Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Moduro
Y Cynllun Cymeradwyaeth Cerbyd Unigol
Archwiliad cyn-cofrestru yw'r cynllun Cymeradwyaeth Cerbyd Unigol (IVA) ar gyfer pob math o gerbydau sydd heb gael eu cymeradwyo yn ôl math i safonau Prydeinig neu Ewropeaidd. Archwiliad ydyw i ddangos bod y cerbyd yn bodloni safonau amgylcheddol a diogelwch modern.
Cerbydau'r cynllun IVA
Bydd y cynllun IVA yn berthnasol i'r mathau canlynol o gerbydau, gan gynnwys cerbydau at ddefnydd personol:
- ceir teithwyr a cherbydau nwyddau ysgafn
- cerbydau mwy sy'n cludo teithwyr, fel bysiau a bysiau moethus
- cerbydau nwyddau o faint trwm a chanolig, fel tryciau a cherbydau nwyddau trwm
- ôl-gerbydau
Cynlluniau IVA – dyddiadau cychwyn
Caiff y cynllun IVA ei gyflwyno i wahanol fathau o gerbydau ar y dyddiadau a welir isod:
- 29 Ebrill 2009 ar gyfer ceir teithwyr
- 29 Hydref 2010 ar gyfer cerbydau mwy sy'n cludo teithwyr
- 29 Hydref 2011 ar gyfer cerbydau nwyddau ysgafn – bydd y rhain yn dal i gael eu harchwilio dan y Cynllun Cymeradwyaeth Cerbyd Sengl (SVA) nes caiff ei ddisodli gan y cynllun IVA
- 29 Ebrill 2012 ar gyfer cerbydau at ddibenion arbennig, megis cerbyd sydd â darpariaeth arbennig i gludo cadair olwyn
- 29 Hydref 2012 ar gyfer cerbydau nwyddau canolig a thrwm ac ôl-gerbydau
Bydd angen i'r rheini sy'n defnyddio'r cynllun SVA ar hyn o bryd ddechrau defnyddio'r cynllun IVA ar yr adeg briodol.
Pwy sydd angen defnyddio'r cynllun IVA?
Cynllun Cymeradwyaeth Genedlaethol y DU yw'r cynllun IVA, ac fe'i bwriedir ar gyfer unigolion neu gwmnïau sy'n mewnforio cerbydau, sy'n cyfosod neu'n gweithgynhyrchu nifer fach o gerbydau unigol.
Mae hyn yn cynnwys:
- unrhyw un sy'n adeiladu, yn cynllunio neu'n gwerthu ceir cit
- pobl sy'n mewnforio ceir o'r tu allan i'r Undeb Ewropeaidd, megis y Dwyrain Pell a Gogledd America
- pobl sy'n ailadeiladu ceir hŷn – sydd weithiau'n codi cwestiynau ynghylch manylion adnabod gwreiddiol y car
- arbenigwyr sy'n addasu cerbydau newydd i fod yn gerbydau sy'n hwylus i gadeiriau olwyn
- gweithgynhyrchwyr sy'n gwneud nifer fach o gerbydau
- gweithgynhyrchwyr ôl-gerbydau, at ddibenion busnes neu bersonol
- gweithgynhyrchwyr neu fewnforwyr cerbydau teithwyr, at ddibenion busnes neu bersonol
- gweithgynhyrchwyr neu fewnforwyr cerbydau nwyddau, at ddibenion busnes neu bersonol
Mwy o ddolenni defnyddiol
I gael mwy o wybodaeth am Y Cynllun Cymeradwyaeth Cerbyd Unigol, ymwelwch â'r wefan ganlynol.
