Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Ei wneud ar y we

Moduro

Gyrru cartrefi modur

Ydych chi'n ystyried prynu neu logi cartref modur (carafán modur) i fynd ar eich gwyliau? Neu efallai eich bod yn dymuno mewnforio un o wlad arall. Cyn i chi benderfynu, bydd angen i chi wirio'r hawl sydd gennych ar eich trwydded yrru a maint y cartref modur yr ydych am ei yrru.

Yr hawl y mae ei hangen ar eich trwydded yrru

Bydd angen i chi sicrhau bod eich trwydded yrru'n rhoi'r hawl i chi yrru cartref modur. Mae'r categorïau a ddangosir ar eich trwydded yn caniatáu i chi yrru cerbydau hyd at rai pwysau penodol, a elwir yr uchafswm màs awdudordedig (UMA).

Hawl categori B (ceir)

Cewch yrru cerbydau hyd at 3.5 tunnell UMA, ynghyd ag ôl-gerbyd heb fod dros 750 cilogram. I dynnu ôl-gerbyd trymach, bydd arnoch angen hawl categori B+E.

Hawl Categori C1

Cewch yrru cerbydau dros 3.5 tunnell UMA ond llai na 7.5 tunnell (gyda neu heb ôl-gerbyd hyd at 750 cilogram). I dynnu ôl-gerbyd trymach, bydd arnoch angen hawl categori C1+E.

Os pasioch chi’r prawf categori C1+E:

  • cyn 1 Ionawr 1997 (dangosir fel C1+E (107) ar y drwydded), chewch chi ddim gyrru cyfuniad o gerbydau sy'n pwyso dros 8.25 tunnell gyda'i gilydd ee cartref modur 6 tunnell ac ôl-gerbyd 2.25 tunnell
  • ar ôl 1 Ionawr 1997, mae gennych hawl i yrru cyfuniad o gerbydau hyd at 12 tunnell. Gall uchafswm màs awdurdodedig yr ôl-gerbyd fod yn fwy na 750 cilogram ond ni ddylai fod yn drymach na phwysau'r cerbyd sy'n tynnu yn ddi-lwyth

Hawl Categori C

Cewch yrru cerbydau ag UMA dros 7.5 tunnell. I dynnu ôl-gerbyd dros 750 cilogram, bydd arnoch angen hawl categori C+E. Ni ellir gyrru cartrefi modur o'r pwysau hyn ar drwydded categori B (car) safonol, pryd bynnag y cafwyd yr hawl categori B hwnnw.

Maint y cartref modur

Y maint mwyaf a ganiateir ar gyfer cartrefi modur yng Ngwledydd Prydain yw 12m o hyd a 2.55m o led. Nid oes uchafswm uchder, ond os yw'r cerbyd yn fwy na 3m o uchder, yna rhaid mesur ac arddangos yr uchder (mewn unedau imperial, a metrig hefyd os oes modd) ar arwydd sy'n ddigon clir i chi'r gyrrwr.

Rhannau o'r cerbyd y gellir eu hanwybyddu wrth fesur hyd a lled cyfan y cerbyd

Ar gyfer lled, anwybyddwch:

  • drychau gyrru
  • lampiau
  • adlewyrchyddion
  • aflunio teiars o ganlyniad i lwytho

Ar gyfer hyd, anwybyddwch:

  • drychau gyrru
  • byfferau sy'n ymestyn yn ôl wedi'u gwneud o rwber neu ddefnydd gwydn arall

Pwy sy'n gosod y terfynau cyfredol

Yr Adran Drafnidiaeth sy'n gosod y terfynau cyfredol a gynhwysir yn Rheoliadau Cerbydau'r Ffordd (Cofrestru a Thrwyddedu) 1986 (fel y’u diwygiwyd). Mae cynrychiolwyr o wledydd Ewropeaidd, gan gynnwys y DU, wedi cytuno i osod y terfynau hyn ledled Ewrop.

Pam y gosodwyd y terfynau cyfredol hyn

Ystyriwyd nifer o ffactorau, megis cyfyngiadau presennol gwahanol wledydd, cad-drefniant cerbydau a manylion ffyrdd arferol. Hefyd, gallai maint cyfan cerbydau mawr greu perygl annerbyniol i ddiogelwch adeilad cyfagos, cerbydau a cherddwyr, ond yn enwedig i ddiogelwch traffig sy'n dod tuag atoch.

Mwy o ddolenni defnyddiol

Yn yr adran hon...

Allweddumynediad llywodraeth y DU