Gwefan llywodraeth y DU

Gofynion sylfaenol ar gyfer mopedau sy'n gerbydau prawf

Mae'n rhaid i'r moped y byddwch yn ei ddefnyddio ar gyfer eich prawf ymarferol fodloni'r canlynol:

• bod ag injan llai na 50 maint silindr, a chyflymder o ddim mwy na 50 cilomedr yr awr sef tua 32 milltir yr awr
• bod â phedalau i'w yrru, os defnyddiwyd y moped cyn 1 Awst 1977

Gofynion sylfaenol ar gyfer beiciau modur sy'n gerbydau prawf

Os yw eich beic modur yn llai na 75 maint silindr, nid yw'n dderbyniol ar gyfer y prawf beic modur ymarferol.

Os byddwch chi'n llwyddo yn eich prawf ymarferol ar gerbyd modur gyda thrawsyriant awtomatig neu led-awtomatig, fe'i cofnodir ar eich trwydded. Dim ond cerbydau modur yn y categori hwn y cewch ei gyrru dan drwydded lawn.

Ceir dau fath gwahanol o gategorïau:

• categori A1 (beic modur ysgafn) - beic modur solo rhwng 75 ac 125 maint silindr, gydag allbwn pwer nad yw'n fwy na 11 cilowat
• categori A (beic modur safonol) - beic modur solo rhwng 121 ac 125 maint silindr, gydag allbwn pwer a all fod yn fwy na 100 cilowat yr awr (62.1 milltir yr awr)

Nid yw'r beic modur BMW C1 yn feic addas ar gyfer y prawf ymarferol gan y bydd trwydded categori A yn eich cyfyngu am gyfnod o ddwy flynedd i yrru beiciau a chanddynt allbwn pŵer nad yw'n fwy na 25 cilowat (33 pŵer marchnerth brecio) a chymhareb pŵer i bwysau heb fod yn fwy na 0.16 cilowat y cilogram. Ar ôl dwy flynedd, cewch yrru unrhyw feic modur.

Gall cerbydau a ddefnyddir ar gyfer y cynllun mynediad cyflym a mynediad uniongyrchol fod ag injan o faint amhenodol o 35 cilowat o leiaf (46.6 pwer marchnerth brecio), gyda chyflymder amhenodol.

Beic modur gyda cherbyd ochr

Dim ond ymgeiswyr sydd ag anableddau penodol gaiff ddefnyddio cyfuniad o gerbyd modur a cherbyd ochr ar gyfer y prawf.

Mae'r gofynion ar gyfer beic modur gyda cherbyd ochr yr un fath â'r rhai ar gyfer beic modur solo, ond:

• ni chaiff categorïau A ac A1 fod yn fwy na chymareb pŵer i bwysau o 0.16 cilowat y cilogram
• ni chaniateir i deithwyr fod yn y cerbyd ochr yn ystod y prawf

Bydd y drwydded a gewch wrth basio'r prawf hwn yn caniatáu i chi ddefnyddio'r cyfuniad hwn o gerbyd yn unig.

• Beiciau modur y cewch chi eu gyrru

Sbidomedrau ar gerbydau wedi'u mewnforio

Dan Reoliadau Gwneuthuriad a Defnydd 1986 (rheoliad 35) mae angen i unrhyw gerbyd modur a ddefnyddiwyd ar 1 Ebrill 1984 neu ar ôl hynny allu nodi cyflymder mewn milltiroedd yr awr a chilomedrau yr awr. Mae'n rhaid i gerbydau a ddefnyddir mewn prawf ddangos cyflymder naill ai mewn milltiroedd yr awr neu mewn cilomedrau yr awr yn unig. Nid yw cerbydau sy'n dangos cyflymder mewn cilomedrau yr awr yn unig yn dderbyniol. Ni chaniateir gorgyffwrdd ar sbidomedrau.

Mwy o ddolenni defnyddiol

• Egluro’r prawf beic modur ymarferol

• Ynghylch hyfforddiant sylfaenol gorfodol

• Dillad ac amddiffyn rhag y tywydd

• Ffioedd profion gyrru

• Trefnu prawf gyrru ymarferol neu theori ar-lein Opens new window

• Dod o hyd i'ch canolfan agosaf ar gyfer prawf gyrru beiciau modur Opens new window