Gwefan llywodraeth y DU

Platiau tramor

Os yw cerbyd sydd â phlatiau tramor yn cael ei stopio gan yr heddlu, cyfrifoldeb y ceidwad yw profi fod ganddo ef neu hi'r hawl i ddefnyddio'r cerbyd yn y DU heb orfod ei gofrestru na'i drethu.

Cerbydau o'r tu allan i'r Undeb Ewropeaidd (UE)

Bydd angen i yrwyr cerbydau o'r tu allan i'r UE ddangos i Gyllid a Thollau EM (GLlEM) bod ganddynt hawl i ddefnyddio'r cerbyd yn y DU dros dro. Os gwneir hyn, rhoddir Hysbysiad 3 GLlEM iddynt, a fydd â'r dyddiad wedi'i stampio arno yn nodi pryd ddylai'r cerbyd adael y wlad.

GLlEM sy'n penderfynu a fydd cerbyd sy'n ymweld o'r tu allan i'r UE yn cael statws ymweld ai peidio. Bydd GLlEM yn penderfynu a ellir caniatáu estyniad i'r cyfnod o chwe mis, ac os nad yw'n bosibl, byddant yn rhoi tystysgrifau statws (ffurflenni C&E 368 neu C&E 388). Yna, bydd yn rhaid i'r cerbyd gael ei gofrestru yn un o swyddfeydd lleol yr Asiantaeth Trwyddedu Gyrwyr a Cherbydau (DVLA).

Cerbydau'r Undeb Ewropeaidd

Cyfrifoldeb y gyrrwr yw profi ers faint mae'r cerbyd wedi bod yn y wlad. Fe ellir gwneud hyn drwy ddangos tocynnau fferi.

Mae hawl i ddod â cherbydau'r UE i'r DU a'u defnyddio am chwe mis mewn unrhyw gyfnod o 12 mis heb fod angen cofrestru yma, ar yr amod bod y cerbyd yn cydymffurfio â gofynion ei famwlad. Pan fydd ceidwad y cerbyd yn dod i fyw yn y wlad hon, rhaid cofrestru a thrwyddedu'r cerbyd yn syth. Nid yw'n ofynnol i breswylwyr y DU ddefnyddio cerbyd wedi'i gofrestru dramor ar ffyrdd y DU.

Bydd angen i rai cerbydau ddangos plât 'Q' dros dro. Nid yw statws ymweld dros dro yn addas i'r cerbydau hyn.

Mwy o ddolenni defnyddiol

• Dod o hyd i'ch swyddfa DVLA leol agosaf