Gwefan llywodraeth y DU

Trethu eich cerbyd

I drethu'ch cerbyd, bydd angen y canlynol arnoch:

• ffurflen atgoffa V11 wedi’i llenwi neu V10 ‘Cais am Drwydded Cerbyd’
• eich Tystysgrif Cofrestru neu Atodiad Ceidwad Newydd, os ydych yn defnyddio V10
• ffurflen V62 wedi’i llenwi ‘Cais am Dystysgrif Cofrestru Cerbyd V5C’ os nad oes gennych Dystysgrif Cofrestru
• tystysgrif prawf MOT (os yw eich car neu feic modur dros dair oed)
• yswiriant rhag hawliadau trydydd parti yn eich erbyn ar gyfer marwolaeth neu anaf a niwed i eiddo yn sgil defnyddio'r cerbyd
• y taliad ar gyfer y dreth cerbyd (does dim angen hwn os yw eich cerbyd wedi'i eithrio rhag talu treth cerbyd)

Ni ellir trethu cerbyd sydd wedi’i gofrestru yng Ngogledd Iwerddon yng Nghymru, Lloegr na’r Alban.

• Sut i drethu eich cerbyd

Arddangos eich disg treth

Dylech arddangos eich disg treth ar ffenestr flaen eich cerbyd ar ochr y teithiwr (ochr y palmant). Os nad oes gan eich cerbyd ffenestr flaen neu os oes gennych feic modur neu gerbyd ochr, dylech arddangos eich disg treth ar eich cerbyd ar ochr y palmant.

Ni ellir trosglwyddo’r ddisg treth rhwng cerbydau.

Gwneud datganiad HOS

Dylech wneud datganiad HOS os nad ydych yn defnyddio neu’n cadw’ch cerbyd ar ffordd gyhoeddus.

• Sut i wneud datganiad HOS (Hysbysiad Oddi-ar-y-ffordd Statudol)

Os na fyddwch yn trethu’ch cerbyd neu’n gwneud datganiad HOS

Mae’r Asiantaeth Trwyddedu Gyrwyr a Cherbydau (DVLA) yn cynnal archwiliad cyfrifiadur bob mis, yn ogystal ag archwiliadau ar ochr y ffordd, i ganfod y cerbydau hynny sydd heb ddisg treth ddilys.

• Beth os na fyddwch yn trethu’ch cerbyd neu’n gwneud datganiad HOS

Cadw'ch dogfennau’n gyfredol

Bydd dogfennau cyfredol yn eich helpu i drethu’ch cerbyd neu wneud datganiad HOS ar amser ac osgoi cosb. 

Tystysgrif Cofrestru

Dywedwch wrth DVLA pan fyddwch yn newid eich enw, eich cyfeiriad neu fanylion eich cerbyd er mwyn iddynt anfon eich ffurflen atgoffa V11 atoch ar amser.

• Newid eich enw a'ch cyfeiriad ar eich tystysgrif gofrestru

MOT ac yswiriant

Gwnewch yn siŵr fod eich tystysgrifau MOT ac yswiriant yn ddilys ar y dyddiad yr ydych am i'ch disg treth ddechrau. Cofiwch gadw nodyn o unrhyw ddyddiadau adnewyddu i'ch atgoffa.

• MOT ac yswiriant sy’n ofynnol er mwyn trethu’ch cerbyd

Cofrestriad di-dor

Rhowch wybod i DVLA os byddwch yn gwerthu, yn trosglwyddo, yn sgrapio neu'n allforio’ch cerbyd, neu fel arall byddwch chi’n parhau i fod yn gyfrifol am ei drethu er eich bod wedi cael gwared arno. Llenwch yr adran briodol yn eich Tystysgrif Cofrestru a'i hanfon i DVLA, Abertawe SA99 1BA. Dylech dderbyn llythyr cydnabyddiaeth o fewn pedair wythnos, y dylech ei gadw fel prawf fod cofnodion DVLA wedi'u diweddaru. Cysylltwch ag adran ymholiadau cwsmeriaid DVLA os na fyddwch wedi’i dderbyn.

• Newidiadau i'ch tystysgrif cofrestru
• Allforio’ch cerbyd
• Manylion cyswllt DVLA