Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Cofrestru cerbyd sydd wedi'i newid yn sylweddol

Ystyr cerbydau sydd wedi'u newid yn sylweddol yw'r rhai y mae eu manylebau gwreiddiol wedi'u newid yn sylweddol, ond sydd heb gael eu trawsnewid â chit. Yn yr achosion hyn, rhoddir sgôr i'r cydrannau a gadwyd o'r cerbyd gwreiddiol, er mwyn penderfynu oes modd cadw'r rhif cofrestru gwreiddiol.

Neilltuo rhif cofrestru i gerbyd

Rhaid i'r cerbyd gael wyth neu fwy o bwyntiau i allu cadw'r rhif cofrestru gwreiddiol. Os bydd y sgôr yn llai nag wyth pwynt, neu os bydd ffrâm y car yn ail-law, wedi'i addasu neu'n ffrâm ungragen, bydd angen tystysgrif cymeradwyaeth cerbyd sengl estynedig (ESVA), cymeradwyaeth cerbyd sengl (SVA) neu gymeradwyaeth cerbyd sengl i feiciau modur (MSVA) er mwyn cofrestru'r cerbyd. Caiff rhif cofrestru gyda 'Q' yn llythyren flaen ei neilltuo.

Gwerth cydrannau

Rhoddir y sgoriau canlynol i'r prif gydrannau a ddefnyddir:

  • ffrâm neu gorff y cerbyd (y ffrâm a'r corff fel un uned - ffrâm ungragen, h.y. wedi'i gyfnewid yn uniongyrchol gan y gwneuthurwr) (gwreiddiol neu newydd) = 5 pwynt
  • hongiad = 2 bwynt
  • echelau = 2 bwynt
  • trawsyriant = 2 bwynt
  • offer llywio = 2 bwynt
  • injan = 1 pwynt

Lle mae tystiolaeth bod dau gerbyd wedi eu weldio yn ei gilydd i greu un cerbyd rhoddir rhif cofrestru 'Q' iddo. Bydd angen prawf ESVA, SVA neu MSVA arno.

Rhif adnabod cerbyd

Mae'n ofynnol, yn ôl y gyfraith, bod gan bob cerbyd a ddefnyddir ar ffyrdd cyhoeddus rif adnabod cerbyd. Gall y rhif hwn fynd ar goll pan gaiff cerbyd ei ailadeiladu'n sylweddol, yn enwedig gyda cherbydau cit pan nad yw'r gwneuthurwr wedi stampio ffrâm neu gorff y cerbyd. Dan amgylchiadau o'r fath, bydd y swyddfa DVLA leol yn neilltuo rhif adnabod cerbyd newydd yn lle'r hen un. Bydd y swyddfa DVLA leol yn anfon llythyr awdurdodi atoch ond ni fydd y broses gofrestru wedi'i chwblhau hyd nes bod yr Asiantaeth yn derbyn cadarnhad bod y cerbyd wedi'i stampio gyda'r rhif adnabod cywir.

Cofrestru cerbydau sydd heb rif adnabod

Rhaid dilyn y drefn ganlynol wrth wneud cais am gofrestru cerbyd sydd heb rif adnabod a'i drwyddedu am y tro cyntaf:

  • dylech ddefnyddio'ch swyddfa DVLA leol agosaf
  • caiff ceisiadau o'r tu allan i ardal swyddfa DVLA leol eu gwrthod
  • bydd gofyn i chi ddangos dogfennau sy'n cadarnhau eich enw a'ch cyfeiriad - mae'r ddolen isod yn rhoi mwy o wybodaeth
  • bydd gofyn i chi ddangos derbynebau swyddogol gan gyflenwyr dibynadwy ar gyfer y cydrannau a ddefnyddiwyd i ailadeiladu'r cerbyd. Efallai y byddwn yn gwirio dilysrwydd y derbynebau. Byddant yn cael eu stampio gan y swyddfa DVLA leol cyn cael eu dychwelyd

Caiff pob cerbyd sydd heb rif adnabod (Rhif Adnabod Cerbyd a rhif cofrestru) eu harchwilio gan y DVLA a'u cyfeirio at yr heddlu. Ni ddylai ymgeiswyr sy'n ailadeiladu cerbydau ac yn gallu profi o ble ddaeth y cydrannau boeni o gwbl am hyn. Fodd bynnag, os yw'r heddlu'n amau bod cerbyd wedi'i ddwyn bydd y DVLA yn gwrthod ei gofrestru ac efallai y caiff ei gloi mewn pownd.

Sylwch

Cynghorir unrhyw un sy'n bwriadu prynu cerbyd heb rif adnabod i fod yn hynod o wyliadwrus. Os oes amheuon bod y cerbyd wedi'i ddwyn, mae perygl y gallech golli'r cerbyd ynghyd â'r arian a dalwyd gennych amdano.

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU