Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Ei wneud ar y we

Moduro

Sut i wneud cais am ad-daliad ar dreth cerbyd

Gallwch wneud cais am ad-daliad ar dreth cerbyd os mai chi yw ceidwad cofrestredig presennol y cerbyd neu os mai chi oedd ceidwad cofrestredig diwethaf y cerbyd. Rhaid bodloni amodau penodol cyn y telir ad-daliad.

Pryd i wneud cais

Rhaid postio'r ddisg treth a'r cais am ad-daliad cyn diwrnod cyntaf y mis yr ydych yn hawlio amdano. Anfonwch hwy at yr Asiantaeth Trwyddedu Gyrwyr a Cherbydau (DVLA) yn Abertawe neu ewch â nhw i'ch swyddfa DVLA leol agosaf.

Ni ddylech wneud cais am ad-daliad os ydy rhif cofrestru eich cerbyd ar ganol cael ei drosglwyddo neu ei gadw.

Sut i wneud cais am ad-daliad

Gallwch wneud cais am ad-daliad ar eich treth cerbyd gyda disg treth neu heb ddisg treth.

Gyda disg treth

I gael ad-daliad bydd angen i chi lenwi ffurflen V14 'Cais am ad-daliad ar dreth cerbyd'. Anfonwch y ffurflen a’r ddisg treth i'r Adran Ad-daliadau, DVLA, Abertawe, SA99 1AL.

Heb ddisg treth

I gael ad-daliad bydd angen i chi lenwi ffurflen V33 ‘Cais am ad-daliad heb ddisg treth i’w ildio’. Anfonwch y ffurflen i'r Adran Ad-daliadau, DVLA, Abertawe, SA99 1AL.

Dim ond mewn swyddfeydd DVLA lleol y mae ffurflen V33 ar gael, neu drwy ffonio 0870 240 0010.

Cerbyd wedi'i ddwyn

Gan y bydd y rhan fwyaf o gerbydau yn cael eu canfod o fewn ychydig ddyddiau iddynt gael eu dwyn, disgwyliwch am saith niwrnod o leiaf cyn gwneud cais am ad-daliad.

Os na fydd y ddisg treth gyda’r cerbyd, bydd angen i chi roi manylion y lladrad a rhif cyfeirnod y trosedd a roddwyd gan yr heddlu ar y ffurflen V33. Os bydd y ddisg treth yn dod i'r golwg ar ôl i chi gael ad-daliad, rhaid i chi ddychwelyd y ddisg gyda llythyr esboniadol i’r Adran Ad-daliadau, DVLA, Abertawe SA99 1AL.

Gwneud datganiad HOS wrth wneud cais am ad-daliad

Bydd angen i chi wneud datganiad HOS (Hysbysiad Oddi-ar-y-Ffordd Statudol) yr un pryd ag y byddwch yn gwneud cais am ad-daliad, os ydych chi'n cadw'r cerbyd ac yn ei dynnu oddi ar y ffordd gyhoeddus.

Dylai llythyr cydnabyddiaeth gael ei anfon atoch o fewn pedair wythnos ac fe'i anfonir ar wahân i'r ad-daliad. Os na fyddwch yn cael y llythyr, cysylltwch â llinell Ymholiadau Cwsmeriaid DVLA.

Faint o ad-daliad gewch chi

Bydd ad-daliad yn cael ei roi am bob mis llawn sydd ar ôl ar y ddisg treth ar yr adeg y byddwch yn gwneud cais am ad-daliad. Os oes gennych ddisg treth chwe mis, fe daloch chi ffi weinyddol ychwanegol o 10 y cant adeg ei brynu. Ni chaiff y ffi hon ei chynnwys fel rhan o’ch ad-daliad.

Codi tâl gweinyddu o £7 os nad yw’r ddisg treth yn cael ei ddychwelyd i DVLA.

Ni ellir ôl-ddyddio ad-daliad.

Pryd fyddwch yn cael eich ad-daliad

Mae’n cymryd rhwng tair a chwe wythnos i brosesu ad-daliadau. Gadewch chwe wythnos i'r ad-daliad gyrraedd cyn gwneud ymholiadau.

Mwy o ddolenni defnyddiol

Yn yr adran hon...

Allweddumynediad llywodraeth y DU