Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Sadwrn, 21 Tachwedd 2009

dolenni i dudalennau eraill yn yr adran hon

Pori wrth destun

Pori wrth bobl

Moduro

Cerbydau na chewch eu defnyddio yn y prawf ymarferol

Mae nifer o gerbydau na chewch eu defnyddio mewn prawf gyrru ymarferol, a hynny am resymau diogelwch. Mae'r cerbydau hyn naill ai wedi cael eu galw'n ôl, neu mae hysbysiad diogelwch wedi'i gyhoeddi ar eu cyfer am fod nam wedi'i ganfod ar y cerbyd a bod angen i'r gwneuthurwr neu'r masnachwr ei gywiro.

Gyrru eich cerbyd eich hun yn y prawf gyrru ymarferol

Bydd angen i chi wneud yn siŵr nad yw hysbysiad diogelwch na chyhoeddiad i alw ceir yn ôl yn effeithio ar y cerbyd y bwriadwch ei ddefnyddio yn y prawf ymarferol.

Er diogelwch y gyrrwr ac arholwr y prawf gyrru, ni ellir defnyddio'r cerbydau hyn mewn prawf ymarferol oni allwch ddarparu tystiolaeth ddogfennol i ddangos bod:

y cerbyd wedi'i alw'n ôl a'r gwaith wedi'i gwblhau arno
y cerbyd wedi cael ei archwilio ac nad oes angen gwneud gwaith arno
y cerbyd wedi'i eithrio rhag cael ei alw'n ôl

Gall tystiolaeth ddogfennol olygu:

y llythyr gwreiddiol yn galw'r cerbyd yn ôl neu'r hysbysiad diogelwch, a hwnnw wedi'i stampio gan y gwneuthurwr neu'r masnachwr
tystiolaeth ddogfennol ysgrifenedig gan y gwneuthurwr neu'r masnachwr (ar bapur pennawd/swyddogol)

Os yw hyn yn effeithio ar eich cerbyd ac y byddwch yn mynd ag ef i'r prawf heb ddarparu unrhyw dystiolaeth ddogfennol, caiff eich prawf ei ganslo.

Ni thelir iawndal i chi.

Cerbydau y mae hyn yn effeithio arnynt

Defnyddiwch y dolenni isod i gael mwy o fanylion am hysbysiadau diogelwch a galw cerbydau'n ôl ar gyfer cerbydau penodol, a'r camau y mae angen i chi eu cymryd os yw hyn yn effeithio ar eich cerbyd chi.

Ford Fiesta - siâp newydd 1995-96

Problem: nam ar bibellau'r brêc.