Gwefan llywodraeth y DU

Pryd y bydd rhaid i mi dalu TEC?

Efallai y bydd rhaid i chi dalu TEC, er enghraifft:

• os byddwch yn gwerthu, yn rhoi, yn cyfnewid neu'n cael gwared (ddim yn berchen arno mwyach) ar ased, neu ran o ased
• os byddwch yn derbyn arian o ased - er enghraifft iawndal am ased a ddifrodwyd

Does dim rhaid i chi dalu TEC ar:

• eich car
• eich prif gartref, gyhyd ag y bodlonir rhai amodau
• ISAs a PEPs
• giltiau (bondiau) Llywodraeth y DU
• eiddo personol werth £6,000 neu lai pan fyddwch yn eu gwerthu
• enillion betio, y loteri neu'r pyllau
• arian sy'n ffurfio rhan o'ch incwm at ddibenion treth incwm

Dyma ambell bwynt i'w gofio:

• os ydych wedi priodi neu mewn partneriaeth sifil ac yn byw gyda'ch gilydd, gallwch drosglwyddo asedau i'ch gŵr neu wraig neu bartner sifil heb orfod talu TEC
• allwch chi ddim rhoi asedau i'ch plant neu eraill na gwerthu asedau iddynt yn rhad heb orfod ystyried TEC
• os byddwch yn gwneud colled, efallai y gallwch wneud hawliad i ddidynnu'r golled honno o enillion eraill; ond dim ond os yw'r ased yn denu TEC fel arfer - felly allwch chi ddim gosod colled yn sgîl gwerthu'ch car yn erbyn yr enillion a gafwyd o gael gwared ar asedau eraill
• os bydd rhywun yn marw ac yn gadael eu heiddo i'w buddiolwyr, does dim TEC i'w thalu yr adeg honno - fodd bynnag, os bydd buddiolwr yn cael gwared ar ased yn ddiweddarach, bydd unrhyw TEC y bydd angen ei thalu o bosib yn seiliedig ar y gwahaniaeth rhwng gwerth marchnad yr ased adeg y farwolaeth a'i werth adeg ei werthu

• Mwy am TEC ar wefan Cyllid a Thollau EM Opens new window

• Mwy am dreth ar werthu eiddo

Sut y cyfrifir TEC

Cyfrifir TEC am bob blwyddyn dreth (sy'n mynd o 6 Ebrill mewn un flwyddyn i 5 Ebrill yn y flwyddyn ddilynol). Caiff ei chodi ar eich holl enillion trethadwy, ar ôl ystyried:

• rhai costau a gostyngiadau a all leihau neu ohirio enillion
• colledion a ganiateir a wnaethpwyd gennych ar asedau y mae TEC yn berthnasol iddynt fel arfer

y swm eithriedig (di-dreth) blynyddol - sef £9,200 ar gyfer pob unigolyn yn y flwyddyn dreth 2007-2008 a £10,100 ar gyfer pob unigolyn yn 2009-2010

• Mwy am lwfansau TEC di-dreth ar wefan Cyllid a Thollau EM Opens new window

• Cyflwyniad i TEC ar wefan Cyllid a Thollau EM Opens new window

Cyfraddau TEC

Y bwriad am 2008-2009 a 2009-2010 yw fydd cyfradd sengl o Dreth Enillion Cyfalaf o 18 y cant am oedolion, ymddiriedolwyr a chynrychiolyddion personol ar enillion trethadwy.

Sut y byddwch yn talu TEC

Os ydych wedi derbyn ffurflen Hunanasesu treth incwm, dilynwch y canllawiau i benderfynu a oes angen i chi lenwi'r tudalennau enillion cyfalaf. Mae'r ffurflen yn dweud wrthych sut i gael y tudalennau hyn os oes eu hangen arnoch.

Os nad ydych yn llenwi ffurflen dreth fel arfer, ond am roi gwybod am enillion neu golledion, cysylltwch â'ch Swyddfa Dreth leol a gofyn iddynt anfon ffurflen atoch a'r tudalennau perthnasol. Os oes gennych Dreth Enillion Cyfalaf i'w thalu, rhaid i chi hysbysu'r swyddfa dreth erbyn 5 Hydref yn dilyn y flwyddyn dreth. Mae terfyn amser ar gyfer hawlio colledion.

• Manylion cyswllt ar gyfer yr holl Swyddfeydd Treth lleol Opens new window

• Cofrestru gyda Chyllid a Thollau EM er mwyn llenwi'ch ffurflen dreth ar-lein Opens new window

Mwy o ddolenni defnyddiol

• Treth ar werthu cyfranddaliadau

• Cynilion a buddsoddiadau

• Rheoli Arian

• Cynllunio ar gyfer ymddeol (adran pensiynau a chynllunio ar gyfer ymddeol)

• Cyngor ymarferol am y Dreth Enillion Cyfalaf a'ch busnes Opens new window

• Amrywiaeth o ganllawiau a thaflenni cymorth am y Dreth Enillion Cyfalaf ar wefan Cyllid a Thollau EM Opens new window