Gwefan llywodraeth y DU

Cofnodion sylfaenol dylech gadw    

Incwm o gyflogaeth

Dylech gadw dogfennau sy'n cynnwys manylion am eich cyflog ac am y dreth a ddarperir gan eich cyflogwr, gan gynnwys y canlynol:

• eich P45 - cadwch ran A1 o'r ffurflen hon
• eich P60 - manylion cyflog a threth am y flwyddyn dreth
• manylion am eich treuliau a'ch buddion, megis car cwmni neu yswiriant iechyd - bydd eich cyflogwr yn rhoi'r rhain i chi drwy ddefnyddio ffurflen P11D
• eich slipiau cyflog neu'ch datganiadau cyflog
• tystysgrifau ar gyfer unrhyw Gynlluniau Gwobrwyo Trethadwy
• gwybodaeth am unrhyw daliadau terfynu neu ddileu swydd

Dylech gadw'r canlynol hefyd:

• cofnod o unrhyw 'dips' neu roddion a manylion unrhyw fuddion neu dderbyniadau trethadwy nad ydynt wedi'u cynnwys mewn unrhyw ddogfennau eraill - os yw'ch cyflogwr yn talu 'tips' neu roddion i chi drwy system 'tronc' (lle mae 'tips' a rhoddion yn cael eu rhannu ymhlith y gweithwyr) byddant yn tynnu unrhyw dreth ac Yswiriant Gwladol sy'n ddyledus
• Gwybodaeth am fuddion ymarferol - er enghraifft talebau bwyd - a gewch gan unrhyw un heblaw am eich cyflogwr mewn perthynas â'ch gwaith

Cofnodion treuliau

Pan rydych yn gyflogedig efallai y gallwch hawlio treuliau er mwyn lleihau'r dreth y bydd yn rhaid i chi ei thalu. Bydd angen i chi gadw cofnodion fel y gallwch gynnwys y treuliau ein eich ffurflen dreth Hunanasesu.

• Mwy am ad-daliadau treth ar gyfer treuliau busnes

Cofnodion budd-daliadau

Dylech gadw unrhyw ddogfennau sy'n gysylltiedig â'r canlynol:

• budd-daliadau nawdd cymdeithasol
• Tâl Salwch Statudol
• Tâl Mamolaeth Statudol
• Lwfans Ceisio Gwaith

Cofnodion pensiynau

Dylech gadw:

• eich ffurflen P160 (rhan 1A), a gawsoch pan oeddech yn ymddeol a phan wnaethoch ddechrau cael pensiwn gan eich cyngyflogwr
  eich ffurflen P60 sy'n rhoi manylion eich pensiwn a'r dreth a dynnwyd
• unrhyw fanylion eraill am bensiwn a'r dreth a dynnwyd ohono

Llog, difidendau neu incwm arall o gynilion, buddsoddiadau neu ymddiriedolaethau yn y DU

Dylech gadw:

• pob cyfriflen neu lyfr cyfrif banc a chymdeithas adeiladu
• pob datganiad llog ac unrhyw incwm arall a gafwyd o'ch cynilion a'ch buddsoddiadau
• tystysgrifau tynnu treth a ddarperir gan eich banc
• yr holl dalebau difidend a dderbyniwyd gan gwmnïau yn y DU
• pob taleb arall megis talebau difidend sgrip
• pob taleb treth ar fuddsoddiadau buddsoddi drwy unedau
• tystysgrifau digwyddiad trethadwy yswiriant bywyd
• manylion unrhyw incwm yr ydych yn ei dderbyn o ymddiriedolaeth

Dylech gadw'r canlynol hefyd:

• manylion symiau eithriadol yr ydych wedi'u cael, er enghraifft, etifeddiaeth neu ffortiwn annisgwyl arall
• gohebiaeth a dogfennau eraill sy'n gysylltiedig â'ch buddsoddiadau a'ch cynilion

Incwm o eiddo

Os ydych yn cael incwm o osod eiddo, bydd angen i chi gadw cofnod o'r rhenti a dderbyniwyd a'r costau a dalwyd gennych.

• Pa gofnodion y dylai landlordiaid eu cadw

Incwm neu enillion tramor

Bydd angen i chi gadw unrhyw dalebau difidend, tystysgrifau treth a chofnodion ariannol personol.

• Manylion am gofnodion sy'n ymwneud ag enillion neu incwm tramor Opens new window

Incwm o gynlluniau cyfranddaliadau gweithwyr neu fuddion sy'n gysylltiedig â chyfranddaliadau

Dylech gadw gwybodaeth am unrhyw opsiynau cyfranddaliadau a ddyfarnwyd neu drefniadau cyfrannu at gynlluniau cyfranddaliadau.

• Manylion am gofnodion sy'n ymwneud â chyfranddaliadau Opens new window

Enillion cyfalaf neu golledion cyfalaf

Bydd y cofnodion y bydd angen i chi eu cadw yn dibynnu ar eich amgylchiadau ond, yn gyffredinol, dylent gynnwys contractau a dogfennau eraill sy'n ymwneud ag asedau yr ydych wedi'u prynu, eu gwerthu, eu cyfnewid, eu rhoi i ffwrdd neu wedi'u cael. Hefyd, dylech gadw unrhyw filiau, anfonebau neu gofnodion o dystiolaeth prynu arall megis datganiadau banc a bonion sieciau ar gyfer costau prynu, gwella neu werthu asedau a chopïau o unrhyw brisiadau a ddefnyddiwyd yn eich cyfrifiadau.

• Mwy o fanylion am gadw cofnodion ar gyfer colledion neu enillion cyfalaf Opens new window

Incwm busnes neu incwm o hunangyflogaeth

Os ydych yn hunangyflogedig neu mewn busnes, yn ôl y gyfraith, rhaid i chi gadw rhai mathau o gofnodion. Ceir hefyd resymau busnes da dros gadw cofnodion da.

• Cadw cofnodion (hunangyflogaeth) - cael gwybod mwy Opens new window
• Cadw cofnodion (partneriaid a phartneriaethau) - cael gwybod mwy Opens new window

Am faint y mae'n rhaid i chi gadw’ch cofnodion?

Os nad ydych yn rhedeg busnes, fel arfer, bydd yn rhaid i chi gadw'ch cofnodion am o leiaf 22 mis o ddiwedd y flwyddyn dreth y maent yn berthnasol iddi. Er enghraifft, ni ddylid dinistrio ffurflen P60 ar gyfer blwyddyn dreth 2006-07 tan ar ôl 31 Ionawr 2009.

Fe'ch cynghorir i gadw dogfennau sy'n gysylltiedig â phrynu neu wella asedau tan o leiaf 22 mis ar ôl diwedd y flwyddyn dreth pan wnaethoch chi gael gwared ar yr ased. Bydd y dogfennau hyn yn eich helpu i gyfrifo unrhyw golledion neu enillion cyfalaf ac i ateb unrhyw ymholiadau sydd gan Gyllid a Thollau EM.

Er enghraifft, os byddwch yn cael gwared ar ased ym mis Chwefror 2007 rhaid i chi gadw unrhyw gofnodion sy'n gysylltiedig â'i brynu, ei wella neu gael gwared arno tan ar ôl 31 Ionawr 2009.

Os yw'ch cofnodion ar goll neu os cânt eu dinistrio

Os yw'ch cofnodion ar goll neu os cânt eu dinistrio ac na allwch gael rhai newydd yn eu lle rhaid i chi roi gwybod i Gyllid a Thollau EM beth sydd wedi digwydd a gwneud eich gorau i'w hail-greu.

Wedi i chi gasglu gwybodaeth i gymryd lle'r wybodaeth honno dylech ei defnyddio i lenwi eich ffurflen dreth. Rhaid i chi roi gwybod i Gyllid a Thollau EM a yw unrhyw ffigurau dros dro:

• yn ffigurau a amcangyfrifwyd - rydych am i ni dderbyn y rhain fel ffigurau terfynol
• yn ffigurau dros dro - rydych yn defnyddio'r rhain nes gallwch gadarnhau'r ffigurau (rhaid i chi ddweud wrth Gyllid a Thollau EM pryd y byddwch yn darparu'r union ffigurau)

Os byddwch yn gwneud addasiadau yn nes ymlaen ac nad ydych wedi talu digon o dreth efallai y bydd yn rhaid i chi dalu llog a chosbau.