Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Gwneud cais am ddisg dreth ddyblyg

Rhaid i chi gael disg treth newydd yn lle un sydd ar goll, wedi ei dwyn, ei difwyno neu ei dinistrio, neu os nad oes modd ei darllen oherwydd bod y ddisg wedi colli ei lliw. Gallwch gael disg treth ddyblyg yn bersonol neu drwy’r post gan ddefnyddio ‘Ffurflen gais am ddisg trwydded ddyblyg i gerbyd' V20.

Beth y mae angen i chi ei wneud

Gwneud cais yn bersonol neu drwy’r post yn eich swyddfa Asiantaeth Trwyddedu Gyrwyr a Cherbydau (DVLA) leol agosaf.

Dylech fynd â’r canlynol gyda chi neu eu hanfon:

  • 'Ffurflen gais am ddisg trwydded ddyblyg i gerbyd' V20 wedi’i llenwi
  • Tystysgrif Cofrestru neu Atodiad Ceidwad Newydd
  • y ffi o £7, os oes angen (gweler ‘y gost’ isod)
  • y ddisg treth wreiddiol os yw'n dal gennych

Os nad oes gennych Dystysgrif Cofrestru neu Atodiad Ceidwad Newydd, bydd angen i chi lenwi V62 'Ffurflen gais am Dystysgrif Cofrestru Cerbyd V5C’ ynghyd â £25 (ffi am Dystysgrif Cofrestru) a rhowch hwn gyda'ch cais am ddisg treth ddyblyg.

Dim ond am ddau fis ar ôl i chi brynu’r cerbyd y gellir defnyddio’r Atodiad Ceidwad newydd. Os yw'n hen, bydd angen i chi lenwi V62 ‘Ffurflen gais am Dystysgrif Cofrestru Cerbyd (V5C) yn ei le. Dylech gynnwys hwn a’r Atodiad Ceidwad Newydd gyda'ch cais. Does dim angen y ffi o £25.

Ffurflenni cais V20 a V62

Fe allwch lwytho ffurflenni V20 a V62 oddi ar y we neu eu casglu o unrhyw gangen o Swyddfa'r Post® neu swyddfa DVLA leol.

Y gost

Y ffi ar gyfer disg treth ddyblyg yw £7 ac fel arfer ni chewch ad-daliad unwaith y bydd y swyddfa DVLA leol wedi derbyn y cais.

Does dim rhaid i chi dalu:

  • os nad oes modd darllen y ddisg treth neu os yw'r lliw wedi pylu
  • os yw’r ddisg treth wedi mynd ar goll yn y post
  • os yw’r ddisg treth yn cael ei dal gan yr heddlu fel tystiolaeth

neu:

  • os nad oes rhaid talu treth cerbyd ar y cerbyd e.e. cerbyd i berson anabl
  • os yw’r cerbyd wedi’i ddwyn a’ch bod yn ei gael yn ôl heb y ddisg treth

Sut i ganfod a ydy’ch cerbyd wedi’i drethu

Cewch holi am ddyddiad dod-i-ben eich disg treth drwy wneud 'ymholiad am gerbyd' ar-lein. Nodwch rif cofrestru a gwneuthuriad eich cerbyd.

Os dewch o hyd i'r ddisg treth wreiddiol

Gan nad yw'r ddisg wreiddiol yn ddilys mwyach, dylech ei dychwelyd i'r swyddfa DVLA leol a roddodd y ddisg ddyblyg i chi. Cadwch y ddisg treth ddyblyg ar y cerbyd.

Disg treth sydd wedi’i dwyn

Dywedwch wrth yr heddlu os yw eich disg treth wedi’i dwyn.

Yn yr adran hon...

Additional links

Allweddumynediad llywodraeth y DU