Gwefan llywodraeth y DU

Rhaglen Diogelwch ar y Ffordd Siwrne Saff

Ceir chwe modiwl cyflwyno y gellir eu haddasu ar gyfer gwahanol anghenion:

Modiwl 1 – ysgolion a cholegau

Bwriedir y modiwl hwn ar gyfer pobl ifanc rhwng 16 a 19 oed. Un o negeseuon y modiwl yw y dylid mabwysiadu'r agwedd briodol at gyfrifoldebau gyrwyr ar ôl pasio'r prawf gyrru.

Mae'r cyflwyniad hwn yn rhad ac am ddim, ac fe'i rhoddir gan arholwyr gyrru lleol. Mae'n defnyddio trafodaeth grŵp gyda hwylusydd a DVD sy'n dangos fideo o 'Ymgyrch THINK!' yr Adran Drafnidiaeth, profiadau pobl ifanc go iawn a drama ysgytwol i gyfleu negeseuon pwysig am ddiogelwch ar y ffordd.

Mae’n canolbwyntio ar y canlynol:

• diffyg profiad gyrwyr ifanc newydd
• peryglon yfed alcohol a chymryd cyffuriau wrth yrru
• defnyddio cyflymder, a'r canlyniadau pan na ddefnyddir cyflymder yn briodol
• lluniau fideo sy'n tynnu sylw at ganlyniadau damweiniau ffyrdd
• ymwybyddiaeth o beryglon a rhagweld beth mae defnyddwyr eraill y ffordd yn debygol o'i wneud
• gwybodaeth am y prawf theori a'r prawf ymarferol

Modiwl 2 – troseddwyr ifanc

Mae'r modiwl hwn yn ymhelaethu ar gyflwyniad modiwl 1, ond yn mynd i'r afael hefyd â materion pwysig sy'n ymwneud â diogelwch ar y ffordd ac sy'n berthnasol i'r grŵp hwn. Mae hwn yn fodiwl mwy grymus, a luniwyd gan ystyried oedran y troseddwyr a'u trosedd. Mae'n cynnwys trafodaethau am ganlyniadau cymryd cerbyd heb ganiatâd a gyrru dan oed.

Modiwl 3 – carchardai

Mae hwn yn gyflwyniad mwy grymus na modiwl 1, ac mae'n ymdrin â chanlyniadau gyrru'n fyrbwyll, y sgiliau sy'n angenrheidiol er mwyn gyrru'n ofalus a'r cyfrifoldeb sydd ynghlwm wrth hynny.

Modiwl 4 – Beic modur Siwrne Saff

Mae'r modiwl hwn yn cydnabod bod mwy a mwy o bobl ifanc yn troi at feiciau modur a sgwteri fel ffordd cost effeithiol o deithio. Mae'n hyrwyddo ymwybyddiaeth o'r peryglon gyrru beiciau modur a sgwteri, a sut y mae'n rhaid cyfuno beicio modur ag ymdeimlad o gyfrifoldeb a'r agwedd iawn.

Mae'n canolbwyntio ar ddiffyg profiad gyrwyr ifanc newydd, peryglon cymryd cyffuriau ac yfed alcohol wrth yrru, a sut y defnyddir cyflymder a'r canlyniadau oni ddefnyddir cyflymder yn briodol. Mae hefyd yn cynnwys adran ar gario teithwyr ar y piliwn yn gyfrifol.

Mae'n cynnig cyngor am ymwybyddiaeth o beryglon, cynllunio, rhagweld beth mae defnyddwyr eraill y ffordd yn debygol o'i wneud a phwysigrwydd 'gweld a chael eich gweld'. Mae'n disgrifio sut mae gyrwyr ifanc yn brin o brofiad ac yn llai abl na gyrwyr profiadol i ragweld peryglon posib. Mae'n defnyddio DVD sy'n dangos canlyniadau damweiniau ffyrdd a beth sy'n digwydd pan fydd gyrwyr yn gwneud camgymeriad.

Modiwl 5 – gallwch chi yrru hefyd

Mae'r modiwl hwn yn cydnabod bod mwy a mwy o bobl ifanc yn troi at feiciau modur a sgwteri fel ffordd cost effeithiol o deithio. Mae'n hyrwyddo ymwybyddiaeth o'r peryglon gyrru beiciau modur a sgwteri, a sut y mae'n rhaid cyfuno beicio modur ag ymdeimlad o gyfrifoldeb a'r agwedd iawn.

Mae'n canolbwyntio ar ddiffyg profiad gyrwyr ifanc newydd, peryglon cymryd cyffuriau ac yfed alcohol wrth yrru, a sut y defnyddir cyflymder a'r canlyniadau oni ddefnyddir cyflymder yn briodol. Mae hefyd yn cynnwys adran ar gario teithwyr ar y piliwn yn gyfrifol.

Mae'n cynnig cyngor am ymwybyddiaeth o beryglon, cynllunio, rhagweld beth mae defnyddwyr eraill y ffordd yn debygol o'i wneud a phwysigrwydd 'gweld a chael eich gweld'. Mae'n disgrifio sut mae gyrwyr ifanc yn brin o brofiad ac yn llai abl na gyrwyr profiadol i ragweld peryglon posib. Mae'n defnyddio DVD sy'n dangos canlyniadau damweiniau ffyrdd a beth sy'n digwydd pan fydd gyrwyr yn gwneud camgymeriad.

Modiwl 6 – clasurol

Bwriedir y modiwl hwn ar gyfer gyrwyr sy'n 50 oed neu'n hŷn.

• Ynghylch y Cynllun Siwrne Saff Glasurol

Trefnu cyflwyniad

I drefnu cyflwyniad cysylltwch â'r Asiantaeth Safonau Gyrru drwy ffonio 0300 200 1122 (opsiwn 2 yna opsiwn 5) neu drwy anfon e-bost at:

arrive.alive@dsa.gsi.gov.uk