Gwefan llywodraeth y DU

Cerbydau newydd

Gellir gyrru cerbyd 'newydd sbon' i Brydain Fawr a'i gofrestru fel cerbyd 'newydd' cyn belled â bod:

• y cerbyd yn cael ei gofrestru o fewn 14 diwrnod ar ôl ei gasglu (ond gellir ymestyn hyn i gyfnod o fis ar adegau prysur e.e. cyn 1 Mawrth ac 1 Medi)
• nifer y milltiroedd ar y cloc yn rhesymol
• y cerbyd heb ei gofrestru'n barhaol o'r blaen

Cynghorir unrhyw un sy'n mewnforio cerbydau i'w cludo yn hytrach na'u gyrru o'r porthladd i'w cyrchfan gyntaf.

Mae'n rhaid i gerbydau newydd gael tystysgrif cydymffurfio fel tystiolaeth bod darparwr neu adeiladwr y cerbyd wedi'u cymeradwyo. Bydd angen i gerbydau gyriant llaw chwith o'r Gymuned Ewropeaidd fod wedi derbyn tystysgrif, a gyhoeddir gan yr Asiantaeth Tystysgrifo Cerbydau (VCA), dan y Cynllun Cyd-gydnabyddiaeth. Bydd y dystysgrif hon yn dangos bod y newidiadau a oedd eu hangen ar y cerbyd i'w wneud yn addas ar gyfer ffyrdd Prydain wedi'u gwneud.

Os nad yw'r cerbyd wedi cael cymeradwyaeth math Ewropeaidd (pan fwriedir ei werthu mewn gwlad y tu allan i'r Undeb Ewropeaidd), rhaid iddo basio prawf cymeradwyaeth cerbyd sengl (SVA). At ddibenion y prawf, gallwch yrru'r crebyd i'r apwyntiad sydd wedi'i drefnu ymlaen llaw ac oddi yno cyn cofrestru'r cerbyd.

• Arweiniad i'r cynllun Cyd-gydnabyddiaeth
• Y prawf cymeradwyaeth cerbyd sengl

Pecyn gwybodaeth am fewnforio

Gallwch archebu 'pecyn mewnforio' drwy wasanaeth archebu ffurflenni DVLA. Mae'r pecyn hwn yn darparu'r holl wybodaeth a'r ffurflenni angenrheidiol y mae eu hangen arnoch er mwyn cofrestru cerbyd sydd wedi'i fewnforio.

• Gwasanaeth archebu ffurflenni DVLA Opens new window

Cerbyd ail-law

Fel rhan o'r broses gofrestru, mae'n rhaid i DVLA sicrhau bod cerbyd ail-law sydd wedi'i fewnforio ac yn llai na 10 mlwydd oed yn bodloni safonau cymeradwyaeth math Ewropeaidd, a deddfwriaethau gwneuthuriad a defnydd a goleuo cerbydau'r ffordd y DU.

Bydd angen i geir, beiciau modur a cherbydau nwyddau ysgafn a gofrestrwyd gyntaf mewn Aelod Wlad Ewropeaidd arall gael tystysgrif a gyflwynwyd gan yr Asiantaeth Tystysgrifo Cerbydau (VCA) dan y cynllun Cyd-gydnabyddiaeth. Bydd cerbydau nwyddau mawr angen cymeradwyaeth math llawn y DU cyn cael eu cofrestru.

Mae'n rhaid i geir, beiciau modur a cherbydau nwyddau ysgafn a gofrestrwyd gyntaf mewn gwlad y tu allan i'r Undeb Ewropeaidd basio'r prawf cymeradwyaeth cerbyd sengl (SVA).

• Y cynllun Cyd-gydnabyddiaeth
• Y Cynllun Cymeradwyaeth Cerbyd Sengl
• Archebu 'pecyn mewnforio' Opens new window

Treth cerbyd

Bydd treth cerbyd yn daladwy yn unol â dyddiad cofrestru'r cerbyd am y tro cyntaf yn y DU. Hyd yn oed os nad yw'r cerbyd wedi'i gofrestru dramor yn y gorffennol, bydd y dyddiad y caiff ei gofrestru am y tro cyntaf yn y DU yn pennu swm y dreth cerbyd sy'n daladwy. Hefyd, bydd DVLA yn dyrannu rhif cofrestru cerbyd priodol ar gyfer cofrestru'r cerbyd dramor am y tro cyntaf.

Cofrestru a threthu'r cerbyd

Gallwch wneud cais i gofrestru eich cerbyd yn eich swyddfa DVLA leol agosaf. Mae'r cais yn cymryd dau i dri diwrnod gwaith. Nid oes gwasanaeth 'dros y cownter'.

• Dod o hyd i'ch swyddfa DVLA leol agosaf

Bydd angen i chi gyflwyno'r dogfennau canlynol i'ch swyddfa DVLA leol (ni dderbynnir llungopïau):

• ffurflen gais V55/4 (ar gyfer cerbydau newydd) neu V55/5 (ar gyfer cerbydau ail-law) wedi'i llenwi
• ffi cofrestru o £55 (os yw'n berthnasol) a'r ffi ofynnol ar gyfer y dreth cerbyd (dylech wneud sieciau neu archebion post yn daladwy i DVLA Abertawe)
• tystysgrif yswiriant Prydeinig gyfredol
• dogfen gofrestru dramor ac unrhyw bapurau eraill sy'n ymwneud â'r cerbyd
• tystiolaeth yn dangos dyddiad casglu'r cerbyd (fel arfer yr anfoneb gan y darparwr)
• tystiolaeth o gymeradwyaeth math
• tystysgrif MOT Brydeinig gyfredol (os yw'n berthnasol)
• ffurflen gywir Cyllid a Thollau EM
• ffurflen 'Datganiad bod cerbyd yn newydd' V267 (os yw'n berthnasol), y gellir ei lwytho i lawr oddi ar y we neu drwy gysylltu â'ch swyddfa DVLA leol.
• dogfennau yn cadarnhau eich enw a'ch cyfeiriad (ceir rhestr o'r dogfennau adnabod derbyniol drwy ddilyn y ddolen isod)

Ni fydd modd cofrestru na threthu'r cerbyd oni bai eich bod wedi darparu'r dogfennau angenrheidiol. Efallai mewn rhai achosion y bydd eich swyddfa DVLA leol yn dymuno gweld y cerbyd er mwyn gofalu bod y manylion yn gywir.

• Y ffurflenni Cyllid a Thollau EM sydd eu hangen i gofrestru cerbyd sydd wedi'i fewnforio
• Download 'Datganiad bod cerbyd yn newydd' (V267) (PDF, 164K)
• Sut i gofrestru eich cerbyd - rhestr o ddogfennau adnabod derbyniol

Gofynion Gwneuthuriad a Defnydd

Rhaid i gerbydau a gedwir neu a ddefnyddir ar y ffordd fawr yn y DU gydymffurfio â Rheoliadau Cerbydau (Gwneuthuriad a Defnydd) 1986 (fel y'i diwygiwyd) bob amser.

Nid oes copïau o'r rheoliadau ar gael gan yr Adran Drafnidiaeth na gan y DVLA. Gellir eu cael o unrhyw lyfrgell neu gallwch eu harchebu gan Y Llyfrfa Ltd (TSO). Gallwch gyflwyno archeb i TSO:

• ar-lein yn www.opsi.gov.uk drwy siop lyfrau ar-lein TSO
• drwy e-bost at customer.services@tso.co.uk
• drwy'r post at: TSO, Blwch Post / PO Box 29, Norwich, NR3 1GN
• Ffôn: 0870 600 5522. Ffacs: 0870 600 5533

• Siop Lyfrau Ar-lein y Llyfrfa Opens new window

Gellir cael gwybodaeth am reoliadau 1986 drwy gysylltu â:

The Department of Transport
Transport, Technology and Standards Zone 2/01
Great Minster House
76 Marsham Street
LONDON
SW1P 4DR

E-bost: tts.enquiries@dft.gsi.gov.uk