Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Ei wneud ar y we

Moduro

Gwasanaethau archwilio cerbyd

Cyn i chi brynu cerbyd ail-law, gallwch gael gwybod manylion y cerbyd i wneud yn siŵr nad yw wedi'i ddwyn neu wedi'i ddifrodi tu hwnt i'w adfer ac i sicrhau nad oes taliadau'n ddyledus arno. Fe allwch chi wneud hynny ar-lein neu dros y ffôn gan ddefnyddio gwasanaethau'r Asiantaeth Trwyddedu Gyrwyr a Cherbydau (DVLA) a chwmnïau preifat sy'n archwilio cerbydau.

Gwasanaethau y DVLA

Ymholiadau am gerbydau ar-lein

Gallwch ddefnyddio'r gwasanaeth hwn i gael gwybodaeth benodol am gerbyd sydd gan y DVLA yn ei gronfa ddata, gan gynnwys:

  • blwyddyn gwneuthuriad
  • dyddiad cofrestru am y tro cyntaf
  • cynhwysedd yr injan
  • lliw
  • pryd y daw'r ddisg treth neu’r datganiad HOS cyfredol i ben
  • cyfradd treth cerbyd

            

Ymholiadau dros y ffôn

Mae yna ddau wasanaeth ffôn cyfradd uwch sy'n rhoi gwybodaeth am gerbydau. Cost y galwadau yw 49 ceiniog y funud ac mae'r llinellau ar agor rhwng 8.00 am ac 8.30 pm o ddydd Llun i ddydd Gwener, a rhwng 8.00 am a 5.30 pm ar ddydd Sadwrn.

Mae'r gwasanaeth archwilio cerbydau yn rhoi manylion y dyddiad cofrestru; blwyddyn gwneuthuriad; maint yr injan (cc); gollyngiadau CO2 a chadarnhau'r lliw.

Rhif Ffôn 0906 185 8585

Mae'r llinell dyddiad dyledus (dyddiad treth cerbyd yn dod i ben) yn rhoi gwybod pryd bydd y ddisg treth gyfredol yn dod i ben.

Rhif Ffôn 0906 765 7585

Er bod cofnodion y cerbydau'n cael eu diweddaru drwy'r amser, mae'n bosib bod cais am dreth cerbyd yn aros i gael ei phrosesu ac nad yw cofnod y cerbyd wedi'i ddiweddaru eto. Bydd y wybodaeth a roddir trwy'r gwasanaeth hwn yn gywir gan amlaf, ond ni ddylid ystyried hyn yn gadarnhad llwyr fod treth ar y cerbyd ar y pryd.

Cwmnïau archwilio cerbydau preifat

Mae DVLA yn darparu gwybodaeth am gofrestru cerbydau i rai cwmnïau er mwyn amddiffyn y defnyddiwr a gwarchod rhag twyll.

Gallwch fod yn dawel eich meddwl na fydd enw na manylion cyfeiriad unigolion yn cael eu darparu.

Mae'n bosibl y bydd cwmnïau'n ychwanegu manylion gan yr heddlu, cwmnïau cyllid ac yswiriant. Gall y cwmnïau isod ddarparu gwasanaeth archwilio cerbydau i'r cyhoedd ac i'r diwydiant ceir.

I gael gwybodaeth am brisiau a chynnyrch dylech gysylltu â hwy yn uniongyrchol.

  • Experian, Talbot House, Talbot Street, Nottingham, NG1 5HF. Ffôn 0800 234 999. Ffacs: 0115 934 4105.
  • HPI Limited, Dolphin House, P O Box 61, New Street, Salisbury, SP1 2TB. Ffôn 01722 422 422. Ffacs: 01722 412 164.
  • CarweB Ltd, Pipers Business Centre, 220 Vale Road, Tonbridge, TN9 1SP. Ffôn 01732 373 002. Ffacs: 01732 373 001.
  • CDL Vehicle Information Services Limited, Strata House, Kings Reach Road, Stockport, SK4 2HD. Rhif Ffôn: 01436 821206 Ffacs: 01436 821 875.

Cysylltiad DVLA

I wneud ymholiadau ynghylch prynu data cerbyd dienw gallwch ysgrifennu at neu ebostio'r canlynol:

Vehicle Business Support
Data Management Team
Central Marketing and Market Research
C1/W
DVLA
Abertawe
SA6 7JL

Ebost:

vehicle.business.support@dvla.gsi.gov.uk 

Defnyddir y gwasanaethau hyn gan werthwyr ceir a fydd fel arfer wedi archwilio cerbydau cyn eu prynu.

Yn yr adran hon...

Allweddumynediad llywodraeth y DU