Gwefan llywodraeth y DU

Gwneud cais am eich pasport

Os ydych yn ddinesydd Prydeinig ac wedi'ch geni ar neu cyn 2 Medi 1929, gallwch wneud cais am basport deng mlynedd safonol 32 tudalen am ddim gan y Gwasanaeth Hunaniaeth a Phasbort (gynt Gwasanaeth Pasport y DU).

Os ydych wedi gwneud cais am basport ers 19 Mai 2004, a'ch bod yn gymwys i gael pasport am ddim, cewch wneud cais am ad-daliad o'r ffi safonol.

Gall y Gwasanaeth Hunaniaeth a Phasbort ddarparu gwybodaeth am gael pasport am ddim neu wneud cais am ad-daliad ar 0870 521 0410. Mae'r gwasanaeth ar gael 24 awr y diwrnod.

• Ffurflenni cais am basport ar wefan y Gwasanaeth Hunaniaeth a Phasbort Opens new window

Sut i wneud cais

Gallwch wneud cais am basport mewn sawl ffordd. Bydd angen pecyn cais arnoch, a hwnnw'n cynnwys ffurflen gais, canllawiau a thaflen dalu. Mae'r pecynnau cais ar gael ar-lein, mewn Swyddfa Basport, mewn rhai canghennau o swyddfa'r post a gan asiantau teithio Worldchoice.

Cais ar-lein

Gallwch lenwi cais am basport ar-lein ar wefan y Gwasanaeth Hunaniaeth a Phasbort. Ar ôl ichi lenwi a chyflwyno'r ffurflen ar-lein, bydd yn cael ei dychwelyd atoch i'w llofnodi a'i dyddio. Bydd angen i chi wedyn gynnwys y lluniau, y dogfennau a'r tâl cywir, cyn ei dychwelyd i Swyddfa'r Gwasanaeth Pasport i'w phrosesu.

• Gwneud cais am basport ar-lein Opens new window

Y Swyddfa Basport

Ceir saith o Swyddfeydd Pasport rhanbarthol yn y DU, a gall y rhain gynnig cymorth ychwanegol pan gysylltir â hwy.

• Dod o hyd i'ch Swyddfa Basport agosaf yn y DU Opens new window

Cymorth ar y stryd fawr

Mae nifer o ganghennau Swyddfa'r Post yn cynnig gwasanaeth 'Gwirio ac Anfon'. Am ffi ar gyfer trin y cais, byddan nhw'n anfon yr holl waith papur perthnasol ar gyfer y pasport yn syth at y Gwasanaeth Hunaniaeth a Phasbort.

• Gwasanaeth Gwirio ac Anfon Swyddfa'r Post Opens new window

Y gwahanol wasanaethau sydd ar gael

A dibynnu ar ba bryd y bydd angen eich pasport arnoch, mae'r gwasanaethau canlynol ar gael:

Dim ond ar gyfer adnewyddu neu newid pasport neu estyn cyfnod pasport plentyn y mae'r gwasanaeth Premiwm ar gael. Nid yw ar gael i gwsmeriaid sy'n gwneud cais am basport am y tro cyntaf ac nid yw fel arfer ar gael i bobl sy'n gwneud cais am basport yn lle un sydd wedi mynd ar goll, wedi'i ddwyn neu wedi'i ddifrodi.

Ac eithrio'r gwasanaeth Trac Cyflym a Phremiwm, does dim modd gwarantu amserau dychwelyd bob tro, ac fe all gymryd mwy o amser yn ystod y cyfnodau prysuraf.

Os hoffech ddefnyddio'r gwasanaethau gwarantedig hyn, rhaid i chi drefnu apwyntiad drwy ffonio Llinell Gymorth y Gwasanaeth Pasport ar 0870 521 0410, sydd ar gael 24 awr y diwrnod.

Teithio a'ch pasport

Pan fyddwch chi'n teithio gyda'ch pasport, mae'n syniad da:

Os digwydd i chi golli'ch pasport neu os caiff ei ddwyn, cysylltwch â'r Llysgenhadaeth Brydeinig, yr Uchel Gomisiwn neu'r Is-genhadaeth ar unwaith.

• Swyddfeydd cenadaethau Prydain Opens new window

Mwy o ddolenni defnyddiol

• Adnewyddu neu wneud cais am basport
• Pasportau a fisas (adran teithio a thrafnidiaeth)