Gwefan llywodraeth y DU

Os oes gennych drwydded yrru cerdyn-llun

Bydd angen i chi wneud y canlynol:

• llenwi ffurflen D1 - ‘cais am drwydded yrru’, ar gael gan wasanaeth archebu ffurflenni'r Asiantaeth Trwyddedu Gyrwyr a Cherbydau (DVLA) neu mewn rhai o ganghennau Swyddfa'r Post®
• amgáu eich trwydded yrru cerdyn-llun, y papur manylion a'r ffi briodol o £20.00
• os yw'ch enw wedi newid, bydd angen i chi hefyd ddarparu dogfennau gwreiddiol yn cadarnhau eich enw newydd
• anfon yr holl ddogfennau i DVLA, Abertawe SA99 1BU

Os oes angen i chi adnewyddu eich llun

Gallwch adnewyddu eich llun unrhyw adeg, fodd bynnag, os yw oes eich llun yn dod i ben yn fuan iawn, bydd angen ei adnewyddu cyn y dyddiad y daw i ben. Gellir gweld y dyddiad y bydd eich llun yn dod i ben yn adran 4b ar flaen eich trwydded yrru.

Ni fydd yn bosib i chi adnewyddu eich llun gan ddefnyddio'r gwasanaeth ar-lein.

• Adnewyddu'r llun ar eich trwydded yrru

Os oes gennych drwydded yrru bapur

Bydd angen i chi wneud y canlynol:

• llenwi ffurflen D1 - ‘cais am drwydded yrru’, ar gael gan wasanaeth archebu ffurflenni'r Asiantaeth Trwyddedu Gyrwyr a Cherbydau (DVLA) neu mewn rhai o ganghennau Swyddfa'r Post®
• darparu dogfennau gwreiddiol yn cadarnhau pwy ydych chi
• amgáu eich llun math pasport, eich trwydded yrru bapur a'r ffi briodol o £20.00
• anfon eich holl ddogfennau i DVLA, Abertawe, SA99 1BU neu gallwch ddefnyddio'r gwasanaeth gwirio premiwm a geir yng nghanghennau Swyddfa'r Post® neu mewn swyddfeydd DVLA lleol

• Gwasanaeth archebu ffurflenni'r DVLA Opens new window

• Dogfennau adnabod a'r gofynion ar gyfer y llun

• Cost trwydded yrru

• Gwasanaeth gwirio premiwm

Pryd fydd eich trwydded yrru newydd yn cyrraedd

Nod DVLA yw sicrhau eich bod yn cael eich trwydded yrru o fewn tair wythnos i ni dderbyn eich cais. Bydd yn cymryd mwy o amser os oes rhaid archwilio cyflwr eich iechyd a'ch manylion personol. Gadewch o leiaf dair wythnos i’ch trwydded yrru gyrraedd cyn cysylltu â'r DVLA.

Pan fyddwch yn derbyn eich trwydded, bydd sawl nodwedd newydd arni o ran diogelwch. Un o'r prif newidiadau ar y drwydded yw'r llun du a gwyn ohonoch a grëwyd gan laser.

• Egluro'r drwydded yrru cerdyn-llun

Gyrru cyn i'ch trwydded gael ei dychwelyd

Cewch yrru cyn cael eich trwydded, cyn belled â bod y canlynol yn wir:

• mae gennych drwydded Gwledydd Prydain neu drwydded Gogledd Iwerddon, neu drwydded gyfnewid arall, a honno gennych er 1 Ionawr 1976
• nad ydych wedi'ch gwahardd rhag gyrru neu nad yw eich trwydded wedi'i diddymu o dan y telerau neu o dan Ddeddf Traffig Ffyrdd (Gyrwyr Newydd) 1995
• na fyddai DVLA yn gwrthod rhoi trwydded i chi am resymau meddygol neu am fethu â chydymffurfio ag ymholiadau meddygol
• na fyddai DVLA yn gwrthod rhoi trwydded i chi am resymau meddygol (os oes gennych amheuaeth, holwch eich meddyg)
• rydych yn bodloni unrhyw amodau arbennig sy’n berthnasol i'r drwydded