Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Y cynllun disgownt ar gerbydau – gostyngiad ar eich cerbyd newydd

Cynllun gwirfoddol i fasnachwyr moduron yw'r cynllun disgownt ar gerbydau, neu'r cynllun 'sgrapio'. Os bydd masnachwr yn rhan o'r cynllun, bydd yn rhoi gostyngiad o £2,000 i chi ar gerbyd newydd os byddwch yn gadael iddo sgrapio'ch hen gerbyd. Bydd y cynllun yn rhedeg rhwng canol mis Mai 2009 a mis Mawrth 2010, gan ddibynnu a fydd ei gyllideb benodedig yn dod i ben cyn hynny.

Sut mae manteisio ar y cynllun disgownt ar gerbydau

Cysylltwch â'ch masnachwr cerbydau lleol i weld a yw wedi ymuno â'r cynllun disgownt ar gerbydau. Bydd y masnachwr yn gwneud yn siŵr bod eich cerbyd chi a'r cerbyd newydd y mae arnoch eisiau ei brynu yn bodloni rheolau'r cynllun. Ar ôl cytuno ar y gwerthiant, bydd y masnachwr yn rhoi trefn ar y gwaith papur ac yn trefnu i'ch cerbyd gael ei sgrapio.

Didynnir y disgownt o'r pris a dalwch am y cerbyd newydd, a bydd yn ymddangos ar eich anfoneb pan gewch eich cerbyd newydd.

Rheolau'r cynllun disgownt ar gerbydau

Er mwyn cael y disgownt, mae'n rhaid i'ch hen gerbyd a'r cerbyd newydd y mae arnoch eisiau ei brynu fodloni amodau penodol.

Eich cerbyd chi

Mae'n rhaid i'ch cerbyd chi fod:

  • yn gar neu'n fan fach sy'n pwyso hyd at 3,500 cilogram (kg)
  • wedi'i gofrestru yn y Deyrnas Unedig ar 31 Awst 1999 neu cyn hynny
  • wedi'i gofrestru yn eich enw chi gyda'r Asiantaeth Trwyddedu Gyrwyr a Cherbydau (DVLA) neu'r Asiantaeth Gyrwyr a Cherbydau (DVA)
  • wedi'i gofrestru yn eich enw chi am 12 mis calendr yn ddi-dor cyn dyddiad archebu'r cerbyd newydd
  • â chyfeiriad yn y DU ar y dystysgrif cofrestru (V5C)
  • â thystysgrif prawf MOT gyfredol cyn dyddiad archebu'r cerbyd newydd (neu dystysgrif sy'n dod i ben o fewn 14 diwrnod i'r dyddiad archebu)
  • â disg treth gyfredol pan wneir yr archeb ar gyfer y cerbyd newydd (neu ddisg treth sy'n dod i ben o fewn 14 diwrnod i'r dyddiad archebu)
  • wedi'i yswirio pan wneir yr archeb ar gyfer y cerbyd newydd

Y cerbyd newydd

Mae'n rhaid i'r cerbyd newydd yr ydych am ei brynu fod:

  • yn gar neu'n fan fach sy'n pwyso hyd at 3,500 kg
  • wedi'i gofrestru yn y DU am y tro cyntaf yng nghanol mis Mai 2009 neu ar ôl hynny
  • wedi'i ddatgan yn gerbyd newydd y tro cyntaf y caiff ei gofrestru yn y DU heb ddim ceidwaid blaenorol

Pan fyddwch yn cyfnewid eich hen gerbyd am gerbyd newydd, mae'n rhaid i'r ddau gerbyd fod â'r un ceidwad cofrestredig.

I gael rhagor o wybodaeth, anfonwch e-bost at:

Mwy o ddolenni defnyddiol

Yn yr adran hon...

Allweddumynediad llywodraeth y DU