dibynnu ar sawl peth, gan gynnwys eich incwm blynyddol. Mae'r taliad yn cynnwys gwahanol elfennau:

Os ydych chi'n gyfrifol am blentyn neu berson ifanc cymwys mewn addysg amser llawn ac eithrio addysg uwch, mae'n bosibl bod gennych hawl i gael Credyd Treth Plant.

Sut i hawlio

Gallwch wneud y canlynol:

Gallwch archebu pecyn hawlio dros y ffôn drwy ffonio'r llinell gymorth ar 0845 300 3900, ffôn testun 0845 300 3909.

Mae'r llinellau ar agor o 8.00 am tan 8.00 pm bob dydd (ac eithrio ar ddydd Nadolig, dydd San Steffan, dydd Calan a Sul y Pasg).

Pan fyddwch yn ffonio'r llinell gymorth, gwnewch yn siŵr bod gennych eich rhif Yswiriant Gwladol wrth law oherwydd bydd angen i chi ei ddatgan er mwyn profi pwy ydych chi.

• Cysylltu â'ch Canolfan Ymholiadau Cyllid a Thollau EM agosaf Opens new window
• Hawlio credydau treth

Sut mae'n cael ei dalu

Bydd Cyllid a Thollau EM yn talu Credyd Treth Gwaith drwy Daliad Uniongyrchol i'ch banc, cymdeithas adeiladu, Swyddfa'r Post® neu Gynilion Cenedlaethol.

Os ydych chi'n un o gwpwl neu bartneriaeth sifil a bod y ddau ohonoch yn gweithio o leiaf 16 neu 30 awr yr wythnos, fe gewch chi benderfynu pwy gaiff y taliadau Credyd Treth Gwaith.

Bydd Cyllid a Thollau EM yn talu elfen gofal plant y Credyd Treth Gwaith yn syth i'r sawl sy'n bennaf gyfrifol am ofalu am holl blant y teulu, a hynny gyda'r Credyd Treth Plant.

Os bydd eich amgylchiadau'n newid

Os ydych chi'n derbyn y Credyd Treth Gwaith, dywedwch wrth Gyllid a Thollau EM os bydd eich amgylchiadau'n newid. Os na wnewch chi hyn, mae'n bosibl na chewch chi'r holl arian y mae gennych hawl iddo, neu os telir gormod i chi, efallai y bydd rhaid i chi dalu rhywfaint yn ôl.

• Newid i amgylchiadau'r teulu neu incwm

Beth os bydd gennych broblem neu gŵyn

Mae taflen am y drefn gwyno ar gael drwy ffonio'r llinell gymorth Credydau Treth:

Os ydych chi'n anghytuno â phenderfyniad am gredyd treth, gallwch apelio.

• Apelio yn erbyn penderfyniad credyd treth

Mwy o ddolenni defnyddiol

• Pwy sy'n gymwys i gael credydau treth
• Llwytho taflenni am gredydau treth Cyllid a Thollau EM oddi ar y we a'u hargraffu Opens new window
• Gwybodaeth i rieni anabl (adran pobl anabl)
• Cymorth arall os ydych yn cael credydau treth (dogfen PDF, 656K) Opens new window
• Cymorth gyda ffeiliau PDF