Gwefan llywodraeth y DU

Manteision ffeilio ar-lein

Ceir nifer o fanteision o ffeilio eich ffurflen dreth ar-lein. Er enghraifft:

• Cael gwybod a oes angen i chi lenwi ffurflen dreth

Sut mae'n gweithio?

Os ydych eisoes wedi cofrestru ar gyfer gwasanaeth ar-lein arall i unigolion, darllenwch yr adran 'Os ydych chi eisoes wedi defnyddio gwasanaeth ar-lein arall' isod.

Os mai dyma'r tro cyntaf i chi ddefnyddio gwasanaeth ar-lein y llywodraeth i unigolion, bydd angen i chi gofrestru ar gyfer Hunanasesu Ar-lein, derbyn 'Rhif Defnyddiwr' ac wedyn disgwyl i dderbyn 'PIN Cychwyn'. Caiff hwn ei anfon drwy'r post gan Borth y Llywodraeth (y gwasanaeth cofrestru canolog ar gyfer gwasanaethau ar-lein y llywodraeth).

Pam mae angen i chi aros am PIN Cychwyn?

Nod y PIN Cychwyn yw eich amddiffyn drwy sicrhau diogelwch llwyr gyda'n gwasanaethau ar-lein. Oherwydd bod y PIN yn cael ei anfon i'ch cyfeiriad cartref (a gedwir gan Gyllid a Thollau EM eisoes) gall y llywodraeth sicrhau mai dim ond chi fydd yn galluogi'r cyfrif.

Mae cofrestru yn syml ac yn ddidrafferth

Cam un

Sicrhewch fod y wybodaeth ganlynol gennych:

• eich Rhif Cyfeirnod Trethdalwr Unigryw (UTR) (wedi'i argraffu ar ben eich ffurflen dreth)
• naill ai eich cod post neu eich rhif Yswiriant Gwladol (YG)

Cam dau

Ewch i wefan Cyllid a Thollau EM, dewiswch Hunanasesiad o'r ddewislen 'ei wneud ar y we' ar yr ochr chwith, yna dewiswch 'Cofrestru' yn yr adran Defnyddiwr Newydd. (Fe welwch y ddolen i wefan Cyllid a Thollau EM ar ddiwedd y camau hyn.)

Cam tri

Dewiswch 'Hunanasesu Ar-lein' fel y gwasanaeth yr ydych am gofrestru ar ei gyfer.

Cam pedwar

Wedyn dilynwch y cyfarwyddiadau sy'n ymddangos ar y sgrin (byddant yn cynnwys darllen a derbyn y Telerau a'r Amodau, a chreu cyfrinair o'ch dewis chi).

Unwaith y byddwch wedi cwblhau'r broses gofrestru, caiff eich Rhif Adnabod Defnyddiwr unigryw a'ch PIN Cychwyn eu hanfon atoch drwy'r post gan Borth y Llywodraeth. Gallant gymryd hyd at saith niwrnod i gyrraedd. (Bydd eich Rhif Adnabod hefyd yn ymddangos ar y sgrin yn ystod y broses gofrestru.)

Cam pump

Unwaith y bydd gennych eich Rhif Defnyddiwr a'ch PIN Cychwyn, bydd angen i chi ddychwelyd at wefan Cyllid a Thollau EM a dewis Hunanasesu Ar-lein o'r adran 'ei wneud ar y we' a chyflwyno'ch hun gan ddefnyddio'ch Rhif Defnyddiwr a'r cyfrinair a grëwyd gennych.

Wedyn, dilynwch y cyfarwyddiadau i roi cychwyn ar y broses Hunanasesu Ar-lein. Bydd yn rhaid i chi wneud hyn o fewn 28 diwrnod ar ôl dyddiad anfon y llythyr PIN Cychwyn. Ar ôl y cyfnod hwn bydd oes eich PIN Cychwyn yn dod i ben a bydd yn rhaid i chi ofyn am un newydd. Ar ôl i chi alluogi'r gwasanaeth gallwch gael gwared â'r PIN.

(Gallwch ddefnyddio'r un Rhif Defnyddiwr a chyfrinair i gofrestru ar gyfer gwasanaethau ar-lein eraill i unigolion, er enghraifft TAW Ar-lein.)

• Cofrestru ar gyfer Hunanasesu Ar-lein Opens new window

Os ydych chi eisoes wedi defnyddio gwasanaeth ar-lein arall i unigolion

Yn yr achos hwn, ewch i wefan Cyllid a Thollau EM a chyflwyno'ch hun gan ddefnyddio'ch Rhif Adnabod Defnyddiwr a'ch cyfrinair, ac wedyn dilynwch y cyfarwyddiadau ar y sgrin i gofrestru ar gyfer Hunanasesu Ar-lein. Byddwch yn derbyn PIN Cychwyn drwy'r post o fewn saith niwrnod. Yna dilynwch gam pump uchod er mwyn galluogi'r gwasanaeth.

• Cofrestru ar gyfer Hunanasesu Ar-lein Opens new window

Rhagor o wybodaeth

Desg Gymorth y Gwasanaeth Ar-lein 0845 605 5999. Ar agor o 8.00 am tan 8.00 pm saith niwrnod yr wythnos (ar gau ar ddydd Nadolig, dydd San Steffan, a dydd Calan).

Minicom: 0845 366 7805

Ffacs: 0845 366 7828

Ebost: helpdesk@ir-efile.gov.uk

Mae'r gwasanaeth e-bost hefyd yn darparu ymatebion awtomatig i rai ymholiadau 24 awr y dydd.

Mwy o ddolenni defnyddiol

• Dod o hyd i'ch Swyddfa Dreth leol Opens new window