Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Canllaw i yrwyr gyda chyflyrau ar y galon

Rôl Grŵp Meddygol y Gyrwyr yn yr Asiantaeth Trwyddedu Gyrwyr a Cherbydau (DVLA) yw hyrwyddo diogelwch ar y ffordd drwy bennu a all gyrwyr gyda chyflyrau meddygol fodloni’r safonau meddygol ar gyfer gyrru’n ddiogel. Fodd bynnag, mewn rhai amgylchiadau does dim rhaid rhoi gwybod i'r DVLA fel mater o drefn.

Mae'r wybodaeth isod ar gyfer gyrwyr sy'n dal trwydded yrru ar gyfer car, moped neu feic modur (grŵp un) a all fod â chyflwr ar eu calon.

Gyrru gyda chyflwr ar y galon

Cyflyrau ar y galon yn cynnwys:

  • trawiad ar y galon (syndrom coronaidd aciwt gan gynnwys cnawdnychiant myocardaidd)
  • llawdriniaeth dargyfeirio'r rhydwelïau coronaidd (CABG)
  • angioplasti coronaidd (a elwir hefyd yn ymyriad coronaidd drwy'r croen)
  • afiechyd/llawdriniaeth ar falfiau’r galon
  • angina

Does dim rhaid i chi roi gwybod i'r DVLA am y cyflyrau hyn; fodd bynnag, dylech ddilyn y cyfarwyddyd canlynol a cheisio caniatâd eich meddyg i ailddechrau gyrru, pan fydd yr amser gofynnol heb yrru wedi dod i ben.

Syndrom Coronaidd Aciwt yn cynnwys Trawiad ar y galon/Llawdriniaeth ar y galon

Dylid peidio â gyrru am o leiaf 1 mis ar ôl digwyddiad o'r fath.

Angioplasti Coronaidd

Dylid peidio â gyrru am o leiaf 1 wythnos ar ôl y weithred hon.

Angina

Gallwch barhau i yrru os ydych yn dioddef o angina (os oes angen meddyginiaeth arnoch ai peidio) oni bai ei fod yn digwydd wrth i chi yrru neu gydag emosiwn. Os ydyw, rhaid i chi beidio â gyrru, a pheidio ailddechrau nes y gallwch reoli'r symptomau mewn modd boddhaol.

Cyflyrau ar y Galon sydd wedi bod yn gysylltiedig ag achosion sydyn o penysgafndod sy'n amharu arnoch neu lewygu, neu sy'n debygol o'u hachosi.

Mae cyflyrau o'r fath yn cynnwys y rhai hynny sydd wedi achosi i Reolydd Calon neu Ddiffibriliwr Trosi Cardiaidd (ICD) gael ei osod. Yn yr achosion hyn, mae'n ofynnol i chi roi gwybod i'r DVLA a pheidio â gyrru. Bydd eich Meddyg Teulu neu'ch Arbenigwr Calon yn gallu rhoi gwybod i chi pa bryd y gallwch ddisgwyl gyrru eto drwy archwilio'r safonau ffitrwydd meddygol perthnasol a gyhoeddir ar wefan y DVLA.

Er budd diogelwch ar y ffordd mae’n rhaid i chi fod yn siŵr eich bod yn gallu rheoli cerbyd modur yn ddiogel bob amser. Os oes gennych unrhyw amheuaeth ynghylch eich gallu i barhau i yrru'n ddiogel yn awr, neu yn y dyfodol, dylech drafod y mater gyda'ch Meddyg Teulu, a bydd ef/hi yn gallu eich cynghori a ddylech roi gwybod i'r DVLA ynghylch eich cyflwr.

Os yw'r wybodaeth uchod yn dangos bod angen i chi roi gwybod i'r DVLA am eich cyflwr, gallwch wneud hynny drwy argraffu a llenwi holiadur meddygol H1.

Os cawsoch eich cynghori gan eich meddyg i beidio â gyrru efallai yr hoffech ildio'ch trwydded yn wirfoddol a gwneud cais am ei chael yn ôl yn y dyfodol pan fydd eich meddyg(on) yn eich cefnogi.

In this section...

Additional links

Allweddumynediad llywodraeth y DU