Gwefan llywodraeth y DU

Ymholiadau cyffredinol

Cyllid a Thollau EM (HMRC) yw'r adran newydd sy'n gyfrifol am waith yr hen Gyllid y Wlad a Thollau Tramor a Chartref EM. Mae gan Gyllid a Thollau EM wahanol bwyntiau cyswllt, yn dibynnu ar natur eich ymholiad.

• Pwyntiau cyswllt Cyllid a Thollau EM Opens new window

Desgiau cymorth ar gyfer gwasanaethau ar-lein

Os ydych yn cael problemau neu angen rhagor o gymorth wrth ddefnyddio gwasanaeth ar-lein, cysylltwch ag un o'r desgiau cymorth arbenigol.

• Cymorth gyda gwasanaethau ar-lein ar gyfer trethi, credydau treth a Budd-dal Plant Opens new window
• Cymorth gyda gwasnaethau ar-lein ar gyfer TAW, tollau cartref a thollau eraill Opens new window

Llinellau cymorth dros y ffôn

Mae gan Gyllid a Thollau EM amrywiaeth eang o linellau cymorth arbenigol.

• Dod o hyd i'r llinell gymorth iawn ar gyfer eich ymholiad Opens new window

Dyma rai o'r prif linellau cymorth:

Cyngor wyneb-yn-wyneb

Os byddwch angen gweld rhywun yn bersonol - er enghraifft os oes gennych anghenion arbennig neu os nad yw un o'n llinellau cymorth wedi llwyddo i ateb eich ymholiad, gallwch ymweld â'ch Canolfan Ymholiadau Cyllid a Thollau EM lleol. Edrych yn eich llyfr ffôn dan 'HM Revenue & Customs' (neu 'Inland Revenue' os yw'n hen lyfr ffôn) neu gael y manylion cyswllt ar-lein.

Mae'r rhan fwyaf o'r Canolfannau ar agor i'r cyhoedd o ddydd Llun i ddydd Gwener rhwng 8.30am a 5.00pm, ac mae rhai ar agor yn hwy na hynny.

• Dod o hyd i'ch Canolfan Ymholiadau Cyllid a Thollau EM leol Opens new window

Ymholiadau penodol am eich materion treth

Os oes angen trafod eich materion treth personol arnoch dylech gysylltu fel arfer â'ch Swyddfa Dreth.

Os ydych yn llenwi ffurflen dreth Hunanasesiad

Os yw Cyllid a Thollau EM wedi anfon ffurflen dreth atoch, bydd cyfeiriad a rhif ffôn eich Swyddfa Dreth ar y dudalen flaen neu ar eich Datganiadau o Gyfrif. Mae'n bosib cael manylion cyswllt hefyd gan ddefnyddio arf chwilio ar-lein A-Z Cyllid a Thollau EM neu (os nad ydych yn gwybod enw'ch Swyddfa Dreth) drwy un o'u Canolfannau Ymholiadau.

Os ydych yn gweithio neu'n derbyn pensiwn cwmni

Os ydych yn weithiwr, neu'n cael pensiwn o ble roeddech yn gweithio, cysylltwch â Swyddfa Dreth eich cyflogwr. Gofynnwch i'ch cyflogwr (neu bwy bynnag sy'n delio gyda'r gyflogres) am fanylion cyswllt, neu edrychwch ar ddogfen dreth megis eich P60. Os na allwch ddod o hyd i’r rhif ffôn, gallwch ddefnyddio’r lleolwr Swyddfa Dreth.

• Manylion cyswllt ar gyfer pob Swyddfa Dreth Cyllid a Thollau EM Opens new window

Ffurflenni, taflenni a chanllawiau

Mae Cyllid a Thollau EM yn cyhoeddi llawer o daflenni 'plain English' sy'n ateb y cwestiynau treth a thollau mwyaf cyffredin. Gallwch lwytho'r rhan fwyaf o'r rhain yn syth oddi ar eu gwefan - ynghyd â'r ffurflenni hawlio mwyaf cyffredin a'r rhan fwyaf o dudalennau a nodiadau cymorth y ffurflen dreth lawn.

• Darllen neu lwytho ffurflenni, taflenni a chanllawiau gan Gyllid a Thollau EM Opens new window
• Darllen neu lwytho ffurflenni a nodiadau cymorth Hunanasesiad Opens new window

Archebu ffurflenni neu daflenni i'w postio atoch

Os oes angen llawer o gopïau o ffurflenni arnoch a chithau heb argraffydd, gallwch eu harchebu ar-lein a gofyn am iddynt gael eu postio atoch.

• Archebu ffurflenni ar-lein neu dros y ffôn ar gyfer eu postio Opens new window

Ymholiadau ynghylch hawlio treth yn ôl

Ffoniwch y llinell gymorth Taxback ar 0845 077 6543 (ar agor rhwng 8.00 am a 10.00 pm saith diwrnod yr wythnos) neu gysylltu â'r Swyddfa Dreth sy'n delio gydag ad-daliadau ar gyfer eich ardal.

Mwy o ddolenni defnyddiol

• Swyddfa Budd-dal Plant
• Llinell gymorth credydau treth