Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Gwneud cais ar-lein am drwydded yrru dros dro gyntaf

Bydd modd i chi wneud cais am eich trwydded yrru Brydeinig dros dro gyntaf ar-lein:

  • os ydych chi'n byw yng Ngwledydd Prydain
  • os ydych chi'n ddigon hen
  • os ydy eich golwg yn ddigon da i fodloni'r gofyniad sylfaenol
  • os nad ydych wedi’ch rhwystro rhag gyrru ar hyn o bryd am unrhyw reswm
  • os gallwch dalu £50.00 gyda cherdyn debyd neu gerdyn credyd Mastercard, Visa, Maestro, Electron, Delta neu Solo
  • os oes gennych basport dilys y DU neu brawf arall o bwy ydych chi
  • os gallwch ddweud lle rydych chi wedi byw dros y tair blynedd diwethaf

Pwysig

Er mwyn eich diogelu a'ch gwarchod, bydd DVLA yn cynnal profion adnabod os ydych yn gwneud cais ar-lein. Efallai hefyd y bydd gofyn i chi argraffu ffurflen gais, ei chwblhau a'i hanfon drwy'r post gyda llun. Dan rai amgylchiadau, bydd gofyn cael math benodol o ddogfen adnabod hefyd. Gweler y ddolen 'Eitemau sydd eu hangen drwy'r post' ar y dde am fanylion penodol.

Beth sydd angen i chi ei wybod

Wrth wneud cais, cewch Rif Adnabod defnyddiwr Porth y Llywodraeth. Os oes gennych eisoes Rif Adnabod defnyddiwr Porth y Llywodraeth, y cyfan sydd angen i chi ei wneud yw teipio hwnnw a'ch cyfrinair.

Bydd DVLA yn ceisio anfon eich trwydded yrru atoch o fewn 10 diwrnod gwaith ar ôl derbyn eich cais.

Ydych chi’n barod?

Sicrhewch fod y canlynol gennych wrth law:

  • cerdyn credyd neu ddebyd dilys
  • eich pasport y DU os oes gennych un
  • manylion cyfeiriadau blaenorol

Hefyd, gwnewch yn siŵr fod eich argraffydd ymlaen.

Os bydd angen i chi argraffu ffurflen i'w chwblhau ond nid oes gennych argraffydd sy'n gweithio, peidiwch â phoeni, gallwch argraffu eich ffurflen o gyfrifiadur arall drwy ddefnyddio'r ddolen ar y dde 'Gweld neu argraffu eich cais presennol'.

Gwneud cais ar-lein yma

Additional links

Allweddumynediad llywodraeth y DU