Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Moduro
Rhoi’r cynllun MOT ar gyfrifiadur
Mae'r Asiantaeth Gwasanaethau Cerbydau a Gweithredwyr (VOSA) yn defnyddio system gyfrifiadurol i weinyddu’r cynllun MOT. Gall roi'r wybodaeth ddiweddaraf i chi am brawf MOT ac am hanes MOT unrhyw gerbyd.
Sut mae gwirio statws MOT cerbyd
Gallwch weld statws MOT unrhyw gerbyd yr ydych chi’n berchen arno, neu gerbyd ail-law os ydych chi'n ystyried prynu un. Bydd angen y rhif cofrestru arnoch, ac un o’r canlynol:
- y rhif prawf oddi ar y dystysgrif prawf MOT
- rhif cyfeirnod y ddogfen oddi ar y ddogfen gofrestru (V5C)
Gallwch ddod o hyd i wybodaeth megis:
- gwneuthuriad a model y cerbyd
- lliw'r cerbyd
- statws MOT
- y dyddiad pan ddaw’r MOT dilys i ben
Pan fyddwch chi'n gwneud ymholiad, gallwch hefyd weld cofnod milltiroedd y cerbyd adeg y prawf MOT.
Gallwch ffonio gwasanaeth gwirio MOT VOSA ar 0870 330 0 444 (cyfradd genedlaethol) neu edrych ar-lein.
Gweld hanes MOT cerbyd
Mae hanes MOT cerbyd yn rhoi'r manylion llawn i chi am bob prawf a gynhaliwyd ar gerbyd ers i'r system gael ei rhoi ar gyfrifiadur. Gallwch gael gwybod hefyd am unrhyw atgyweiriadau a argymhellwyd ac a oedd yn angenrheidiol ar gyfer y cerbyd, a nodwyd adeg y prawf MOT. Mae’r cofnod milltiroedd hefyd ar gael fel rhan o’r gwasanaeth.
Gallwch gael gwybod am hanes MOT cerbyd drwy ffonio VOSA ar 0906 120 9 941. Ni ddylai galwadau bara mwy na dwy funud ac maent yn costio £1.50 y funud o linell gyffredin BT. Gall galwadau o ffonau symudol a rhwydweithiau eraill amrywio.
Gall gweld hanes MOT cerbyd eich helpu hefyd i benderfynu a ddylech brynu’r cerbyd ai peidio.
Manteision y cynllun MOT
Gwell safonau profi drwy wneud y canlynol:
- darparu'r wybodaeth gywir, ddiweddaraf ar gyfer y gorsafoedd profi MOT
- casglu gwell gwybodaeth
- monitro safonau prawf yn fanylach
- gwella ansawdd dogfennau MOT
Llai o ladrata a thwyll sy'n ymwneud â thystysgrifau MOT drwy wneud y canlynol:
- monitro manylach
- rheoli tystysgrifau'n well
- lleihau dibyniaeth ar dystysgrifau papur
Gwell gweinyddiaeth drwy wneud y canlynol:
- rhannu gwybodaeth gyda modurdai mewn dull electronig
- casglu a diweddaru gwybodaeth yn awtomatig
- darparu systemau talu ac archebu electronig
- gwella'r ffordd y caiff cofnodion eu cadw
Diogelu defnyddwyr yn well yng nghyswllt prawf MOT a gwella’u hyder ynddo drwy:
- sicrhau safonau mwy cyson
- galluogi'r cyhoedd i weld a yw cerbyd wedi pasio neu fethu prawf MOT
Gwella diogelwch a chanfod twyll yn haws.
