Gwefan llywodraeth y DU

Pryd i wneud cais

Os yw eich treth yn dod i ben ddiwedd y mis, gallwch ei hadnewyddu o’r 15fed o’r mis ymlaen.

Os yw eich cerbyd wedi bod heb dreth, oherwydd eich bod newydd ei brynu, y disg treth wedi dod i ben neu os oes datganiad HOS mewn grym, gallwch ei drethu o ddiwrnod cyntaf y mis pan fyddwch yn gwneud cais.

Os ydych am i’r ddisg treth ddechrau ar ddiwrnod cyntaf y mis calendr nesaf, allwch chi ddim trethu eich cerbyd mwy na dau ddiwrnod ymlaen llaw.

Trethu car, beic modur neu gerbyd nwyddau ysgafn

Gallwch drethu ar-lein, dros y ffôn, yn bersonol neu drwy'r post.

Trethu ar-lein neu dros y ffôn

Os mai chi yw’r ceidwad cofrestredig, gallwch adnewyddu’ch treth trwy ddefnyddio'r cyfeirnod ar eich Tystysgrif Cofrestru (V5C).

• Gwneud cais am ddisg treth ar-lein neu dros y ffôn

Trethu gyda Thystysgrif Cofrestru neu Atodiad Ceidwad Newydd – yn bersonol neu drwy’r post

Gallwch drethu drwy ymweld yn bersonol ag unrhyw un o ganghennau Swyddfa'r Post® sy’n rhoi disgiau treth neu mewn swyddfa DVLA leol.

Dylech fynd â’r canlynol gyda chi neu eu hanfon:

• Tystysgrif Cofrestru neu Atodiad Ceidwad Newydd
• ffurflen V10 ‘Cais am Drwydded Cerbyd’ wedi’i llenwi
• tystysgrif yswiriant neu nodyn yswiriant dros dro – rhaid iddynt fod yn ddilys ar y dyddiad y daw'r ddisg treth i rym
• tystysgrif MOT ddilys – os yw’r car neu’r beic modur dros dair oed – rhaid iddi fod yn ddilys ar y dyddiad y daw'r ddisg treth i rym
• y taliad ar gyfer y dreth cerbyd (does dim angen hwn os yw eich cerbyd wedi'i eithrio rhag talu treth cerbyd)

Dim ond am ddau fis ar ôl i chi brynu’r cerbyd y gellir defnyddio’r Atodiad Ceidwad newydd ar gyfer trethu. Os yw’n hen, bydd angen i chi wneud cais am Dystysgrif Cofrestru yn eich enw chi – ewch i ‘Trethu heb Dystysgrif Cofrestru neu Atodiad Ceidwad Newydd’ isod.

• Yswiriant neu MOT
• Cost treth cerbyd
• Trethu’ch cerbyd yn y dosbarth treth anabl

Ffurflenni cais V10 a V62

Fe allwch lwytho ffurflenni V10 neu V62 oddi ar y we neu eu casglu o unrhyw gangen o Swyddfa'r Post® neu swyddfa DVLA leol.

• Download 'Cais am Drwydded Cerbyd' (V10) (PDF, 193K)
• Download 'Ffurflen gais am Dystysgrif Cofrestru Cerbyd V5C’ (ffurflen V62) (PDF, 57K)
• Cymorth gyda ffeiliau PDF

Newid enw a/neu gyfeiriad

Ysgrifennwch y manylion newydd neu unrhyw gywiriadau yn adran chwech eich Tystysgrif Cofrestru, ei llofnodi a’i chynnwys gyda'ch cais.

Newid dosbarth treth

Os byddwch chi'n newid y dosbarth treth o ddosbarth preifat i anabl, gyhyd â bod y Dystysgrif Cofrestru gyflawn gennych, gallwch drethu yn un o ganghennau Swyddfa'r Post®.

Os mai’r Atodiad Ceidwad Newydd yn unig sydd gennych ar gyfer newidiadau eraill i’r dosbarth treth ee o anabl i breifat, bydd rhaid i chi fynd i'ch swyddfa DVLA leol agosaf. Ysgrifennwch y dosbarth treth newydd yn adran saith eich Tystysgrif Cofrestru. Os byddwch yn defnyddio Atodiad Ceidwad Newydd, bydd angen i chi hefyd lenwi V62 ‘Ffurflen gais am Dystysgrif Cofrestru Cerbyd (V5C)’.

• Trethu’ch cerbyd yn y dosbarth treth anabl

Newidiadau i faint yr injan neu'r math o danwydd

Bydd angen i chi drethu’ch cerbyd yn eich Swyddfa DVLA Leol agosaf. Ysgrifennwch y manylion newydd yn adran saith eich Tystysgrif Cofrestru.

Ar gyfer newidiadau lle bydd angen talu llai o dreth cerbyd, rhaid i chi ddarparu tystiolaeth ysgrifenedig o'r newid. Gall y dystiolaeth fod yn dderbynneb ar gyfer yr injan newydd, tystiolaeth ysgrifenedig gan y gwneuthurwr, y cwmni yswiriant neu’r garej a wnaeth y newid.

• Dod o hyd i'ch cangen Swyddfa'r Post® agosaf sy'n rhoi disgiau treth Opens new window
• Download Dod o hyd i’ch cangen Swyddfa’r Post® am geisiadau drwy’r Post (PDF, 44K)
• Dod o hyd i'ch swyddfa DVLA leol agosaf

Trethu heb Dystysgrif Cofrestru neu Atodiad Ceidwad Newydd

Os yw cofnodion DVLA yn dangos mai chi yw ceidwad cofrestredig y cerbyd, gallwch drethu’n bersonol neu drwy’r post yn eich swyddfa DVLA leol agosaf.

Bydd angen i chi lenwi ffurflen V62 ‘Cais am Dystysgrif Cofrestru Cerbyd (V5C)’ a thalu £25 (ffi am Dystysgrif Cofrestru ddyblyg). Dylech ei chynnwys gyda V10 ‘Cais am drwydded cerbyd’ wedi’i llenwi, MOT, yswiriant a’r taliad am y dreth cerbyd.

Os yw eich cyfeiriad wedi newid, bydd angen i chi ddarparu eich trwydded yrru, datganiad banc neu gymdeithas adeiladu wreiddiol, neu fil diweddar gan un o’r prif wasanaethau. Os yw’ch enw wedi newid, bydd angen i chi ddarparu’ch tystysgrif priodas, archddyfarniad nisi/absoliwt neu ddatganiad gweithred newid enw.

Os nad chi sy’n cael eich enwi fel y ceidwad cofrestredig ar gofnodion DVLA ni allwch drethu’r cerbyd. Bydd angen i chi wneud cais am Dystysgrif Cofrestru yn eich enw chi. I gael y dystysgrif, bydd angen i chi lenwi ffurflen V62 'Ffurflen gais am Dystysgrif Cofrestru Cerbyd' a'i phostio i DVLA, Abertawe, SA99 1DD. Efallai y bydd angen i chi aros am hyd at bedair wythnos am y dystysgrif newydd. Yn y cyfamser, dylech gadw’ch cerbyd oddi ar y ffordd.

Cerbyd i’w drethu pan fyddwch chi dramor

Os byddwch chi dramor pan fydd eich disg treth yn dod i ben, mae modd i chi drethu ar-lein, trethu ymlaen llaw neu ofyn i rywun drethu’r cerbyd ar eich rhan.

• Treth cerbyd yn dod i ben pan fyddwch chi dramor

Trethu lori, bws neu fath arall o gerbyd

Gallwch drethu’ch cerbyd yn eich swyddfa DVLA leol agosaf gan ddefnyddio ffurflen V10 ‘Cais am drwydded cerbyd’ neu V85 ‘Ffurflen gais am drwydded HGV’.

• Sut i drethu lori, bws neu fathau eraill o gerbydau heb ffurflen atgoffa