Gwefan llywodraeth y DU

Sut mae gwneud cais

Bydd angen i chi gwblhau ffurflen V317 'trosglwyddo rhif cofrestru cerbyd'. Mae tudalen i'w rhwygo oddi ar y ffurflen ac arni ganllawiau ar ffurf cwestiwn ac ateb. Dylech ddarllen y rhain yn hynod ofalus a’u cadw’n ddiogel er mwyn gallu cyfeirio atynt yn y dyfodol. Dylid anfon y cais gorffenedig a'r dogfennau perthnasol i'ch swyddfa DVLA leol.

Pa ddogfennau y dylech eu cyflwyno neu eu hanfon i’r swyddfa DVLA leol

Byddwch angen:

• ffurflen V317 'trosglwyddo rhif cofrestru cerbyd', wedi'i chwblhau
• y dystysgrif gofrestru ddiweddaraf (V5C) ar gyfer y ddau gerbyd, neu atodiad ceidwad newydd (V5C/2), a ffurflen V62 'cais am dystysgrif cofrestru cerbyd V5C' wedi'i chwblhau
• tystysgrif prawf ar gyfer pob cerbyd y mae angen un ar ei gyfer (er y gallai’r naill gerbyd neu’r llall fod yn rhy newydd i fod angen un, rhaid iddynt berthyn i ddosbarth cerbyd sy'n cael profion MOT neu gerbyd nwyddau trwm (HGV) fel rheol)
• y ffi ar hyn o bryd yw £80

Noder: Os nad oes gennych V5C, V5C/2 ar gyfer y naill gerbyd neu'r llall neu os yw'r V5C/2 wedi cael ei stampio gan y swyddfa DVLA leol, bydd angen i chi wneud cais am dystysgrif cofrestru drwy gwblhau ffurflen V62 'gwneud cais am dystysgrif cofrestru cerbyd' a thalu ffi o £25.00.

Os stampiwyd y V5C/2 ar ôl trosglwyddiad neu gais i gadw rhif blaenorol, mae'n bosib na fyddwch yn gallu gwneud cais hyd nes y bydd V5C newydd wedi ei chyflwyno i chi.

os oes angen treth cerbyd arnoch chi ar gyfer y naill gerbyd neu’r llall ar yr un pryd, bydd gofyn i chi lenwi ffurflen V10 'cais am drwydded cerbyd' neu'r ffurflen atgoffa V11, a chyflwyno’r dystysgrif yswiriant berthnasol neu nodyn gwarchodaeth dilys, a’r tâl priodol am dreth cerbyd. Gofalwch fod gennych chi fanylion disg dreth eich cerbyd (dyddiad dod i ben a'i rif cyfresol) a rhif adnabod eich cerbyd (VIN) neu rif y ffrâm yn barod os ydych chi'n bwriadu ymweld â'ch swyddfa DVLA leol.

Cerbydau newydd sbon

Nodwch os gwelwch yn dda y bydd ceisiadau i drosglwyddo rhifau arbennig gyda ffurflenni V55/4 a V55/5 yn amodol ar brawf adnabod.

• Trosglwyddo neu aseinio rhif personol wrth gofrestru cerbyd

Mae ffurflenni V317, V10 a V62 ar gael i'w llwytho oddi ar y we, neu gallwch ofyn amdanynt yn eich swyddfa DVLA leol agosaf.

Mae'r daflen INF46 'Rhifau Cofrestru a Chi' hefyd yn rhoi cyngor ychwanegol am y cynllun ac ar gael i'w llwytho oddi ar y we.

• Download 'Trosglwyddo Rhif Cofrestru Cerbyd - V317' oddi ar y we (PDF, 401K)
• Download 'Cais am drwydded cerbyd' - ffurflen V10 (PDF, 194K)
• Download 'Ffurflen gais am Dystysgrif Cofrestru Cerbyd V5C' - ffurflen V62 (PDF, 192K)
• Download 'Rhifau cofrestru a chi - INF46' (PDF, 201K)
• Dod o hyd i'ch swyddfa DVLA leol agosaf
• Cymorth gyda ffeiliau PDF

Beth sy’n digwydd nesaf

Efallai bydd y swyddfa DVLA leol eisiau archwilio'r cerbyd(au) sy'n rhoi a/neu'n derbyn y rhif. Os yw popeth mewn trefn, dyrennir rhif cofrestru newydd sy’n cyfeirio at oedran y cerbyd* i’r cerbyd sy'n rhoi (y cerbyd sy’n ildio’r rhif cofrestru arbennig), bydd y ddisg/disgiau treth yn cael eu newid ac addesir y dystysgrif/tystysgrifau MOT (lle bo hynny’n briodol) i ddangos y rhif cofrestru newydd. Byddwch wedyn yn cael cyfarwyddiadau i newid y platiau rhif ar y cerbydau a dychwelyd unrhyw hen ddisg(iau) treth i’w canslo.

*Os cofrestrwyd y cerbyd sy'n rhoi'r rhif cyn 1963, dyrennir rhif newydd nad yw'n cynnwys dangosydd oedran felly mae'n bosib na fydd yn adlewyrchu'r union ddyddiad y cafodd y cerbyd ei gofrestru gyntaf.

Bydd y papurau'n cael eu hanfon i'r DVLA, Abertawe er mwyn diwygio’r cofnodion. Fel arfer, bydd Tystysgrifau Cofrestru newydd yn dilyn o fewn pedair wythnos i dderbyn eich llythyr cadarnhau gan y swyddfa leol. Fodd bynnag, os defnyddiwyd V62 i gefnogi'ch cais, gall y broses gymryd hyd at wyth wythnos.