Gwefan llywodraeth y DU

Trwyddedau ceir a roddwyd cyn 1 Ionawr 1997

Os oedd gennych chi hawl i yrru ceir cyn 1 Ionawr 1997, fe gewch chi yrru bws mini ar yr amod eich bod yn 21 neu'n hŷn ac nad oes gan y bws mini fwy nag 17 o seddi gan gynnwys sedd y gyrrwr, ac nad yw hynny er budd nac am dâl.

Er mwyn gyrru bws mini gyda naw neu fwy o seddi teithwyr heb ei fod er budd nac am dâl, fel rheol bydd arnoch angen hawl i yrru cerbyd cludo teithwyr (PCV). Er mwyn cael yr hawl hon rhaid i chi fodloni safonau meddygol uwch a phasio prawf gyrru arall. Fodd bynnag, os ydych chi'n gyrru bws mini ar gyfer mudiad o dan y cynllun hawlen bws mini neu fws cymunedol, ni fydd angen i chi gael yr hawl uwch i yrru cerbydau PCV.

• Hawlenni bysiau mini a bysiau cymuned

Rheolau newydd o 1 Ionawr 1998 ymlaen

Bydd eich hawl i yrru bws mini yn parhau'n ddilys yn y Deyrnas Unedig (DU) ac ar ymweliadau tramor tan yr adnewyddir eich trwydded y tro nesaf. Pan gaiff eich trwydded ei hadnewyddu, ni roddir hawl i yrru bws mini heblaw eich bod yn gwneud cais arbennig am hynny. Bydd hyn yn golygu bodloni safonau meddygol uwch.

Os yw eich hawl i yrru bws mini yn cael ei hadnewyddu, byddwch yn cael trwydded am dair blynedd a fydd yn eich galluogi i yrru bws mini, nid er budd nac am dâl, yn y DU ac ar ymweliadau dros dro â gwledydd eraill yn y Gymuned Ewropeaidd/Ardal Economaidd Ewrop (GE/AEE). Gweler isod am fwy a fanylion ynghylch trwyddedau a gaiff eu derbyn dramor.

Os na chaiff eich hawl i yrru bws mini ei hadnewyddu, ni fydd yr hawl honno wedyn yn ymddangos ar eich trwydded. Serch hynny, os ydych chi o dan 70 oed, efallai y cewch chi barhau i yrru bysiau mini o dan rai amgylchiadau. Bydd gyrwyr y mae eu trwyddedau ar fin cael eu hadnewyddu yn derbyn cyngor ynghylch y drefn newydd gyda'u llythyr i'w hatgoffa i adnewyddu.

Disgrifiadau o gategorïau cerbydau

Mae disgrifiadau o gategorïau cerbydau, sy'n ymddangos ar eich trwydded yrru, i'w cael o'r ddolen isod.

• Cerbydau y cewch chi eu gyrru a pha mor hen mae'n rhaid bod i'w gyrru

Trwyddedau â chyfyngiadau meddygol

Yn gyffredinol, mae'n rhaid adnewyddu trwyddedau car pan fydd gyrwyr yn cyrraedd 70 oed, ond bydd y rheolau newydd hefyd yn effeithio ar yrwyr iau sydd â thrwyddedau meddygol cyfyngedig os ydynt yn adnewyddu eu trwyddeddau ar ôl 1 Ionawr 1998. Os oes gennych chi drwydded feddygol gyfyngedig, dylech fod yn ymwybodol na fydd yr hawl i yrru bysiau mini'n wirfoddol (bysiau nad ydynt yn fasnachol) yn gorfod cydymffurfio â'r safonau uwch hyd nes y byddwch yn 70 oed. Mae'r rheolau ar gyfer trwyddedau ceir a roddwyd ar ôl 1 Ionawr 1997 hefyd yn berthnasol i chi. Am ragor o wybodaeth ynghylch sut y bydd cyflyrau meddygol ac anableddau yn effeithio ar eich trwydded, fe allwch chi ddefnyddio'r ddolen isod:

• Rheolau meddygol ar gyfer pob gyrrwr

Trwyddedau a fydd yn cael eu derbyn dramor

Bydd pob hawl ar drwyddedau Prydeinig yn dal i fod yn ddilys yn ystod ymweliad dros dro â gwledydd eraill yn y Gymuned Ewropeaidd/Ardal Economaidd Ewrop. Dylech fod yn ymwybodol na ellir gyrru bysiau mini â hawlen, er budd neu am dâl, y tu allan i'r Deyrnas Unedig oni bai bod y gyrrwr wedi pasio prawf PCV.

Efallai y bydd gyrwyr sy'n symud i fyw'n barhaol i wlad arall yn y Gymuned Ewropeaidd/Ardal Economaidd Ewrop yn darganfod na fydd eu hawl i yrru bysiau mini (nid er budd nac am dâl) yn ddilys bellach. Dylech gael cyngor gan awdurdod trwyddedu'r wlad newydd, ar wahân i Ogledd Iwerddon sydd â'r un hawliau â Gwledydd Prydain.

Gyrwyr heb hawl i yrru bws mini

Os nad yw eich trwydded yrru yn caniatáu i chi yrru bws mini, dan rai amgylchiadau penodol bydd modd i chi wneud hynny, a chaiff hyn ei esbonio yn y ddolen isod.

• Gyrru cerbydau cludo teithwyr (PCV) ar drwydded gyrru car

Mae taflen wybodaeth yr Asiantaeth Trwyddedu Gyrwyr a Cherbydau (DVLA) ynghylch y pwnc hwn ar gael o swyddfeydd DVLA lleol neu i'w llwytho o'r ddolen isod.

• Download Llwytho Gyrru Bws Mini (INF28) (PDF, 540K)