Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Rhieni
Absenoldeb a thâl mabwysiadu: cyflwyniad
Os byddwch chi'n mabwysiadu plentyn, mae'n bosib y bydd gennych chi'r hawl i 52 wythnos o absenoldeb mabwysiadu. Mae'n bosib hefyd y bydd gennych yr hawl i gael tâl am hyd at 39 wythnos o'r absenoldeb. Dewch i wybod mwy am yr amodau ac am eich hawliau.
Absenoldeb a thâl mabwysiadu - y ffeithiau syml
Ceir Absenoldeb Mabwysiadu Statudol am 52 wythnos. Ceir Tâl Mabwysiadu Statudol am hyd at 39 wythnos a gellir cael hyd at £117.18 bob wythnos.
Os byddwch chi'n mabwysiadu plentyn ar eich pen eich hun, neu os ydych chi'n un o gwpwl sy'n mabwysiadu gyda'i gilydd, mae gennych yr hawl i gyfnod o absenoldeb mabwysiadu gyda thâl. Gall y cwpwl benderfynu pa un ohonyn nhw sy'n mynd i fod yn absennol gyda thâl. Mae'n bosib y bydd y llall, neu bartner y sawl sy'n mabwysiadu, hefyd yn gallu cael cyfnod o absenoldeb tadolaeth gyda thâl.
Mabwysiadu o dramor
Mae absenoldeb gyda thâl ar gael boed y plentyn yn cael ei fabwysiadu o'r tu mewn i'r DU neu o dramor, ond fe all rhai o'r manylion fod yn wahanol i rieni sy'n mabwysiadu o'r tu allan i'r DU.
I fod yn gymwys ar gyfer absenoldeb a thâl, rhaid i chi fod yn 'gyflogai'. Os mai 'gweithiwr' ydych chi, fyddwch chi ddim yn gymwys ar gyfer y cyfnod o absenoldeb ond fe allech fod yn gymwys i gael tâl. Os nad ydych chi'n siŵr ai 'gweithiwr' ynteu 'cyflogai' ydych chi, dilynwch y ddolen isod.
Cymorth personol
Byddwch yn cael help personol i gael gwybod beth ydych chi'n gymwys ar ei gyfer drwy ddefnyddio'r gwasanaeth Canllawiau Rhyngweithiol Personol i'ch Hawliau Cyflogaeth (TIGER).
Bydd y gwasanaeth yn cynhyrchu datganiad personol o'r absenoldeb a'r tâl mabwysiadu y gallwch fod yn gymwys ar eu cyfer, ynghyd â chalendr rhyngweithiol i'ch helpu i gynllunio'ch absenoldeb.
Cynlluniau cwmni
Mae'n bosib bod gan eich cyflogwr ei gynllun ei hun ac fe allai hwnnw fod yn fwy hael na'r cynllun statudol. Edrychwch yn eich contract cyflogaeth neu'ch llawlyfr staff i weld y manylion neu holwch eich cyflogwr. Chaiff eich cyflogwr ddim cynnig llai i chi na'r cynllun statudol.
Absenoldeb a thâl mabwysiadu: cael gwybod mwy
Ble mae cael cymorth
Mae’r Gwasanaeth Cynghori, Cymodi a Chyflafareddu (Acas) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth. Fe allwch chi ffonio llinell gymorth Acas ar 08457 47 47 47 rhwng 8.00 am a 6.00 pm o ddydd Llun i ddydd Gwener.
Mae’r Asiantaeth Cysylltiadau Llafur (LRA) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth i bobl sy'n byw yng Ngogledd Iwerddon. Gallwch gysylltu â'r LRA ar 028 9032 1442 rhwng 9.00 am a 5.00 pm o ddydd Llun i ddydd Gwener.
Gall eich Canolfan Cyngor Ar Bopeth (CAB) leol gynnig cyngor diduedd am ddim. Gallwch ddod o hyd i'ch swyddfa CAB leol yn y llyfr ffôn neu ar-lein.
Os ydych chi'n aelod o undeb llafur, fe allwch chi gael help, cyngor a chefnogaeth ganddyn nhw hefyd
Additional links
Ei wneud ar y we
Cysylltiadau defnyddiol
Allweddumynediad llywodraeth y DU
