Gwefan llywodraeth y DU

Dod yn hyfforddwr neu'n fentor

Rhoddir gwerth mawr ar sgiliau a phrofiad pobl hŷn mewn cymunedau. Gallwch ddefnyddio eich profiad gwaith drwy ddod yn fentor neu hyfforddwr. Ar yr un pryd, gallwch ddatblygu eich sgiliau rhyngbersonol eich hun, dod yn fwy deallus a chymryd rhan weithredol yn eich cymuned.

• Dod yn hyfforddwr neu'n fentor

Dysgu y tu allan i'r ystafell ddosbarth

Nid yw bob amser yn hawdd cael amser i ddysgu, ond mae amrywiaeth eang o gyfleoedd dysgu hyblyg ar gael i'ch helpu i drefnu pethau o gwmpas eich ffordd o fyw. Cewch ddewis pa bryd ac ymhle i ddysgu, a chael help a chymorth gyda'r dysgu hwnnw.

• Dysgu y tu allan i'r dosbarth (adran addysg a dysgu)

Dysgu drwy waith gwirfoddol

Gall gwirfoddoli fod yn ffordd wych o ddefnyddio'ch sgiliau a'ch profiad i helpu pobl eraill, ac ar yr un pryd, byddwch chi'n dysgu rhywbeth newydd a all arwain at gymhwyster. Mae llu o gyfleoedd ar gael i wirfoddoli, felly mae'n werth meddwl beth rydych chi'n awyddus i'w wneud a pha fudd rydych chi'n awyddus i'w gael ohono.

• Dysgu trwy waith gwirfoddol (adran addysg a dysgu)

Benthyciadau Datblygu Gyrfa

Mae'n bosibl y gallwch chi gael Benthyciad Datblygu Gyrfa i'ch helpu i dalu am addysg neu ddysgu galwedigaethol. Pan fyddwch chi'n astudio, ac am fis wedyn, bydd y llywodraeth yn talu'r llog. Yna, pan ddaw eich cwrs i ben, byddwch yn dechrau talu'r benthyciad yn ôl.

• Sut mae Benthyciadau Datblygu Gyrfa yn gweithio? (adran addysg a dysgu)

Dysgu personol a chyngor gyrfaoedd

Os ydych chi'n chwilio am gyngor ar ddysgu personol a gyrfaoedd, gallwch ei gael mewn ffordd sy'n addas i chi. Gallwch gyfarfod cynghorydd wyneb yn wyneb, sgwrsio dros y ffôn neu gysylltu â chynghorydd drwy e-bost - pa bynnag un sydd fwyaf cyfleus.

• Canfod cyngor am ddysgu personol a gyrfaoedd (adran addysg a dysgu)

Rhagor o ddolenni defnyddiol

• Cynlluniau a rhaglenni gwaith (adran pobl anabl)