Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Moduro

Moduro

Beth i'w wneud os yw'ch cerbyd wedi'i glonio

Os bydd rhywun yn cysylltu â chi ynghylch dirwyon neu daliadau, ond nad chi sy'n gyfrifol gan fod rhywun arall yn defnyddio eich rhif cofrestru, mae'n bosibl bod eich cerbyd wedi'i glonio.

Mae clonio'n golygu copïo manylion cerbyd tebyg (heb ei ddwyn) sydd eisoes ar y ffordd. Mae troseddwyr yn dod o hyd i gopi union o'r car maen nhw wedi'i ddwyn, ac yna'n copïo manylion y cerbyd cyfreithlon, gan wneud i'r cerbyd arall ymddangos yn gyfreithlon drwy osod platiau rhif ffug arno.

Os ydych chi'n amau bod eich cerbyd wedi'i glonio, gallai'r pwyntiau canlynol eich helpu i osgoi dioddef o droseddau pellach.

Beth y mae angen i chi ei wneud

  • dychwelyd unrhyw ddirwyon neu ohebiaeth i'r awdurdodau a'u rhoddodd i chi gan ddarparu unrhyw ddogfennau i brofi'ch achos
  • ysgrifennu i'r Asiantaeth Trwyddedu Gyrwyr a Cherbydau (DVLA), Abertawe, SA99 1ZA neu anfon ffacs ar 01792 783083, a byddant yn cofnodi'ch gohebiaeth ar gofnod y cerbyd
  • cysylltu â'r heddlu, er mwyn iddynt gael chwilio am y troseddwr a'i erlyn ac atal y gweithgaredd anghyfreithlon hwn rhag parhau

Beth sy'n digwydd nesaf

Bydd y DVLA yn ystyried rhoi rhif cofrestru newydd os gwneir cais am hynny, os ydynt yn fodlon ei fod mewn gwirionedd yn achos o glonio cerbyd a'r broblem yn un barhaus. Gall tystiolaeth dderbyniol gynnwys cais am gofrestru a thrwyddedu cerbyd gan rywun arall ar wahân i'r ceidwad cofrestredig.

Beth sy'n cael ei wneud i atal clonio?

Mae'r DVLA yn gweithio ar amrywiaeth o fesurau i fynd i'r afael â'r broblem.

Ers 1 Ionawr 2003:

  • rhaid i bob cyflenwr platiau rhif yng Nghymru a Lloegr gofrestru â'r DVLA
  • rhaid i ddarparwyr gadw cofnod o bob gwerthiant a chael dogfennau'n dystiolaeth o enw a chyfeiriad y cwsmer a'i hawl i'r rhif cofrestru y gofynnwyd amdano

Am y tro cyntaf, mae hyn wedi golygu bod peth rheolaeth dros ddarparu platiau rhif, ond bydd angen cymryd camau pellach er mwyn i'r platiau rhif fod yn fwy diogel a'i gwneud hi'n fwy anodd i droseddwyr glonio cerbydau.

Ymhlith y camau sy'n cael eu harchwilio ar hyn o bryd mae tagio platiau rhif yn electronig, datblygu platiau na ellir eu dwyn am na fydd modd eu defnyddio unwaith y cânt eu tynnu oddi ar gerbyd, a phlatiau rhif sy'n cynnwys gwybodaeth electronig am y cerbyd.

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU