Gwefan llywodraeth y DU

Gwnewch gais dros y ffôn ar 0870 240 0010

Gallwch wneud cais dros y ffôn:

• os mai chi yw'r ceidwad cofrestredig ar y Tystysgrif Cofrestru
• os nad yw eich enw, eich cyfeiriad na manylion eich cerbyd wedi newid
• os oes gennych gerdyn debyd neu gredyd i dalu'r ffi o £25 - cost Tystysgrif Cofrestru arall

Gwneud cais drwy'r post

Bydd angen i chi wneud y canlynol:

• llenwi ‘Cais am Dystysgrif Cofrestru Cerbyd (V5C)’ V62 sydd ar gael i'w llwytho oddi ar y we, o unrhyw un o ganghennau Swyddfa'r Post® neu un o swyddfeydd lleol yr Asiantaeth Trwyddedu Gyrwyr a Cherbydau (DVLA).
• amgáu'r ffi, sef £25
• anfon eich ffurflen gais wedi'i llenwi i DVLA, Abertawe, SA99 1DD

Os yw manylion eich enw a'ch cyfeiriad wedi newid, fe allwch chi nodi hynny ar y ffurflen V62 yr un pryd.

• Download 'Ffurflen gais am Dystysgrif Cofrestru Cerbyd V5C - ffurflen V62' (PDF, 57K)
• Dod o hyd i'ch swyddfa DVLA leol agosaf
• Cymorth gyda ffeiliau PDF

Tystysgrif Cofrestru Wreiddiol wedi'i dinistrio gan gwmni yswiriant

Nid oes angen talu'r ffi o £25 os yw'r cerbyd wedi'i roi yng nghategori 'C' (gellir ei drwsio ond byddai'r costau atgyweirio'n uwch na gwerth y cerbyd) gan y diwydiant yswiriant. Fodd bynnag, rhaid talu'r £25 o ffi os yw'r cerbyd wedi'i roi yng nghategori A, B neu D. (A = sgrap yn unig; B = torri ar gyfer darnau sbâr yn unig; D = gellir ei drwsio). Bydd y DVLA yn cynnal archwiliadau i sicrhau bod y meini prawf ar gyfer y cerbyd yn cael eu bodloni.

I gael mwy o wybodaeth am y modd y bydd cerbydau'n cael eu categoreiddio, bydd angen i chi gysylltu â'ch cwmni yswiriant.

Pryd i ddisgwyl eich Tystysgrif Cofrestru newydd

Nod DVLA yw eich bod yn cael Tystysgrif Cofrestru o fewn pedair wythnos os gwnaethoch gais drwy'r post neu o fewn pythefnos os gwnaethoch gais dros y ffôn. Gadewch o leiaf chwe wythnos i’ch Tystysgrif Cofrestru gyrraedd cyn cysylltu â DVLA.

Cael dogfennau newydd yn lle rhai eraill

Efallai y bydd angen i chi gael trwydded yrru neu dystysgrif MOT newydd yn lle rhai eraill.

• Cael trwydded yrru newydd yn lle un a gollwyd neu a gafodd ei dwyn
• Cael tystysgrif MOT yn lle un sydd wedi'i dinistrio neu ar goll

Os bydd angen i chi gael tystysgrif yswiriant modur yn lle un arall, bydd angen i chi gysylltu â'ch cwmni yswiriant.

Os bydd angen i chi gael copi arall o Ddogfen Cadw rhif cofrestru personol, bydd angen i chi ysgrifennu at Cherished Transfers / Rhifau Arbennig, DVLA, Abertawe, SA99 1BW. Bydd dogfen wedi'i diweddaru yn cael ei rhoi i chi o fewn chwe wythnos.