Gwefan llywodraeth y DU

Pam ei bod hi'n bwysig diweddaru?

Mae'n ofynnol yn ôl y gyfraith i chi roi gwybod i'r Asiantaeth Trwyddedu Gyrwyr a Cherbydau (DVLA) pan fyddwch chi'n newid eich enw a/neu'ch cyfeiriad. Gallai methu â rhoi gwybod i'r DVLA arwain at ddirwy o £1000.

Mae'n bwysig iawn eich bod yn rhoi gwybod i'r DVLA am newidiadau i'ch enw, cyfeiriad neu fanylion eich cerbyd. Defnyddir cofnodion y DVLA er mwyn gorfodi'r gyfraith a dod o hyd i bobl sy'n osgoi talu treth ar eu cerbydau, yn dympio ac yn dwyn ceir ac yn cyflawni troseddau tebyg.

Defnyddir ein cofnodion i roi gwybod i chi os oes angen ad-alw eich cerbyd ac i gysylltu â'ch teulu os cewch chi ddamwain.

Diweddarwch nawr! Sut i roi gwybod i'r DVLA

I roi gwybod i'r DVLA ynghylch newid enw, cyfeiriad neu fanylion cerbyd, fe allwch chi ddefnyddio eich Trwydded Yrru, eich Dogfen Cofrestru Cerbyd (V5) neu'ch Tystysgrif Cofrestru Cerbyd (V5C).

• Newid eich enw neu'ch cyfeiriad ar eich trwydded yrru
• Newid eich enw a'ch cyfeiriad ar eich tystysgrif gofrestru

Os oes unrhyw rai o'ch dogfennau ar goll, wedi'u dwyn neu eu dinistrio, bydd angen i chi wneud cais am drwydded ddyblyg a thalu'r ffi briodol.

• Trwydded yrru ddyblyg, yn lle un sydd ar goll, wedi'i dwyn, ei difetha neu ei dinistrio
• Cael dogfen neu dystysgrif gofrestru newydd yn lle un sydd ar goll neu wedi'i dwyn

Os oes angen unrhyw ffurflenni arnoch chi i roi gwybod i'r DVLA am newidiadau, gellir eu cael yn y rhan fwyaf o ganghennau Swyddfa'r Post®. Fe allwch chi hefyd archebu'r pecyn cais am Drwydded Yrru D1 gan wasanaeth archebu ffurflenni'r DVLA neu gais V62 am Dystysgrif Cofrestru Cerbyd drwy ddilyn y dolenni isod.

• Gwneud cais am dystysgrif cofrestru cerbyd V5C (ffurflen V62)
• Canghennau Swyddfa'r Post® Opens new window