Gwefan llywodraeth y DU

Treth Stamp ar Dir

Disodlodd y Dreth Stamp ar Dir y Dreth Stamp ym mis Rhagfyr 2003 ac mae'n dreth ar y dogfennau sy'n trosglwyddo perchnogaeth eiddo. Pan fyddwch yn prynu eiddo, efallai y bydd yn rhaid ichi dalu Treth Stamp ar Dir.

Talu Treth Stamp ar Dir

Does dim rhaid ichi dalu Treth Stamp ar Dir ar eiddo preswyl sy'n costio £125,000 neu lai (hyn mewn grym o 23 Mawrth 2006 ymlaen).

Uwchben y swm hwn byddwch yn talu rhwng un a phedwar y cant o'r pris prynu.

Pris prynu eiddo preswyl	Cyfradd Treth Stamp ar Dir (canran o gyfanswm y pris prynu)
£0 - £125,000	0%
£125,001 - £250,000	1%
£250,001 - £500,000	3%
£500,001 neu fwy	4%

Gallwch weld cyfraddau cyfredol y Dreth Stamp ar Dir ar wefan Cyllid a Thollau EM.

• Cyfraddau Treth Stamp ar Dir gan Gyllid a Thollau EM (yn agor ffenestr newydd)

Eithriad Treth Stamp ar Dir mewn 'ardaloedd dan anfantais'

Mewn rhai ardaloedd, a elwir yn 'ardaloedd dan anfantais', mae rheolau arbennig ar gyfer y Dreth Stamp ar Dir. Mae oddeutu 2,000 o'r ardaloedd hyn yn y DU.

Does dim rhaid ichi dalu Treth Stamp ar Dir os yw'r canlynol i gyd yn berthnasol i'r eiddo yr ydych yn ei brynu:

Gallwch fynd ar wefan Cyllid a Thollau EM i weld a yw'r eiddo yr ydych yn ei brynu mewn 'ardal dan anfantais'. (Bydd angen ichi sgrolio i lawr i ddefnyddio'r arf chwilio am god post.)

• Rhestr o ardaloedd dan anfantais gan Gyllid a Thollau EM (yn agor ffenestr newydd)

Gwaith papur

Fel prynwr yr eiddo, chi sy'n gyfrifol am gwblhau ffurflen prynu a gwerthu'r tir a thalu'r Dreth Stamp ar Dir.

Ond, yn ymarferol, eich cyfreithiwr neu drawsgludwr trwyddedig fydd yn gwneud hyn ichi fel arfer a'i anfon at Gyllid a Thollau EM ar eich rhan.

Dylech sicrhau bod y wybodaeth ar y ffurflen yn gywir ac yn gyflawn cyn llofnodi'r datganiad.

Mwy o ddolenni defnyddiol

• Mwy o wybodaeth i'r rhai sy'n prynu am y tro cyntaf (adran cartref a chymuned)
• Morgeisi - sut maen nhw'n gweithio a ble i ddod o hyd i un
• Cynllunio i brynu cartref