Gwefan llywodraeth y DU

Newidiadau y mae'n rhaid i chi roi gwybod i'r Swyddfa Dreth amdanynt

Bydd angen i chi ddweud wrth y Swyddfa Dreth os byddwch:

• yn priodi neu'n ffurfio partneriaeth sifil
• yn dechrau cael ail incwm (neu drydydd, neu fwy)
• yn mynd yn hunangyflogedig neu'n peidio â bod yn hunangyflogedig
• yn dechrau neu'n rhoi'r gorau i gael buddion cwmni - er enghraifft car cwmni neu yswiriant meddygol
• yn dechrau cael pensiwn cwmni neu bensiwn personol
• yn dechrau cael Pensiwn y Wladwriaeth neu unrhyw fudd-daliadau trethadwy eraill

Bydd yn rhaid i chi roi gwybod i'r Swyddfa Dreth hefyd os bydd unrhyw incwm arall yr ydych yn ei gael - er enghraifft cynilion neu incwm rhent - yn cynyddu neu'n lleihau.
Gall yr holl bethau hyn a mwy effeithio ar faint o Dreth Incwm y mae'n rhaid i chi ei thalu.

• Manylion cyswllt ar gyfer pob Swyddfa Dreth Opens new window

Priodas neu bartneriaeth sifil lle ganed un partner cyn 6 Ebrill 1935

Dywedwch wrth eich Swyddfa Dreth os byddwch yn priodi neu'n ffurfio partneriaeth sifil ac o leiaf un partner wedi'i eni cyn 6 Ebrill 1935 - efallai y byddwch yn gymwys i gael y Lwfans Pâr Priod os ydych yn talu treth.

Os byddwch yn ysgaru neu os diddymir eich partneriaeth sifil neu os byddwch yn gwahanu a chithau'n arfer cael y lwfans pâr priod, ni fyddwch yn gymwys i'w gael mwyach ac felly bydd angen rhoi gwybod i'ch Swyddfa Dreth.

• Mwy am y Lwfans Pâr Priod

• Manylion cyswllt ar gyfer pob Swyddfa Dreth Opens new window

Marwolaeth partner priod neu bartner sifil

Os bydd eich gŵr, gwraig neu bartner sifil yn marw, bydd angen i chi gysylltu â'ch Swyddfa Dreth os yw'r naill neu'r llall o'r canlynol yn berthnasol:

• rydych yn hawlio lwfans pâr priod
• mae un ohonoch yn hawlio Lwfans Person Dall a bod rhywfaint neu'r cyfan o hwn wedi'i drosglwyddo i'r partner priod neu bartner sifil arall

• Mwy am Lwfans Person Dall

• Manylion cyswllt ar gyfer pob Swyddfa Dreth Opens new window

Dechrau/rhoi'r gorau i hunangyflogaeth

Mae'n rhaid i chi roi gwybod i Gyllid a Thollau EM eich bod yn hunangyflogedig o fewn tri mis ers i chi ddechrau neu gallant roi dirwy o £100 i chi.
Os byddwch yn rhoi'r gorau i fod yn hunangyflogedig dywedwch wrth eich Swyddfa Dreth cyn gynted â phosib.

• Cael gwybod am dreth i bobl hunangyflogedig a sut mae cofrestru

• Manylion cyswllt ar gyfer pob Swyddfa Dreth Opens new window

Dechrau/rhoi'r gorau i gael buddion cwmni

Os byddwch yn dechrau cael buddion cwmni trethadwy dylech roi gwybod i'ch Swyddfa Dreth ar unwaith fel na fyddwch yn cael bil treth mawr ar ddiwedd y flwyddyn. Does dim rhaid i gyflogwyr ddweud wrth Gyllid a Thollau EM am unrhyw fuddion y byddwch yn eu cael gan y cwmni tan ddiwedd y flwyddyn dreth, heblaw ei fod yn gar cwmni.

Bydd eich Swyddfa Dreth yn addasu eich rhif cod ac yn dechrau casglu rhywfaint neu'r holl dreth ychwanegol yn gynt.

Dylech hefyd ddweud wrth eich Swyddfa Dreth os byddwch yn rhoi'r gorau i gael buddion cwmni trethadwy. Gallant newid eich cod treth a gwneud yn siŵr nad ydych yn talu gormod o dreth.

• Buddion cwmni yn eich cod treth

• Manylion cyswllt ar gyfer pob Swyddfa Dreth Opens new window

Dechrau cael Pensiwn y Wladwriaeth

Pan fyddwch yn cyrraedd oedran Pensiwn y Wladwriaeth, dydych chi ddim yn stopio talu Treth Incwm yn awtomatig ond mae'n bosib y bydd eich bil treth yn lleihau. Bydd angen i chi ddweud wrth eich Swyddfa Dreth - ymlaen llaw os oes modd - pan fyddwch yn ymddeol fel na fyddwch yn talu gormod o dreth.

Bydd y Swyddfa Dreth am gael gwybod:

• eich dyddiad geni er mwyn iddynt allu rhoi'r lwfansau cywir i chi
• faint o Bensiwn y Wladwriaeth ydych chi'n ei gael a'r dyddiad y byddwch yn dechrau'i gael
• cyfanswm disgwyliedig eich incwm am y flwyddyn dreth y byddwch yn cael eich pensiwn am y tro cyntaf

• Pam ei bod yn bwysig llenwi eich ffurflen Ymholiad Pensiwn Opens new window

• Manylion cyswllt ar gyfer pob Swyddfa Dreth Opens new window

Dechrau/rhoi'r gorau i gael budd-daliadau'r wladwriaeth

Os byddwch yn dechrau cael budd-daliadau'r wladwriaeth neu os byddant yn dod i ben, gallai hynny effeithio ar eich bil treth. Gorau po gyntaf y cysylltwch chi â'ch Swyddfa Dreth, ac wedyn byddant yn gallu addasu eich cod treth cyn gynted ag y bo modd er mwyn sicrhau eich bod bob amser yn talu'r hyn sy'n ddyledus.

• Manylion cyswllt ar gyfer pob Swyddfa Dreth Opens new window

Sut mae rhoi gwybod am newidiadau yn eich incwm

Os ydych ar gynllun Talu wrth Ennill (PAYE) ond nad ydych fel arfer yn llenwi ffurflen dreth Hunanasesu

Rhowch wybod i'ch Swyddfa Dreth am unrhyw newidiadau yn eich incwm - hyd yn oed os ydych wedi cael yr incwm y tu allan i'ch swydd neu bensiwn ac nas delir ag ef drwy'r cynllun Talu Wrth Ennill, er enghraifft incwm rhent.

Gall Cyllid a Thollau EM newid eich cod treth fel eich bod yn talu'r swm treth cywir. Os byddant yn gwneud hyn byddwch yn cael Hysbysiad Cod Talu Wrth Ennill a fydd yn egluro'r newidiadau yn eich cod.

Mewn rhai achosion gellir gofyn i chi lenwi ffurflen dreth a thalu unrhyw dreth ychwanegol drwy'r ffurflen Hunanasesu.
Os yw eich incwm trethadwy wedi lleihau efallai bod ad-daliad yn ddyledus i chi.

• Deall eich Hysbysiad Cod Talu Wrth Ennill

• Incwm arall a drethir drwy eich cod treth

• Manylion cyswllt ar gyfer pob Swyddfa Dreth Opens new window

Os nad ydych yn llenwi ffurflen dreth fel arfer ac os nad ydych ar gynllun Talu Wrth Ennill

Os bydd cynnydd mewn incwm yn achosi i'ch incwm trethadwy fod yn uwch na'ch Lwfans Personol ac unrhyw Lwfans Person Dall y mae gennych hawl i'w gael, mae'n rhaid i chi gysylltu â'ch Swyddfa Dreth.
Efallai y bydd angen i chi lenwi ffurflen dreth a thalu unrhyw dreth sy'n ddyledus gennych drwy'r ffurflen Hunanasesu.

• Cael gwybod am y Lwfans Personol

• Lwfans Person Dall

• Manylion cyswllt ar gyfer pob Swyddfa Dreth Opens new window

Os ydych eisoes wedi llenwi ffurflen dreth

Os cewch ostyngiad sylweddol mewn incwm neu os ydych yn disgwyl gostyngiad o'r fath, gallwch roi gwybod i'ch Swyddfa Dreth yn syth - efallai y gallant addasu'ch 'taliadau ar gyfrif' i adlewyrchu'r swm diwygiedig.

• Dysgu mwy am y ffyrdd yr ydych yn talu Treth Incwm

• Manylion cyswllt ar gyfer pob Swyddfa Dreth Opens new window

Os byddwch yn newid cyfeiriad

Os byddwch yn newid cyfeiriad mae'n bwysig rhoi gwybod i'ch Swyddfa Dreth. Mae hyn yn wir hyd yn oed os byddwch yn talu rhywfaint o'ch treth neu'ch treth i gyd drwy'r cynllun Talu Wrth Ennill a'ch bod eisoes wedi dweud wrth eich cyflogwr neu'ch darparwr pensiwn.

Dan y Ddeddf Diogelu Data, ni chânt ddweud wrth Gyllid a Thollau EM beth yw eich cyfeiriad newydd.

• Manylion cyswllt ar gyfer pob Swyddfa Dreth Opens new window

Newidiadau y gallwch roi gwybod i'r Swyddfa Dreth amdanynt ar-lein

Os ydych wedi newid eich enw neu'ch cyfeiriad neu os hoffech i'r Swyddfa Dreth gysylltu â chi ar gyfeiriad gwahanol, gallwch roi gwybod iddynt drwy lenwi ffurflen ar-lein a'i hanfon atynt dros yr e-bost.

Dilynwch y ddolen isod i gael mwy o wybodaeth am sut mae gwneud hyn.

• Rhoi gwybod i'r Swyddfa Dreth dros yr e-bost bod eich amgylchiadau wedi newid Opens new window

Mwy o ddolenni defnyddiol

• Cael gwybod sut i gael ad-daliad treth

• Beth i’w wneud os yw’ch cod treth yn anghywir