Gwefan llywodraeth y DU

Pryd i wneud cais

Os yw eich treth yn dod i ben ddiwedd y mis, gallwch ei hadnewyddu o’r 15fed o’r mis ymlaen.

Trethu ar-lein neu dros y ffôn

Defnyddiwch y cyfeirnod ar eich ffurflen atgoffa V11, V85/1 neu ar eich Tystysgrif Cofrestru.

• Gwneud cais am ddisg treth ar-lein neu dros y ffôn

Trethu gyda ffurflen atgoffa V11 yn un o ganghennau Swyddfa'r Post®

Defnyddiwch y ffurflen atgoffa mewn unrhyw swyddfa bost sy’n rhoi disgiau treth neu drwy'r post i'r cyfeiriad a ddangosir ar y ffurflen atgoffa. Dychwelir y ffurflen atgoffa atoch pan gewch chi'r ddisg treth.

Dylech fynd â’r canlynol gyda chi neu eu hanfon:

• y ffurflen atgoffa V11 wedi’i llenwi
• tystysgrif yswiriant ddilys neu nodyn yswiriant dros dro
• tystysgrif prawf  MOT, cerbydau cludo teithwyr (PSV) neu gerbydau nwyddau dilys
• tystysgrif llygredd is ddilys - os oes ei hangen
• y taliad a ddangosir ar y ffurflen atgoffa

Trethu gyda ffurflen atgoffa HGV V85/1 mewn swyddfa DVLA leol

Dylech fynd â’r canlynol gyda chi neu eu hanfon:

• y ffurflen atgoffa V85/1 wedi’i llenwi
• tystysgrif Cofrestru – os nad yw ar gael, bydd angen i chi esbonio pam
• tystysgrif yswiriant ddilys neu nodyn yswiriant dros dro
• tystysgrif prawf  MOT, cerbydau cludo teithwyr (PSV) neu gerbydau nwyddau dilys
• tystysgrif platio – os nad yw'r Tystysgrif Cofrestru ar gael neu os yw'r cerbyd wedi ei ail-blatio ers rhoddwyd y ddisg treth ddiwethaf
• tystysgrif llygredd is ddilys - os oes ei hangen
• y taliad a ddangosir ar y ffurflen atgoffa

• Dod o hyd i'ch swyddfa DVLA leol agosaf

Newid enw neu gyfeiriad

Ysgrifennwch y manylion newydd yn adran chwech eich Tystysgrif Cofrestru, ei llofnodi a’i chynnwys gyda'ch cais.