Gwefan llywodraeth y DU

Y manteision o fynychu cwrs

Os cewch gynnig cwrs, rhydd gyfle i chi osgoi cosb benodol, gorfod mynd gerbron llys o bosibl a phwyntiau cosb ar eich trwydded. Nod y cwrs y byddwch yn ei fynychu yw eich helpu i ddod yn yrrwr mwy cyfrifol, gan eich helpu chi i gyfrannu tuag at well ddiogelwch ar y ffordd ac yn y gymuned.

Nid oes prawf nac arholiad - eich presenoldeb a'ch parodrwydd i gymryd rhan yn y profiad yw'r cyfan sydd ei angen arnoch i gwblhau'r cwrs yn llwyddiannus.

Cyrsiau hyfforddi i'ch helpu i wella'ch sgiliau fel gyrrwr

Mae'r rhan fwyaf o'r heddluoedd yn y DU yn cynnig yr holl gyrsiau dan y trefniadau cenedlaethol. Dim ond unwaith mewn tair blynedd gallwch fynychu cwrs. Os byddwch yn aildroseddu o fewn y tair blynedd rhoddir hysbysiad cosb benodedig i chi neu bydd angen i chi fynd i'r llys.

Mae'r cynllun wedi'i drefnu fel bod modd i chi ddewis mynychu'r cwrs mewn lleoliad sy'n gyfleus i chi, cyhyd â bod y cwrs yn cydymffurfio â'r model cenedlaethol cymeradwy.

Bydd disgwyl i chi dalu am y cwrs, yn ogystal â rhoi o'ch amser i fynychu. Bydd darparwr y cwrs yn rhoi mwy o fanylion i chi am leoliadau'r cwrs, beth sydd ar gael, prisiau ac amserau pan fyddwch yn gwneud cais.

Cwrs gwella gyrrwyr cenedlaethol

Mae'r cwrs hyfforddi hwn yn opsiwn amgen i erlyniad lle yr ydych wedi dangos eich bod wedi gyrru'n ddiofal neu'n anystyriol, neu drosedd debyg.

Mae'n golygu mynd i leoliad cymeradwy am ddiwrnod a hanner o hyfforddiant, a chewch hyfforddiant mewn ystafell ddosbarth ac ar y ffordd.

• Cynllun gwella gyrrwyr cenedlaethol Opens new window

Cynllun ymyrryd a datblygu profiad ar gyfer fyrrwyr beiciau modur (RiDE)

Gallai'r cwrs hwn gael ei gynnig i chi os ydych wedi bod yn gyrru mewn ffordd diofal neu anystyriol.

Mae hyn yn cynnwys:

• gyrru'n ddiofal neu'n anystyriol
• goryrru
• peidio â dilyn arwyddion a goleuadau traffig
• methu rheoli eich beic modur
• troseddau arall tebyg

Cynhelir y cwrs hyfforddi hwn mewn ystafell ddosbarth, a hynny mewn lleoliad cymeradwy am ddiwrnod.

Gallwch gael gwybod mwy am RiDE a sut mae rhoi adborth ar wefan RiDE.

• Prosiect gwerthuso cwrs RiDE Opens new window

Gweld cyrsiau sydd ar gael ar-lein

Os ydych wedi cael cynnig cwrs ac yn dymuno holi ynghylch y cyrsiau sydd ar gael, edrychwch ar eich llythyr cynnig neu dilynwch y ddolen isod.

Bydd angen rhif eich trwydded yrru arnoch i gyflwyno'ch hun, lle byddwch yn gallu gweld prisiau a pha gyrsiau sydd ar gael. Mae'n bosib y bydd tâl ychwanegol i'r prisiau a nodir a dylid eu defnyddio fel arweiniad yn unig. Bydd darparwr y cwrs yn rhoi mwy o fanylion i chi.

Bydd angen i chi gysylltu â darparwr cwrs i drefnu a thalu am gwrs.

• Y Cwrs Cenedlaethol i Ailhyfforddi Troseddwyr Gyrru Opens new window