Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Moduro
Cyngor am werthu eich cerbyd
Os ydych chi'n gwerthu eich cerbyd yn breifat neu drwy werthwr ceir, dylech roi gwybod i'r Asiantaeth Trwyddedu Gyrwyr a Cherbydau (DVLA) am hynny drwy ddefnyddio'r rhan briodol o'r ddogfen neu'r dystysgrif gofrestru.
Mae'n bwysig eich bod chi'n rhoi gwybod i'r DVLA cyn gynted ag y byddwch yn gwerthu eich cerbyd neu chi fydd yn gyfrifol o hyd am dalu treth ar y cerbyd ac am unrhyw gosbau a all godi am beidio'i thalu. Efallai mai chi hefyd fydd yn derbyn gohebiaeth a fydd yn gysylltiedig ag unrhyw droseddau moduro a gyflawnir yn y cerbyd. Ar ôl i'r DVLA gael gwybod, byddant yn anfon llythyr atoch yn cadarnhau nad chi sydd bellach yn gyfrifol am y cerbyd.
Pwyntiau pwysig i'w hystyried wrth werthu cerbyd
Mae rhai camau syml y gallwch chi eu cymryd i warchod eich hun rhag dod yn ddioddefwr troseddau wrth werthu'ch cerbyd:
- wrth werthu'ch cerbyd, cofiwch y gall y person a ddaw i weld eich car fod yn lleidr.
- peidiwch â gadael i'r prynwr fynd am dro yn eich car ar ei ben ei hun. Efallai na welwch chi'r prynwr na'r car byth eto!
- peidiwch â gadael yr allweddi yn y car gyda'r prynwr ar ei ben ei hun.
- byddwch yn ofalus wrth dderbyn siec neu ddraft banc. Os ydynt yn rhai ffug, yna byddwch yn colli'ch arian. Mae drafftiau banc, fel sieciau, yn cymryd amser i'w prosesu felly peidiwch â rhoi allweddi'r car hyd nes eich bod yn siur bod y taliad yn ddilys. Os ydych yn ansicr, ceisiwch gyngor yr heddlu.
Dogfen neu dystysgrif gofrestru
Bydd y prynwr am gael gweld y ddogfen neu'r dystysgrif gofrestru er mwyn gwirio manylion y cerbyd. Efallai na fydd modd i chi werthu eich cerbyd heb un. Os byddwch chi wedi'i cholli, fe allwch chi gael un newydd yn ei lle gan y DVLA.
Gwerthu'r cerbyd yn breifat
Dylech bob amser gadw nodyn ar wahân o enw a chyfeiriad y prynwr. Dylech roi gwybod i'r DVLA gan ddefnyddio'r rhan briodol o'r ddogfen neu'r dystysgrif gofrestru.
Os nad oes gennych chi V5/V5C, fe allwch chi o hyd roi gwybod i'r DVLA nad yw'r cerbyd gennych bellach. Er mwyn gwneud hyn dylech ysgrifennu i'r DVLA, Abertawe, SA99 1AR gan nodi rhif cofrestru'r cerbyd, math a model y cerbyd, union ddyddiad ei werthu ac enw a chyfeiriad y ceidwad newydd. Fodd bynnag, dylech sylweddoli na fydd cofnodion y DVLA yn gyflawn nes i'r perchennog newydd roi gwybod i'r DVLA drwy lythyr. Tan hynny, efallai y bydd yr heddlu'n cysylltu â chi os bydd rhaid iddynt wneud ymholiadau am y cerbyd.
Gwerthu i werthwr ceir
Os ydych chi'n trosglwyddo eich cerbyd i werthwr ceir (gweler y nodyn*), a'ch bod yn meddu ar dystysgrif gofrestru (V5C), dylech roi gwybod i'r DVLA am y gwerthiant drwy ddefnyddio'r rhan V5C/3 (melyn) a rhoi'r gweddill o'r ffurflen i'r gwerthwr.
Os oes gennych chi'r ddogfen gofrestru dair-rhan (V5), dylech anfon y rhan V5W/3 (coch) i'r DVLA a rhoi gweddill y ffurflen i'r gwerthwr.
Os oes gennych chi'r ddogfen gofrestru ddwy-ran, dylech anfon y bonyn V5/1 i'r DVLA a rhoi gweddill y ffurflen i'r gwerthwr.
(*At y diben hwn, mae gwerthwr ceir yn golygu deliwr cerbydau, arwerthwr cerbydau, yswiriwr cerbydau sydd wedi cytuno â chi ynghylch hawliad am gyfanswm y golled, datgymalwr cerbydau (iard sgrap), neu gwmni ariannol gyda budd ariannol yn y cerbyd).
Milltiroedd y cerbyd
Bydd nodi milltiroedd y cerbyd yn y blwch yn help yn y frwydr yn erbyn 'clocio' cerbydau. Ystyr hyn yw pan fydd odomedr y cerbyd (y sbidomedr) yn cael ei droi'n ôl i dwyllo a lleihau nifer y milltiroedd sydd ar y cloc.
Additional links
Gweler hefyd...
Ei wneud ar y we
Allweddumynediad llywodraeth y DU
