Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Arian, treth a budd-daliadau

Arian, treth a budd-daliadau

Treth Stamp

Y Dreth Stamp yw'r dreth y byddwch yn ei thalu pan fyddwch yn prynu eiddo neu gyfranddaliadau. Rydych yn talu 'Treth Stamp ar Dir' pan fyddwch yn prynu eiddo a naill ai 'Treth Stamp' neu 'Treth Stamp Wrth Gefn' pan fyddwch yn prynu cyfranddaliadau.

Treth Stamp ar Dir pan fyddwch yn prynu eiddo

Mae'r trothwyon newydd a gyflwynwyd ar 3 Medi 2008 yn golygu, os ydych chi'n prynu eiddo a bod y pris prynu yn £175,000 neu lai, does dim rhaid i chi dalu unrhyw Dreth Stamp ar Dir.

Os yw'r pris yn fwy na £175,000, rydych yn talu rhwng un a phedwar y cant o'r pris prynu llawn. Bydd y trothwy o £175,000 ( i fyny o £125,000) yn aros mewn grym hyd at 2 Medi 2009, gan gynnwys y dyddiad hwnnw.


Eiddo preswyl - y pris prynu Cyfradd y Dreth Stamp ar Dir
hyd at £175,000 (tan 2 Medi 2009 gan gynnwys y dyddiad hwnnw) 0%
£175,001 - £250,000 1%
£250,001 - £500,000 3%
£500,001 neu fwy 4%

Eiddo mewn ardaloedd difreintiedig

Yn hanesyddol, bu eiddo a brynwyd mewn ardaloedd yr oedd y llywodraeth wedi'u dynodi'n 'ddifreintiedig' yn gymwys am Ostyngiad Ardaloedd Difreintiedig (lle'r oedd y trothwy Treth Stamp ar Dir yn uwch nag ar gyfer eiddo preswyl arall). Ni fydd y gostyngiad hwn yn berthnasol ar gyfer prynu eiddo rhwng 3 Medi 2008 a 2 Medi 2009, gan gynnwys y dyddiadau hynny.

Yn lle hynny, bydd trothwy Treth Stamp ar Dir yr un fath ag ar gyfer pob eiddo arall fel y dangosir uchod. Mae'r trothwy newydd yn uwch na'r trothwy Gostyngiad Ardaloedd Difreintiedig blaenorol, sef £150,000.

I gael rhagor o wybodaeth am y Dreth Stamp ar Dir, gan gynnwys sut i'w thalu a dolen i gyfrifydd Treth Stamp ar Dir Adran Cyllid a Thollau EM, darllenwch ein herthygl 'Treth ar brynu eiddo'.

Treth Stamp neu Dreth Stamp Wrth Gefn pan fyddwch yn prynu cyfranddaliadau

Byddwch yn talu Treth Stamp neu Dreth Stamp Wrth Gefn ar gyfradd o 0.5 y cant pan fyddwch yn prynu cyfranddaliadau:

  • Mae 'Treth Stamp' yn daladwy pan drosglwyddir y cyfranddaliadau i chi gan ddefnyddio ffurflen trosglwyddo stoc
  • Mae 'Treth Stamp Wrth Gefn' yn daladwy pan drosglwyddir y cyfranddaliadau i chi ar ffurf electronig heb ddefnyddio ffurflen trosglwyddo stoc

Rydych yn talu cyfradd uwch o 1.5 y cant pan fyddwch yn trosglwyddo cyfranddaliadau i 'gynllun derbynebau ar gyfer adneuon' neu 'wasanaeth clirio'. Trefniadau arbennig yw'r rhain lle mae'r cyfranddaliadau'n cael eu cadw gan drydydd parti.

I gael manylion llawn, gan gynnwys sut yr ydych yn talu a dolen i gyfrifydd Treth Stamp ar Dir Cyllid a Thollau EM, darllenwch ein herthygl gysylltiedig 'Treth ar brynu cyfranddaliadau'.

Mwy o ddolenni defnyddiol

Yn yr adran hon...

Allweddumynediad llywodraeth y DU