Gwefan llywodraeth y DU

Cyflog gros a net

Eich 'cyflog gros' yw'r swm y byddwch yn ei ennill cyn y didynnir treth ohono. Eich 'cyflog net' yw'r swm a gewch ar ôl didynnu treth ac Yswiriant Gwladol ohono. Pan dderbyniwch slip cyflog, fe welwch:

• y 'cyflog gros' yr ydych wedi'i ennill (gan gynnwys unrhyw fonws)
• faint o Dreth Incwm sydd wedi'i didynnu
• unrhyw gyfraniadau Yswiriant Gwladol sydd wedi'u didynnu
• unrhyw ad-daliadau benthyciad myfyrwyr, os yw’n berthnasol
• eich cyflog mynd-adre, neu'r 'cyflog net' yr ydych wedi'i dderbyn

Yn ogystal â chael eich trethu ar eich cyflog, rydych yn cael eich trethu hefyd ar unrhyw fuddion a ddarperir gan eich cyflogwr megis car cwmni, benthyciad llog isel neu yswiriant meddygol. Efallai hefyd y bydd yn rhaid ichi dalu treth ar dips yr ydych yn eu derbyn fel rhan o'ch swydd.

• Mwy ynghylch treth ar fuddion gan gwmni Opens new window
• Treth ar roddion a thips Opens new window
• Cymorth gyda ffeiliau PDF

Treth Incwm

Treth Incwm yw eich cyfraniad at yr hyn a werir gan y llywodraeth ar bethau megis trafnidiaeth, iechyd ac addysg. Mae'r swm y byddwch yn ei dalu yn dibynnu ar faint yr ydych yn ei ennill.

Mae Cyllid a Thollau EM (HMRC) yn rhoi 'cod treth' ichi, sydd i'w weld ar eich slip cyflog. Mae'ch cyflogwr yn defnyddio'ch cod treth i gyfrifo faint o Dreth Incwm i'w thynnu o'ch cyflog drwy'r system TWE.

Ar ddiwedd pob blwyddyn dreth bydd eich cyflogwr yn rhoi ffurflen ichi - eich P60 - yn dangos cyfanswm eich cyflog gros am y flwyddyn a faint o dreth a dalwyd gennych.

• Mwy am Dreth Incwm
• Esbonio eich cod treth

Cyfraniadau Yswiriant Gwladol

Rydych yn talu cyfraniadau Yswiriant Gwladol i gronni eich hawl i dderbyn Pensiwn y Wladwriaeth a budd-daliadau nawdd cymdeithasol eraill. Mae'r swm y byddwch yn ei dalu yn dibynnu ar faint yr ydych yn ei ennill. Mae'ch cyflogwr yn didynnu cyfraniadau Yswiriant Gwladol Dosbarth 1 o'ch cyflog drwy'r system TWE.

Mae Cyllid a Thollau EM yn cadw golwg ar eich cyfraniadau trwy eich rhif Yswiriant Gwladol. Mae hwn yn debyg i rif cyfrif ac mae'ch rhif yn unigryw i chi.

• Cyfraniadau Yswiriant Gwladol

Faint allwch chi ei ennill heb dalu treth ac Yswiriant Gwladol?

Treth Incwm

Gall pawb ennill swm penodol bob blwyddyn heb dalu unrhyw Dreth Incwm. Dyma'ch 'lwfans personol'. £5,435 yw'r lwfans personol yn 2008-2009. Gall rhai pobl ennill ychydig yn fwy cyn dechrau talu treth, er enghraifft, os ydynt dros 65.

• Lwfansau personol

Yswiriant Gwladol

Gallwch ennill hyd at £105 yr wythnos (2008-2009) cyn i chi dalu unrhyw gyfraniadau Yswiriant Gwladol. Gelwir hyn yn 'drothwy sylfaenol'.

Dim ond eich bod yn ennill mwy na £90 yr wythnos (2008-2009) gallwch barhau i gronni eich hawl i Bensiwn y Wladwriaeth a rhai budd-daliadau eraill. Y 'terfyn enillion isaf' yw’r enw a roddir ar hwn.

Mwy o ddolenni defnyddiol

• Deall gwaith papur sy'n ymwneud â threth wrth ddechrau yn eich swydd gyntaf
• Mwy ynghylch talu treth pan ydych yn weithiwr Opens new window
• Atebion i gwestiynau cyffredin ynghylch TWE Opens new window