Gwefan llywodraeth y DU

Anfon ffurflenni treth Hunanasesu

Yn fuan ar ôl bob blwyddyn dreth newydd (6 Ebrill), mae Cyllid a Thollau EM yn anfon ffurflen dreth neu Rybudd i Gwblhau Ffurflen Dreth (SA316) ar gyfer y flwyddyn dreth flaenorol at bawb sy'n llenwi ffurflen fel arfer.

• Mwy am y rhai y mae angen iddynt lenwi ffurflen dreth

Dyddiadau ffeilio allweddol ar gyfer ffurflenni treth

Dyddiad	Pam fod y dyddiad cau hwn yn bwysig
31 Ionawr	Dyma'r dyddiad olaf ffurfiol ar gyfer dychwelyd ffurflen dreth a dderbyniwyd. Os bydd y ffurflen yn cyrraedd ar ôl y dyddiad cau hwn, byddwch yn gorfod talu cosb o £100 yn awtomatig.
31 Hydref	Rhaid i ffurflenni treth papur ar gyfer y flwyddyn dreth a ddaeth i ben ar y 5 Ebrill blaenorol gyrraedd Cyllid a Thollau EM erbyn y dyddiad hwn os ydych am iddynt hwy: gyfrifo'ch treth ichi dweud wrthych beth i'w dalu erbyn y 31 Ionawr dilynol casglu treth trwy eich cod treth (os yw'n bosibl) os oes arnoch chi lai na £2,000 Os byddant yn derbyn eich ffurflen dreth bapur ar ôl 30 Medi ac yn ei phrosesu erbyn 30 Rhagfyr, byddant yn dal i gyfrifo'ch treth ac yn ceisio casglu'r dreth drwy'ch cod treth; ond allan nhw ddim sicrhau y byddant yn dweud wrthych beth i'w dalu erbyn 31 Ionawr. Os ydych yn ffeilio eich ffurflen dreth ar-lein, mae'r dyddiad cau'n ddiweddarach (gweler isod) oherwydd bod y system yn cyfrifo'r dreth sydd arnoch chi yn awtomatig ar y sgrin.
29 Rhagfyr	Os yw'ch asiant yn cyflwyno'ch ffurflen dreth drwy'r Gwasanaeth Cyflwyno Electronig (GCE), rhaid ichi ei hanfon yn ôl erbyn y dyddiad hwn os ydych am i Gyllid a Thollau EM gasglu'r dreth trwy eich cod treth (os yw hynny'n bosibl) lle mae arnoch chi lai na £2,000.
30 Rhagfyr	Os byddwch yn ffeilio'ch ffurflen dreth ar-lein, rhaid ichi ei hanfon yn ôl erbyn y dyddiad hwn os ydych am i Gyllid a Thollau EM gasglu'r dreth drwy eich cod treth (os yw hynny'n bosibl) lle mae arnoch chi lai na £2,000. Fel arall, gallwch ei ffeilio hyd at 31 Ionawr.

Hunanasesiad - dyddiadau talu allweddol

Dyddiadau allweddol	Pa daliadau neu gosbau sy'n ddyledus?
31 Ionawr	Os anfonwyd ffurflen dreth atoch erbyn 31 Hydref yn y flwyddyn flaenorol, dyma'r dyddiad cau ar gyfer talu unrhyw swm sy'n weddill o'r dreth sy'n ddyledus gennych. 'Taliad o'r gweddill' yw'r enw ar hyn. Bydd Cyllid a Thollau EM yn codi llog dyddiol arnoch ar ôl y dyddiad hwn, hyd nes y bydd yn derbyn eich taliad. Erbyn y dyddiad hwn hefyd, bydd yn rhaid ichi wneud y 'taliad ar gyfrif' cyntaf ar gyfer y flwyddyn dreth gyfredol. Er enghraifft, ar 31 Ionawr 2009 byddwch yn gorfod talu'r ddau isod: gweddill y dreth sy'n daladwy ar gyfer y flwyddyn 2007-2008 y 'taliad ar gyfrif' cyntaf ar gyfer 2008-2009
28 Chwefror	Oni fyddwch wedi talu'r taliad o'r gweddill erbyn 31 Ionawr, codir tâl ychwanegol o 5% yn awtomatig arnoch ar ben y swm sy'n dal yn ddyledus. Mae hyn ar ben unrhyw daliadau llog.
31 Gorffennaf	Dyma'r dyddiad cau ar gyfer gwneud yr ail 'daliad ar gyfrif' ar gyfer treth sy'n ddyledus ar gyfer y flwyddyn dreth flaenorol. Os bydd arnoch chi dreth o hyd yr oeddech i fod wedi'i thalu erbyn y 31 Ionawr blaenorol, codir ail dâl ychwanegol o 5% yn awtomatig arnoch ar ben y swm sy'n ddyledus gennych.

Ffurflenni treth a dderbynnir ar ôl 31 Hydref

Os derbynioch eich ffurflen dreth ar ôl 31 Hydref, bydd eich Swyddfa Dreth yn dweud wrthych y dyddiadau cau ar gyfer talu unrhyw dreth sy'n ddyledus gennych. Fel rheol mae gennych 30 diwrnod o'r dyddiad ar y cais am daliad (sef y 'Datganiad o Gyfrif').

Taliadau ar gyfrif

Gofynnir ichi wneud dau 'daliad ar gyfrif' ar gyfer y flwyddyn dreth gyfredol os nad ydych yn talu treth drwy'r drefn Talu Wrth Ennill (TWE - PAYE) ac os oedd eich bil treth ar gyfer y flwyddyn flaenorol dros £500. Mae pob taliad ar gyfrif yn cyfateb i hanner eich bil treth ar gyfer y flwyddyn flaenorol.

Os ydych chi'n disgwyl y bydd eich incwm am y flwyddyn gyfredol yn wahanol iawn i'r flwyddyn flaenorol, gallwch ofyn am addasu'r taliadau hyn.

• Mwy am daliadau ar gyfrif

Mwy o ddolenni defnyddiol

• Apelio yn erbyn penderfyniadau Cyllid a Thollau EM
• Sut i weithredu ar ran trethdalwr arall